అమెరికాలో భారీ భూకంపం (Earthquake ) సంభవించి, ప్రజలను భయభ్రాంతులకు గురిచేసింది. ఈ భూకంపం రిక్టర్ స్కేలుపై 7.0 తీవ్రత(7.0 magnitude earthquake)ను నమోదు చేసుకుంది. నార్తర్న్ కాలిఫోర్నియా (Northern California) తీరంలో సంభవించిన ఈ ప్రకంపనలు, సముద్రతీర ప్రాంతాల్లో నివసిస్తున్న ప్రజలను అప్రమత్తం చేశాయి. యునైటెడ్ స్టేట్స్ జియోలాజికల్ సర్వే (USGS) భూకంప తీవ్రతను గుర్తించి, యెల్లో అలర్ట్‌ను ప్రకటించింది. సాధారణంగా ఈ అలర్ట్ భూకంపం వల్ల సంభవించే నష్టాన్ని అంచనా వేయడానికి ఉపయోగిస్తారు. ఇప్పటికే అధికారులు పరిస్థితిని సమీక్షిస్తూ, సహాయక చర్యల కోసం సన్నద్ధమవుతున్నారు. నేషనల్ సునామీ కేంద్రం (NTWC) సునామీ హెచ్చరికలు జారీ చేసింది. సముద్రతీర ప్రాంతాల్లో సునామీ వచ్చే అవకాశం ఉందని, ప్రజలు అప్రమత్తంగా ఉండాలని సూచించారు. తీర ప్రాంత ప్రజలు తక్షణమే భద్రమైన ప్రదేశాలకు తరలించాలని అధికారులు కోరారు.
యూఎస్ జియోలాజికల్ సర్వే ప్రకారం, గురువారం స్థానిక కాలమానం ప్రకారం ఉదయం 10:44 గంటలకు ఉత్తర కాలిఫోర్నియాలోని హంబోల్ట్ కౌంటీలో 100 కిమీ వాయువ్య ప్రాంతంలో ఈ భూకంపం సంభవించింది. ఇది మొదట 6.6 తీవ్రతతో కూడిన భూకంపంగా పేర్కొన‌బ‌డింది. ఆ త‌ర్వాత దీన్ని యూఎస్‌జీఎస్‌ 7.0గా గుర్తించింది. భూకంప కేంద్రం 0.6 కి.మీ లోతుగా గుర్తించినట్లు జిన్హువా వార్తా సంస్థ తెలిపింది. ఇక కాలిఫోర్నియాలో సుమారు 5.3 మిలియన్ల మంది ప్రజలు యూఎస్ నేషనల్ వెదర్ సర్వీస్ జారీ చేసిన సునామీ హెచ్చరికలో ఉన్నారు. ఒరెగాన్ స్టేట్ లైన్ నుండి శాన్ ఫ్రాన్సిస్కో బే ఏరియా వరకు ఈ సునామీ హెచ్చరికలు ఉన్నాయి.
ప్రస్తుతం భూకంపం వల్ల ప్రాణ నష్టం లేదా ఆస్తి నష్టం వివరాలు ఇంకా అందుబాటులో లేవు. ప్రభుత్వ యంత్రాంగం పరిస్థితిని నిశితంగా పరిశీలిస్తూ, ప్రజలను భయాందోళనకు గురిచేయకుండా చర్యలు తీసుకుంటోంది. ఈ ఘటనపై మరిన్ని వివరాలు త్వరలో వెలువడనున్నాయి.
తైవాన్ అధ్యక్షుడు లై చింగ్-టె శనివారం హవాయీలో పర్ల్ హార్బర్ ఆక్రమణానికి సంబంధించిన స్మారక స్థలాన్ని సందర్శించాక, "యుద్ధానికి విజేతలు ఉండరు, శాంతి అనేది అమూల్యమైనది" అని Read more
సిద్దిపేట జిల్లా కొమురవెల్లి గ్రామంలోని శ్రీ మల్లికార్జునస్వామి దేవాలయంలో నేడు స్వామివారి కళ్యాణ మహోత్సవం ఘనంగా జరగనుంది. స్వామి కళ్యాణం ఆలయ ప్రాంగణంలోని తోటబావి వద్ద ప్రత్యేకంగా Read more
గ్లోబల్ స్టార్ రామ్ చరణ్, కియారా అద్వానీ జంటగా నటించిన మాస్ అండ్ క్లాస్ ఎంటర్టైనర్ 'గేమ్ చేంజర్' ఈ నెల 10న విడుదలకు సిద్ధంగా ఉంది. Read more
కేంద్ర సమాచార మరియు ప్రసార శాఖ మంత్రి అశ్విని వైష్ణవ్ బుధవారం యువ చిత్రనిర్మాతలకు ఆవశ్యకమైన సాంకేతికతలను స్వీకరించాలంటూ సూచించారు. ఆయన అభిప్రాయం ప్రకారం, సినిమాటోగ్రఫీ, నిర్మాణం Read more