ఇండియన్ ప్రీమియర్ లీగ్ (IPL) 18వ సీజన్ తాజాగా ప్రారంభమైన సంగతి మీకు తెలిసే ఉంటుంది. అయితే ఈసారి ఊహించని విధంగా IPL ప్లేయర్స్ వేలం కోట్లలో జరిగింది. ఐపీల్ టీంలు ఒక్కో ప్లేయర్’ని కోట్లు కుమ్మరించి కొనుగోలు చేసాయి. కానీ ఈ ప్లేయర్స్ అందరు పన్ను చెల్లించాల్సి ఉంటుందా.. అనే ప్రశ్న ఇప్పుడు ప్రజల మనస్సులో తలెత్తుతుంది. దీనికి సమాధానం అవును అనే వినిపిస్తుంది.. అయితే వీరు ఎంత పన్ను చెల్లించాలి ? ఇతర దేశ ఆటగాళ్లతో పోల్చితే ఎంత కట్టాల్సి ఉంటుంది.
భిన్నంగా దేశ ప్లేయర్లకు పన్ను నియమాలు
ఐపీఎల్‌లో ఆడే ఇండియన్ ప్లేయర్లకు ఇంకా బయటి దేశ ప్లేయర్లకు పన్ను నియమాలు భిన్నంగా ఉంటాయి. భారత చట్టం ప్రకారం భారతదేశంలో అలాగే విదేశాలలో భారతీయ ఆటగాళ్ల ఆదాయంపై ఆదాయపు పన్ను విధించబడుతుంది. అంతేకాదు IPLలో ఆడే ఇతర దేశ ఆటగాళ్లను ‘నాన్-రెసిడెంట్’గా వర్గీకరిస్తారు. ఈ కారణంగా పన్ను విధానం భిన్నంగా ఉంటుంది. భారతీయ ఆటగాళ్ల ఆదాయంపై 10% TDS (tax deduction at source) వర్తిస్తుండగా, విదేశీ ఆటగాళ్లకు ఈ రేటు 20%. ప్లేయర్స్ కాంట్రాక్ట్ మొత్తాన్ని అందుకునే ముందు ఈ TDS కట్ చేస్తారు.
ఫ్రాంచైజీతో ఒప్పందంపై సంతకం
ఐపీఎల్‌లో ఆడే ఆటగాళ్ళు కాంట్రాక్ట్ మొత్తాన్ని పొందడానికి ముందుగా బీసీసీఐ (భారత క్రికెట్ నియంత్రణ మండలి) ఇంకా సంబంధిత ఫ్రాంచైజీతో ఒప్పందంపై సంతకం చేయాలి. ఒకవేళ ఫ్రాంచైజ్ టీం పేమెంట్ చేయడంలో విఫలమైతే, BCCI జోక్యం చేసుకుని పేమెంట్ జరిగేల చూస్తుంది ఇంకా ఫ్రాంచైజ్ సెంట్రల్ రెవెన్యూ ఫండ్ నుండి అవసరమైన మొత్తాన్ని కట్ చేస్తుంది.
నిపుణుల అభిప్రాయం
బిజినెస్ టుడే రిపోర్ట్ ప్రకారం ఐపీఎల్ ఫ్రాంచైజీలు ప్లేయర్లకు చెల్లించే మొత్తాన్ని వృత్తిపరమైన ఆదాయంగా లెక్కిస్తారు. అందువల్ల IPL నుండి వచ్చే ఆదాయాలను ఒక ఆర్థిక సంవత్సరం మొత్తం ఆదాయానికి కలిపి భారత ఆదాయపు పన్ను చట్టం కింద పన్ను స్లాబ్‌ల ప్రకారం పన్ను విధించబడుతుంది. విదేశీ ఆటగాళ్లకు పన్ను నియమాలు: విదేశీ ఆటగాళ్లకు భారత ఆదాయపు పన్ను చట్టం, 1961 లోని సెక్షన్ 115BBA కింద పన్ను విధించబడుతుంది. ఈ సెక్షన్ ప్రకారం భారత పౌరుడు కానీ (NRI) ఆటగాళ్లకు భారతదేశంలో ఏదైనా స్పోర్ట్స్ లేదా సంబంధిత కార్యక్రమంలో పాల్గొంటే అతనికి ప్రత్యేక నియమాలు వర్తిస్తాయి. ముఖ్యంగా భారతదేశంలో స్పోర్ట్స్, ప్రకటనలు లేదా క్రీడలకు సంబంధించిన ప్రొమోషన్స్ నుండి వచ్చే ఆదాయానికి 20% ఫ్లాట్ రేటుతో పన్ను విధించబడుతుంది. అదనంగా ఈ ఆటగాళ్ళు భారతదేశంలో ఆదాయాన్ని పొందినప్పుడు, దానిపై 20% TDS కూడా వర్తిస్తుంది.
విదేశీ ఆటగాళ్ళు భారతదేశంలో ‘డబుల్ టాక్సేషన్ అవాయిడెన్స్ అగ్రిమెంట్’ (DTAA) కింద ట్యాక్స్ రిలీఫ్ పొందే అవకాశం ఉంది. ఒక ప్లేయర్ ఒక ఆర్థిక సంవత్సరంలో భారతదేశంలో 182 రోజుల కంటే ఎక్కువ రోజులు గడిపినట్లయితే అతన్ని భారత ‘నివాసి’గా పరిగణిస్తారు అంటే భారత పౌరులలాగానే పన్ను నియమాలకు లోబడి ఉంటారు అని అర్ధం.
దేశవ్యాప్తంగా ప్రభుత్వ, ప్రైవేటు, కార్పొరేటు విద్యాసంస్థల్లో కేజీ నుంచి పీజీ వరకు చదువుతున్న విద్యార్థులకు ఇకపై ఆధార్‌ తరహాలో అపార్ (Automated Permanent Academic Account Registry Read more
వీవీఐపీ పాసులు ర‌ద్దు.. నో వెహిక‌ల్ జోన్‌గా ప్రకటించిన అధికారులు ప్ర‌యాగ్‌రాజ్‌: మహాకుంభమేళాలో తొక్కిసలాట చోటుచేసుకోవడంతో యాత్రికుల రద్దీ, ట్రాఫిక్ నిర్వహణకు సంబంధించి ఉత్తర్ ప్రదేశ్ ముఖ్యమంత్రి Read more
భారతీయ విద్యార్ధులు, టూరిస్టులకు ఇప్పటికే అమెరికా సహా పలు దేశాలు షాకులిస్తుండగా తాజాగా ఈ జాబితాలో కెనడా కూడా చేరిపోయింది. ఇన్నాళ్లూ భారతీయులకు సురక్షిత దేశంగా కొనసాగిన Read more
హసీనా ప్రభుత్వంపై మానవ హక్కుల ఉల్లంఘన ఆరోపణలుషేక్ హసీనా నేతృత్వంలోని ఆవామీ లీగ్ 15 ఏళ్ల పాలనలో విస్తృతమైన మానవ హక్కుల ఉల్లంఘనలకు పాల్పడిందని ఆరోపణలు. గత Read more