కోట సత్తెమ్మ.కోరికలు తీర్చే తల్లి, భక్తులకు ఆశీస్సులు అందించే చల్లని అమ్మ. ఈ తల్లి దర్శనం ఎంతో పవిత్రమైంది అని పెద్దలు చెబుతుంటారు.అందుకే ఆంధ్రప్రదేశ్, తెలంగాణతో పాటు పొరుగు రాష్ట్రాలనుంచి కూడా భక్తులు అమ్మవారి దర్శనం కోసం తరలివస్తుంటారు. తూర్పు గోదావరి జిల్లాలోని నిడదవోలు సమీపంలో ఉన్న కోట సత్తెమ్మ ఆలయం భక్తుల నమ్మకానికి ప్రతీకగా నిలుస్తుంది. కోట సత్తెమ్మ అమ్మవారు 10 అడుగుల ఎత్తుతో శంఖ, చక్రాలు, గదలను ధరించి అభయముద్రలో భక్తులకు దర్శనమిస్తారు.నిడదవోలు మండలంలోని తిమ్మరాజుపాలెంలో విరాజిల్లే ఈ అమ్మవారి ఆలయానికి చుట్టుపక్కల గ్రామాలనుంచి కాకుండా దూరప్రాంతాల నుంచి కూడా భక్తులు తరలివస్తారు.నిడదవోలు పట్టణాన్ని ఒకప్పుడు రుద్రమదేవి భర్త వీరభద్ర చాళుక్యుడు పాలించేవాడు.ఆయన ఈ ప్రాంతాన్ని కోటగా రూపొందించి అనేక యుద్ధాలు చేసినట్టు చరిత్ర చెబుతోంది.
అయితే, కాలక్రమేణా ఆ కోట శిథిలమైపోయి అమ్మవారి విగ్రహం కనబడకుండా పోయిందట.తర్వాత, తిమ్మరాజుపాలేనికి చెందిన ఓ భక్తుడి పొలంలో అమ్మవారి విగ్రహం బయటపడింది.అప్పటి నుంచి ఆ విగ్రహాన్ని పూజించడం ప్రారంభించారు.కొన్నాళ్లకు అమ్మవారు ఆ భక్తుడి కలలో కనిపించి ఆలయం నిర్మించమని ఆదేశించారని చెబుతారు. దాంతో ఆ భక్తుడు తన పొలంలో కొంత భాగాన్ని దానం చేసి ఆలయ నిర్మాణం చేపట్టాడు. ఆలయ ప్రాంగణం విశాలంగా ఉండి పచ్చని కొబ్బరి చెట్ల మధ్య విరాజిల్లుతోంది. స్థానికులు కోట సత్తెమ్మపై అపారమైన భక్తితో తమ పిల్లలకు ఆమె పేర్లు పెట్టడం విశేషం.కొందరు “సత్యం,”“సత్యనారాయణ” అనే పేర్లను కూడా ఈ అమ్మవారికి నివాళిగా ఇస్తారు. ఆలయానికి సమీపంలో నివసించే ముస్లింలు కూడా అమ్మవారిని తమ కుటుంబ సభ్యురాలిగా భావించి ఆమెకు చీరలు సమర్పిస్తారు. ఇది భక్తి, మత సహనానికి నిదర్శనంగా నిలుస్తోంది.అమ్మవారికి ప్రతిరోజూ పూజలు నిర్వహిస్తారు. ముఖ్యంగా శరన్నవరాత్రులు, మార్గశిర మాస ఉత్సవాలు ఘనంగా జరుగుతాయి. పిల్లల కోసం భక్తులు సంతాన వృక్షాన్ని పూజించి మొక్కులు వేస్తారు.తులాభారంతో మొక్కులు తీర్చుకుంటారు.
భక్తుల సంఖ్య కొత్త రికార్డు మహాకుంభమేళాకు 50కోట్లు దాటిన భక్తులు. మానవ చరిత్రలో ఏ మతపరమైన, సాంస్కృతిక లేదా సామాజిక కార్యక్రమంలోనూ ఇంత పెద్ద సంఖ్యలో ప్రజలు Read more
వైసీపీ ఎమ్మెల్సీ జకియా ఖాన్‌పై తిరుమల పోలీసుల వారు ఒక కేసు నమోదు చేశారు శ్రీవారి దర్శనానికి డబ్బులు వసూలు చేస్తున్నారంటూ బెంగళూరుకు చెందిన ఒక భక్తుడు Read more
ప్రయాగ్‌రాజ్‌: ప్రపంచంలోనే అతిపెద్ద ఆధ్యాత్మిక వేడుకగా పేరొందిన మహా కుంభమేళా ఘనంగా ప్రారంభమైంది. గంగా, యమునా, సరస్వతీ నదులు కలిసే ప్రదేశమైన ఉత్తరప్రదేశ్‌లోని ప్రయాగ్‌రాజ్‌కు భక్తులు పోటెత్తారు. Read more
తిరుమల శ్రీవారి ఆలయంలోని హుండీ నుంచి ఓ భక్తుడు నగదు చోరీ చేశాడు. తమిళనాడుకు చెందిన వేణులింగం రూ.15వేలు తీసినట్లు అధికారులు సీసీ ఫుటేజీ ద్వారా గుర్తించారు. Read more