Telegram : ప్రముఖ సోషల్ మీడియా మెసేజింగ్ యాప్ ‘టెలిగ్రామ్’ (Telegram) కు కేంద్ర ప్రభుత్వం మరోసారి గట్టి నోటీసులు జారీ చేసింది. గతంలో నీట్ (NEET) రీఎగ్జామ్ సమయంలో చోటుచేసుకున్న పరిణామాల వల్ల ఈ యాప్‌పై నిషేధం విధించిన కేంద్రం, తాజాగా డిజిటల్ పైరసీ వ్యవహారంలో ఈ నోటీసులు పంపింది. టెలిగ్రామ్ ప్లాట్‌ఫామ్‌లో అక్రమ పద్ధతుల్లో ఓటీటీ (OTT) ఒరిజినల్ కంటెంట్, థియేటర్లలో విడుదలయ్యే కొత్త సినిమాలు మరియు ఇతర పైరసీ వీడియోలను విచ్చలవిడిగా అందుబాటులో ఉంచడంపై కేంద్ర ఐటీ మంత్రిత్వ శాఖ తీవ్ర ఆగ్రహం వ్యక్తం చేసింది. నిబంధనలను ఉల్లంఘిస్తూ సాగుతున్న ఈ అక్రమ నెట్‌వర్క్‌ల వల్ల వినోద రంగం భారీగా నష్టపోతోందని ప్రభుత్వం స్పష్టం చేసింది.
Read Also : డాక్టర్ అర్చన గుప్తా మృతి కేసు..బీహార్ బీజేపీ ఎమ్మెల్యేకు నాలుగేళ్ల జైలు శిక్ష!
15 రోజుల్లో నివేదిక ఇవ్వాలి.. సినీ, ఓటీటీ పరిశ్రమల రక్షణే లక్ష్యం
ఈ నోటీసుల ద్వారా కేంద్ర ప్రభుత్వం టెలిగ్రామ్ యాజమాన్యానికి స్పష్టమైన గడువును విధించింది. తమ ప్లాట్‌ఫామ్‌లో సాగుతున్న డిజిటల్ పైరసీని అరికట్టడానికి, అక్రమ లింకులను అడ్డుకోవడానికి ఎలాంటి చర్యలు తీసుకుంటున్నారో వివరిస్తూ రాబోయే 15 రోజుల్లోగా సమగ్ర నివేదిక సమర్పించాలని ఆదేశించింది. అలాగే యాప్‌లో ఉన్న పైరసీ కంటెంట్‌ను తక్షణమే తొలగించాలని స్పష్టం చేసింది. దేశీయ సినీ పరిశ్రమను మరియు వేలాది కోట్ల పెట్టుబడులతో కూడుకున్న ఓటీటీ ప్లాట్‌ఫామ్‌ల మేధో సంపత్తి హక్కులను (IPR) రక్షించుకోవడమే కేంద్ర ప్రభుత్వ ప్రధాన లక్ష్యమని ఈ సందర్భంగా అధికారులు వెల్లడించారు. ఒకవేళ టెలిగ్రామ్ గడువులోగా స్పందించకపోతే కఠినమైన చట్టపరమైన చర్యలు ఉంటాయని ప్రభుత్వం హెచ్చరించింది.
Read Also hindi news: hindi.vaartha.com
Read Also Epaper : epaper.vaartha.com
Read Also :
