Dharmendra Pradhan Resignation: ధర్మేంద్ర ప్రధాన్ రాజీనామాపై నేడు నిర్ణయం..ఉత్కంఠగా ఎదురుచూపు!

Dharmendra Pradhan Resignation:నీట్-యుజి (NEET-UG) పేపర్ లీక్ మరియు పరీక్షల అక్రమాలపై జంతర్ మంతర్ వద్ద కొనసాగుతున్న ఉద్యమంపై కేంద్ర ప్రభుత్వం మరియు కాక్రోచ్ జనతా పార్టీ (CJP) ప్రతినిధుల మధ్య శనివారం మధ్యాహ్నం మూడో విడత చారిత్రాత్మక చర్చలు జరగనున్నాయి. వారం రోజులుగా జరుగుతున్న సంప్రదింపుల అనంతరం ఈ చర్చలు తుది ఘట్టానికి చేరుకున్నాయి. కేంద్ర మంత్రులు జేపీ నడ్డా, జితేంద్ర సింగ్లతో శుక్రవారం దాదాపు రెండు గంటల పాటు జరిగిన చర్చల్లో సీజేపీ ప్రతినిధులు సౌరవ్ దాస్, అశుతోష్ రాంకా పాల్గొని తమ ప్రతిపాదనలను సమర్పించారు.

రెండు డిమాండ్లకు కేంద్రం గ్రీన్ సిగ్నల్

శుక్రవారం నాటి సమావేశంలో సీజేపీ కోరిన మూడు ప్రధాన డిమాండ్లలో రెండింటికి కేంద్రం సూత్రప్రాయంగా అంగీకారం తెలిపింది. నీట్ పేపర్ లీక్ వ్యవహారంతో మనస్తాపానికి గురై ఆత్మహత్య చేసుకున్న అభ్యర్థుల కుటుంబాలకు రూ. 1 కోటి చొప్పున పరిహారం కల్పించే అంశం. ‘సన్సద్ చలో’ ఆందోళనలో పాల్గొన్న శాంతియుత నిరసనకారులు మరియు విద్యార్థులపై పెట్టిన ఎఫ్‌ఐఆర్‌లను రద్దు చేయడం.

ధర్మేంద్ర ప్రధాన్ రాజీనామాపై ప్రతిష్టంభన

అయితే, కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా డిమాండ్‌పై సీజేపీ ఏమాత్రం వెనక్కి తగ్గడం లేదు. “మంత్రి రాజీనామా అంశం నాన్-నెగోషియబుల్ (చర్చలకు అతీతం). ఆయన రాజీనామా చేసే వరకు లేదా ప్రభుత్వం ఆయన్ను మంత్రివర్గం నుంచి తొలగించే వరకు మా ఆందోళన ఆగదు” అని సీజేపీ ప్రతినిధులు స్పష్టం చేశారు. ఈ వివాదాస్పద డిమాండ్‌పై ప్రభుత్వ అంతర్గత సంప్రదింపుల కోసం శనివారం మధ్యాహ్నం వరకు సమయం కావాలని కేంద్రం కోరింది.

Dharmendra Pradhan Resignation:పేపర్ లీక్‌లపై కఠిన చర్యలకు కేంద్రం సిద్ధం

మరోవైపు నిరసనల తీవ్రత దృష్ట్యా కేంద్ర ప్రభుత్వం వేగంగా అడుగులు వేస్తోంది.పేపర్ లీక్‌లకు పాల్పడేవారికి 10 ఏళ్ల జైలు శిక్ష, రూ.10 కోట్ల వరకు జరిమానా విధించే నిబంధనలతో పాటు, కేసుల త్వరితగతిన విచారణకు ఫాస్ట్ ట్రాక్ కోర్టులను ఏర్పాటు చేసే ప్రతిపాదిత బిల్లుకు కేంద్ర మంత్రివర్గం ఆమోదం తెలిపింది. విమర్శలు ఎదుర్కొంటున్న నేషనల్ టెస్టింగ్ ఏజెన్సీ (NTA)కి చెందిన 47 మంది అధికారుల సేవలను కేంద్రం తక్షణమే ముగించింది. నేడు జరగనున్న శనివారం నాటి సమావేశంలో కేంద్రం ఇచ్చే సమాధానంపైనే ఈ సుదీర్ఘ విద్యార్థి ఉద్యమ భవిష్యత్తు ఆధారపడి ఉంది.