Color Swathi : తెలుగు ప్రేక్షకులకు ‘కలర్స్’ షో ద్వారా పరిచయమై, తనదైన నటనతో హీరోయిన్‌గా ప్రత్యేక గుర్తింపు తెచ్చుకున్న నటి స్వాతి రెడ్డి (కలర్స్ స్వాతి) రెండో వివాహం చేసుకున్నారు. తన కెరీర్‌లో వైవిధ్యమైన చిత్రంగా నిలిచిన ‘మంత్ ఆఫ్ మధు’ సినిమా దర్శకుడు శ్రీకాంత్ నగోతితో ఆమె ఏడడుగులు వేశారు. గత కొంతకాలంగా వీరిద్దరి మధ్య ఉన్న పరిచయం, స్నేహం కాస్తా ప్రేమగా మారి పెద్దల అంగీకారంతో పెళ్లి పీటల వరకు చేరింది. ఈ విషయాన్ని స్వాతి స్వయంగా తన అధికారిక ఇన్‌స్టాగ్రామ్ (Instagram) వేదికగా అభిమానులతో పంచుకుంటూ పెళ్లి ఫోటోలను షేర్ చేయడంతో నెటిజన్లు, సినీ ప్రముఖులు ఈ కొత్త జంటకు పెద్ద ఎత్తున శుభాకాంక్షలు తెలుపుతున్నారు.
Read Also : మెగా ఛాన్స్ మిస్ చేసుకున్న ‘బ్లాస్ట్’ బ్యూటీ
మొదటి వివాహం.. విడాకుల తర్వాత మళ్లీ కొత్త జీవితం!
స్వాతికి ఇదివరకే 2018లో వికాస్ వాసు అనే పైలట్‌తో వివాహం జరిగిన విషయం తెలిసిందే. పెళ్లయిన కొన్నేళ్ల పాటు సంతోషంగానే ఉన్నప్పటికీ, ఆ తర్వాత ఇద్దరి మధ్య వచ్చిన మనస్పర్థల కారణంగా వారు పరస్పర అంగీకారంతో విడాకులు తీసుకుని విడిపోయారు. విడాకుల అనంతరం కొంతకాలం సినిమాలకు బ్రేక్ ఇచ్చిన స్వాతి, ఆ తర్వాత ‘మంత్ ఆఫ్ మధు’ సినిమాతోనే మళ్లీ వెండితెరపై రీఎంట్రీ ఇచ్చారు. ‘డేంజర్’, ‘అష్టా చమ్మా’, ‘స్వామి రారా’, ‘కార్తికేయ’, ‘గోల్కొండ హైస్కూల్’ వంటి ఎన్నో సూపర్ హిట్ చిత్రాల్లో తన సహజసిద్ధమైన నటనతో అలరించిన స్వాతి, ఇప్పుడు శ్రీకాంత్ నగోతితో కలిసి తన జీవితంలో సరికొత్త అధ్యాయాన్ని ప్రారంభించారు.
Read Also hindi news: hindi.vaartha.com
Read Also Epaper : epaper.vaartha.com
Read Also :
