యంగ్ హీరో సత్యదేవ్ నటించిన జీబ్రా సినిమా ఇప్పుడు పూర్తిస్థాయిలో ఓటీటీ స్ట్రీమింగ్ అందుబాటులోకి వచ్చింది. నవంబర్ 22న థియేటర్లలో విడుదలైన ఈ సినిమా పాజిటివ్ టాక్ అందుకున్నా, వసూళ్ల పరంగా ఆశించినంతగా రాణించలేదు.ఇప్పుడు ఆహా ఓటీటీలోకి అడుగుపెట్టి,కొత్తగా ప్రేక్షకులను ఆకట్టుకుంటోంది. డిసెంబర్ 18న ఆహా గోల్డ్ సబ్స్క్రైబర్లకు ప్రత్యేకంగా అందుబాటులోకి వచ్చిన ఈ చిత్రం,డిసెంబర్ 20న ఆహా ప్లాట్ఫామ్ సర్వ సాధారణ సబ్స్క్రిప్షన్ యూజర్లకూ అందుబాటులోకి వచ్చింది.అంటే గోల్డ్ ప్లాన్ లేకున్నా, ఆహా సబ్స్క్రైబర్లంతా ఈ సినిమాను ఎంజాయ్ చేయవచ్చు.బ్యాంకింగ్ మోసాల చుట్టూ తిరిగే కథతో వచ్చిన జీ బ్రా విభిన్నమైన స్టోరీలైన్, ఆసక్తికరమైన స్క్రీన్ప్లేతో ముందుకు సాగింది.ప్రధానంగా సత్యదేవ్ నటనకు భారీగా ప్రశంసలు దక్కాయి.
బ్యాంకు ఉద్యోగిగా సడెన్గా పెద్ద మొత్తంలో డబ్బు అవసరం వస్తే అతను ఎలా ప్రతిస్పందించాడనేది కథకు హైలైట్. కామెడీతో పాటు ఉత్కంఠ కలిగించే డ్రామా ఈ సినిమాకు మరింత బలం చేకూర్చింది.లక్కీ భాస్కర్ వంటి మరో సినిమా కూడా బ్యాంకింగ్ మోసాల పూర్వాపరాలతో వచ్చిన నేపథ్యంలో, కొన్ని పోలికల కారణంగా జీబ్రా కి కొంత ప్రతికూలత ఎదురైంది.అయినప్పటికీ, ఈ చిత్రం తనదైన స్క్రీన్ప్లేతో విశేషంగా ప్రేక్షకుల మన్ననలు పొందింది. సత్యదేవ్ ఈ చిత్రంలో తన నటనతో మరోసారి ప్రేక్షకులను మెప్పించారు.ప్రీ-రిలీజ్ ఈవెంట్లో మెగాస్టార్ చిరంజీవి హాజరవడం, సినిమా ప్రమోషన్లను మరింత గట్టిగా ముందుకు నడిపింది.ఈ ప్రమోషన్ల వల్లే మంచి ఓపెనింగ్స్ దక్కాయి. తక్కువ బడ్జెట్తో రూపొందిన ఈ చిత్రం రూ.6.2 కోట్లు కలెక్షన్లు సాధించింది.పాజిటివ్ టాక్ వచ్చినా, థియేటర్లలో భారీ వసూళ్లు సాధించలేదు. లక్కీ భాస్కర్ మరియు అమరన్ సినిమాల పోటీ కూడా కలెక్షన్లపై ప్రభావం చూపించింది.
