Whatsapp : ప్రసిద్ధ సోషల్ మీడియా ప్లాట్‌ఫామ్ ‘ఇన్‌స్టాగ్రామ్’ తరహాలోనే ప్రముఖ మెసేజింగ్ యాప్ ‘వాట్సాప్’ కూడా తమ వినియోగదారులకు ఎంతో ఉపయోగపడే డ్యూయల్ అకౌంట్ ఫీచర్‌ను అందుబాటులోకి తెచ్చింది. సాధారణంగా చాలామంది వ్యక్తిగత (Personal) మరియు కార్యాలయ (Office) అవసరాల కోసం రెండు వేర్వేరు ఫోన్ నంబర్లను ఉపయోగిస్తుంటారు. అయితే, వీటికోసం రెండు వేర్వేరు వాట్సాప్ అకౌంట్లను నడపడానికి ఇప్పటికీ క్లోన్ యాప్స్ లేదా సురక్షితం కాని థర్డ్ పార్టీ యాప్‌లను ఆశ్రయిస్తున్నారు. ఇకపై అలాంటి థర్డ్ పార్టీ యాప్‌ల అవసరం లేకుండానే ఒకే అధికారిక వాట్సాప్ అప్లికేషన్‌లో రెండు వేర్వేరు నంబర్లతో అకౌంట్లను చాలా సులభంగా నిర్వహించుకోవచ్చు.
ఆండ్రాయిడ్ యూజర్ల కోసం వాట్సాప్ లో కొత్త ఫీచర్
అకౌంట్ ఎలా యాడ్ చేయాలి? వాడకం చాలా సులభం
ఒకే వాట్సాప్ యాప్‌లో రెండో నంబర్‌ను జత చేయడం (Add Account) ఎంతో తేలికైన ప్రక్రియ. దీనికోసం ముందుగా మీ వాట్సాప్ ఓపెన్ చేసి, రైట్ సైడ్ ఉండే ‘సెట్టింగ్స్’ (Settings) విభాగానికి వెళ్లాలి. అక్కడ ప్రొఫైల్ పేరు పక్కన ఉండే బాణం గుర్తుపై లేదా ‘అకౌంట్స్’ (Accounts) ఆప్షన్‌పై క్లిక్ చేసి ‘యాడ్ అకౌంట్’ (Add Account) ను ఎంచుకోవాలి. అనంతరం మీ వద్ద ఉన్న రెండో ఫోన్ నంబర్‌ను నమోదు చేసి, వచ్చే ఆటోమేటిక్ OTP వెరిఫికేషన్ ప్రక్రియను పూర్తి చేస్తే చాలు. అకౌంట్ సెటప్ పూర్తయ్యాక, అవసరాన్ని బట్టి కేవలం ఒక్క క్లిక్‌తో ప్రొఫైల్ మారే సదుపాయం ద్వారా పర్సనల్ మరియు ప్రొఫెషనల్ చాట్‌లను చాలా సులభంగా వేర్వేరుగా నిర్వహించుకోవచ్చు.
Read Also hindi news: hindi.vaartha.com
Read Also Epaper : epaper.vaartha.com
Read Also :
