టాలీవుడ్ యువ హీరో సిద్దు జొన్నలగడ్డ ప్రస్తుతం తన తాజా చిత్రం ‘జాక్’ తో ప్రేక్షకుల ముందుకు రాబోతున్నాడు. కొంచెం క్రాక్ అనేది ఈ సినిమా ట్యాగ్‌లైన్‌.ఈ సినిమా ఏప్రిల్ 10న థియేటర్లలో విడుదల కానుంది. రొమాంటిక్, కామెడీ, యాక్షన్ కలిపి ఈ చిత్రం తెరకెక్కించారని తెలుస్తోంది.ఈ చిత్రంలో వైష్ణవి చైతన్య హీరోయిన్‌గా నటిస్తోంది. ఇప్పటికే టిల్లు, టిల్లు స్క్వేర్ సినిమాలతో హిట్ ట్రాక్‌లో ఉన్న సిద్దు, ఈ సినిమాతో మరోసారి సక్సెస్ అందుకునే ఛాన్స్ ఉంది. ‘బొమ్మరిల్లు’ భాస్కర్ దర్శకత్వం వహించిన ఈ చిత్రాన్ని ప్రముఖ నిర్మాత బీవీఎస్ఎన్ ప్రసాద్ తన ఎస్‌వీసీసీ బ్యానర్‌పై నిర్మించారు.ఇప్పటికే ఈ సినిమా శ‌ర‌వేగంగా షూటింగ్ పూర్తి చేసుకుంది. ఈ నేపథ్యంలోనే మువీ నుంచి ట్రైల‌ర్‌ను విడుదల చేశారు మేక‌ర్స్. ఈ ట్రైలర్ చూస్తుంటే సిద్ధు జొన్నలగడ్డ జాక్ అనే ప్ర‌యివేట్ స్పై ఏజెంట్‌గా న‌టించ‌బోతున్న‌ట్లు తెలుస్తుంది.
ట్రైలర్ విశేషాలు
లవ్, కామెడీ, యాక్షన్ మాత్రమే కాకుండా ఈ జాక్ చిత్రంలో ఇంకా ఏదో ఉందని ట్రైలర్‌తో అర్థం అవుతోంది. ప్రకాష్ రాజ్, సిద్దు మధ్య మంచి సన్నివేశాలు ఉంటాయని ఈ ట్రైలర్ చెబుతోంది. అయితే టెర్రరిస్ట్ కాన్సెప్ట్‌ను ఈ కథలోకి ఎలా జొప్పించారు? ఆ ట్రాక్‌తో ఉన్న లింక్ ఏంటన్నది సినిమా చూస్తేనే అర్థం అవుతుంది. ఇక వైష్ణవి చైతన్య పాత్రకి చాలా ప్రాధాన్యత ఉందన్నట్టుగా కనిపిస్తోంది.నరేష్ కామెడీ, సిద్దు టైమింగ్, శ్యామ్ సీఎస్ ఆర్ఆర్, అచ్చు రాజమణి పాటలు సినిమాకు ప్లస్ అయ్యేలా ఉన్నాయి. ఇక చాలా రోజుల తరువాత ప్రకాష్ రాజ్‌కు మంచి పాత్ర దక్కినట్టుగా అనిపిస్తుంది. మరి ఈ జాక్ చిత్రం అయితే న్యూ ఏజ్ కంటెంట్, మేకింగ్‌లానే కనిపిస్తుంది. బొమ్మరిల్లు భాస్కర్ ఈ సారి ఎక్కువగా హై ఓల్టేజ్ యాక్షన్ సీక్వెన్స్‌లను నమ్ముకున్నాడని ఈ ట్రైలర్ చూస్తేనే తెలుస్తోంది.
జాక్
బొమ్మరిల్లు భాస్కర్ చాలా గ్యాప్ తీసుకుని ఈ జాక్ సినిమాను తెరకెక్కించిన సంగతి తెలిసిందే. మోస్ట్ ఎలిజబుల్ బ్యాచ్‌లర్ తరువాత బొమ్మరిల్లు భాస్కర్ చాలా టైం తీసుకున్నాడు. ఇక మళ్లీ జాక్ సినిమాతో బొమ్మరిల్లు భాస్కర్ ఖాతాలో హిట్ పడుతుందా? ఫ్లాప్ పడుతుందా? అన్నది చూడాలి. అసలే సిద్దు మంచి ఫాంలో ఉన్నాడు. టిల్లు, టిల్లు స్క్వేర్ తరువాత వస్తున్న సినిమా కావడంతో మంచి బజ్ అయితే ఉందన్న సంగతి తెలిసిందే.కంటెంట్ పరంగా జాక్ లో వైవిధ్యం కనిపిస్తోంది.సిద్దు మార్కు కామెడీ టైమింగ్ ని వాడుకుంటూనే యాక్షన్, ఫన్ రెండింటిని దర్శకుడు బొమ్మరిల్లు భాస్కర్ బ్యాలన్స్ చేసిన తీరు ఆసక్తి గొలిపేలా ఉంది. ట్రైలర్ చివర్లో రొమాన్స్ గురించి సిద్దు చెప్పే డైలాగులు, నాన్నగా నటించిన నరేష్ తో పండించిన హాస్యం యూత్ ని టార్గెట్ చేసుకున్నాయి. సామ్ సిఎస్ బ్యాక్ గ్రౌండ్ స్కోర్ అందించగా అచ్చురాజమణి పాటలు ఆల్రెడీ జనాల్లోకి వెళ్లిపోయాయి. కొంచెం క్రాక్ క్యాప్షన్ పెట్టుకుని వస్తున్న జాక్ అంచనాలు రేపడంలో సక్సెసయ్యాడు. ఇక సినిమాతో మెప్పించడమే మిగిలింది.మరి కామెడీ,యాక్షన్ మిక్స‌ప్ ఎలాంటి ఫ‌లితాన్ని ఇస్తుందో చూడాలి.
అనగా పుష్ప 2 ట్రైలర్ లాంచ్ పట్నాలో సంభవించిన రికార్డ్-బ్రేకింగ్ ఈవెంట్‌లో, అతి పెద్దగా దాదాపు మూడు లక్షల మంది అభిమానులను ఆకట్టుకుంది. ఇది కేవలం సినిమా Read more
హోంబలే ఫిలింస్ అధినేత విజయ్ కిరగందూర్ నిర్మించిన మరో మాస్ యాక్షన్ ఎంటర్టైనర్ 'బఘీర' పెద్ద ఎత్తున విడుదలకు సిద్ధమవుతోంది. ఇప్పటికే 'కేజీఎఫ్', 'సలార్' లాంటి బ్లాక్‌బస్టర్ Read more
అక్కినేని ఫ్యామిలీలో వరుసగా శుభకార్యాలు జరుగుతున్నాయి. తాజాగా నాగ చైతన్య, శోభిత ధూళిపాళ్ల వివాహం గ్రాండ్‌గా జరగగా, ఇప్పుడు అక్కినేని అఖిల్ వివాహానికి సన్నాహాలు జరుగుతున్నాయి.2023 డిసెంబర్ Read more
యూట్యూబర్‌గా తన ప్రయాణాన్ని ప్రారంభించి, ఇప్పుడు హీరోగా ఎదిగిన హర్ష చెముడు తాజాగా తన సంతోషకరమైన మైలు రాయిని అభిమానులతో పంచుకున్నాడు. వైవా అనే షార్ట్ ఫిల్మ్ Read more