Movie Title : సినిమా రంగంలో తమ చిత్రాన్ని ప్రేక్షకుల దృష్టికి తీసుకెళ్లేందుకు వినూత్న ప్రచార వ్యూహాలను అమలు చేయడం సాధారణ విషయమే. ప్రమోషన్లకు ఉపయోగపడుతుందనో లేక కథాంశం డిమాండ్ చేసిందో తెలియదు కానీ, టాలీవుడ్‌లో ఇటీవల ఓ చిన్న సినిమాకు చిత్రబృందం ఏకంగా ఒక పెద్ద వాక్యాన్నే టైటిల్‌గా నిర్ణయించి అందరినీ ఆశ్చర్యపరిచింది. టాలీవుడ్ సినీ చరిత్రలోనే అత్యంత పొడవైన పేరుగా నిలిచిన ఈ సినిమా టైటిల్ ‘ఈ పాట కోరినవారు నెమలిపాలెం నుండి రమ, జ్యోత్స్న, నందు, మురళి, కబీర్, డోల్ రవి మొదలగువారు’. ఈ విభిన్నమైన పేరు ప్రకటించినప్పటి నుంచే సోషల్ మీడియాలోనూ, సినీ వర్గాల్లోనూ ప్రత్యేక ఆసక్తి నెలకొంది.
Read Also : ఆనంద్ దేవరకొండ ‘ఎపిక్’ ఈవెంట్‌లో రష్మిక కామెంట్స్
చంద్ర సిద్ధార్థ్ మార్క్ డైరెక్షన్ మరియు విడుదల వివరాలు
ఈ అరుదైన చిత్రాన్ని ‘ఆ నలుగురు’, ‘అందరిబంధువయా’ వంటి సందేశాత్మక చిత్రాలతో తెలుగు ప్రేక్షకుల గుండెల్లో చెరగని ముద్ర వేసిన ప్రముఖ దర్శకుడు చంద్ర సిద్ధార్థ్ తెరకెక్కించారు. ఈ చిత్రంలో ఎంచుకున్న కథాంశం, పాత్రల తీరుతెన్నులు ఎంతో భిన్నంగా ఉండబోతున్నాయని ఈ విచిత్రమైన టైటిల్ చూస్తేనే అర్థమవుతోంది. దశాబ్దాల క్రితం రేడియో కాలంలో వచ్చే “ఈ పాట కోరినవారు…” అనే గ్రామీణ అనుభూతిని గుర్తుచేసేలా ఉన్న ఈ కథనం ప్రేక్షకులకు కొత్త అనుభూతిని ఇస్తుందని భావిస్తున్నారు. అన్ని కార్యక్రమాలు పూర్తి చేసుకున్న ఈ వినూత్న చిత్రం ఈనెల 18న ప్రేక్షకుల ముందుకు రానుంది.
Read Also hindi news: hindi.vaartha.com
Read Also Epaper : epaper.vaartha.com
Read Also :
