Meta : ఇన్‌స్టాగ్రామ్, ఫేస్‌బుక్, మెసెంజర్ వంటి ప్రముఖ సోషల్ మీడియా ప్లాట్‌ఫారమ్‌లలో టీనేజర్ల భద్రతను మరింత పటిష్టం చేసేందుకు మాతృ సంస్థ ‘మెటా’ అంతర్జాతీయంగా పలు కీలక అప్‌డేట్‌లను ప్రకటించింది. ఈ నూతన విధానాల ద్వారా ప్రపంచవ్యాప్తంగా ఉన్న మైనర్ ఖాతాలకు ’13+ కంటెంట్ సెట్టింగ్‌లను’ డిఫాల్ట్‌గా అందుబాటులోకి తీసుకువచ్చారు. దీనివల్ల ఫీడ్, రీల్స్, చాటింగ్స్ వంటి విభాగాలలో టీనేజర్లకు అనుచితమైన సమాచారం లేదా లింక్‌లు కనిపించకుండా ఆటోమేటిక్‌గా ఫిల్టర్ అవుతాయి. టీనేజర్లకు ఆన్‌లైన్ ప్రపంచంలో డిఫాల్ట్‌గా వయస్సుకు తగిన ఆరోగ్యకరమైన వాతావరణాన్ని అందించడమే తమ ప్రాధాన్యతని మెటా ఇండియా పబ్లిక్ పాలసీ డైరెక్టర్ నటాషా జోగ్ స్పష్టం చేశారు. ఈ అప్‌డేట్స్ ద్వారా సోషల్ మీడియాలో పిల్లల అవాంఛనీయ కార్యకలాపాలకు అడ్డుకట్ట పడనుంది.
Read Also : డిగ్రీలు లేవు.. వయసు 13 ఏళ్లే..నెలకు కోటి రూపాయల సంపాదన
ఆత్మహత్య వంటి సున్నిత అంశాలపై తల్లిదండ్రులకు అలర్ట్స్
మైనర్ ఖాతాలను మరింత ఖచ్చితంగా గుర్తించేందుకు మెటా సంస్థ సరికొత్త ఆర్టిఫిషియల్ ఇంటెలిజెన్స్ (AI) మరియు విజువల్ అనాలిసిస్ టెక్నాలజీని రంగంలోకి దించింది. ఈ సాంకేతికత ప్రొఫైల్‌లోని పోస్ట్‌లు, బయోలు, కామెంట్‌లతో పాటు, ఫోటోలలోని శారీరక ఎత్తు, ఎముకల నిర్మాణం వంటి దృశ్య ఆధారాలను విశ్లేషించి వినియోగదారుల సాధారణ వయస్సును అంచనా వేస్తుంది. దీనితో పాటు, ఇన్‌స్టాగ్రామ్ పర్యవేక్షణ ఫీచర్‌లో భాగంగా ఒక అత్యంత కీలకమైన భద్రతా మార్పును చేర్చారు. ఒకవేళ ఏ టీనేజరైనా తక్కువ వ్యవధిలో పదేపదే ‘ఆత్మహత్య’ లేదా ‘స్వీయ-హాని’ (Self-harm) వంటి ప్రమాదకరమైన పదాల కోసం వెతకడానికి ప్రయత్నిస్తే, ఆ విషయాన్ని ఇన్‌స్టాగ్రామ్ వెంటనే వారి తల్లిదండ్రులకు నోటిఫికేషన్ ద్వారా తెలియజేస్తుంది. ఈ సరికొత్త పర్యవేక్షణ వ్యవస్థ ప్రస్తుతం భారతదేశంతో పాటు ఈయూ, బ్రెజిల్‌లలో అందుబాటులోకి వచ్చింది. తల్లిదండ్రులు తమ పిల్లల యాప్ కార్యకలాపాలను ఒకే చోట పర్యవేక్షించేందుకు వీలుగా ‘ఫ్యామిలీ సెంటర్’ (Family Center) వేదికను కూడా మెటా అప్‌గ్రేడ్ చేసింది.
Read Also hindi news: hindi.vaartha.com
Read Also Epaper : epaper.vaartha.com
Read Also :
