డార్జిలింగ్ మున్సిపాలిటీ (Darjeeling Municipality) ఇటీవల తీసుకున్న ఒక నిర్ణయం ఇప్పుడు చర్చనీయాంశంగా మారింది. పర్యాటకులు, స్థానికులు ఎవరు అయినా సరే కోతులకు ఆహారం పెడితే రూ.5 వేలు జరిమానా విధిస్తామని మున్సిపల్ అధికారులు స్పష్టం చేశారు. ఈ నియమాన్ని ఉల్లంఘించే వారిపై కఠిన చర్యలు తీసుకుంటామని హెచ్చరించారు. ఈ నిబంధన అమల్లోకి రావడంతో డార్జిలింగ్ పట్టణం అంతటా బ్యానర్లు, పోస్టర్లు ఏర్పాటు చేసి ప్రజలకు అవగాహన కల్పిస్తున్నారు.
రాష్ట్ర చీఫ్ ఫారెస్టర్ భాస్కర్ మాట్లాడుతూ, కోతులకు ఆహారం పెడటం వల్ల అవి అడవుల్లో సహజంగా ఆహారం వెతికే అలవాటును కోల్పోతున్నాయని తెలిపారు. సాధారణంగా కోతులు అడవుల్లో పండ్లు, కాయలు, వేరుశనగలు (Peanuts) వంటి సహజ ఆహార పదార్థాలను వెతికి తింటాయి. కానీ మనుషులు ఇచ్చే ఆహారంపై ఆధారపడటం మొదలైన తర్వాత అవి సహజ పరిసరాల నుంచి దూరమై పట్టణాల్లోకి వచ్చేస్తున్నాయని చెప్పారు. ఫలితంగా ఆహారం దొరకకపోతే ప్రజలపై దాడి చేసే పరిస్థితి వస్తోందని ఆయన ఆందోళన వ్యక్తం చేశారు.
సీనియర్ అధికారి ఒకరు తెలిపారు
వాటికి ఆహారం ఇవ్వకపోతే, అవి కూడా కొరుకుతాయి. డార్జిలింగ్ అంతటా రేబిస్ సంఖ్య పెరిగింది. కాబట్టి మేం ఒక తీర్మానాన్ని ఆమోదించి దానిని తప్పనిసరి చేస్తున్నామని ఠాకూరి వెల్లడించారు. కొన్ని సంవత్సరాల క్రితం సమీపంలోని అడవి నుండి పట్టణ ప్రాంతానికి కోతులు వచ్చేవి కాదని మునిసిపాలిటీ సీనియర్ అధికారి ఒకరు తెలిపారు. పట్టణ ప్రాంతాల్లో అప్పుడప్పుడు మాత్రమే కొన్ని కోతులు కనిపించేవని చెప్పారు.మొత్తం మీద, కోతులకు ఆహారం పెడితే జరిమానా విధించడం చిన్న నిర్ణయంలా కనిపించినా, దీని వెనుక ఉన్న ఉద్దేశ్యం చాలా గొప్పది. ఇది మనుషులు–ప్రకృతి మధ్య సమతౌల్యాన్ని కాపాడే దిశగా వేసిన వ్యూహాత్మక అడుగుగా చెప్పుకోవచ్చు.
Read hindi news: hindi.vaartha.com
Read also:
