China’s economic slowdown : ప్రపంచ ఆర్ధిక వ్యవస్థలో చోటుచేసుకునే మార్పులు కొన్ని దేశాలకు సవాళ్లను విసురుతుంటే, మరికొన్ని దేశాలకు అభివృద్ధికి కొత్త అవకాశాలను అందిస్తాయి. ప్రస్తు తం చైనా ఆర్థిక వ్యవస్థ ఎదుర్కొంటున్న ఒడిదుడుకులు ఈ కోవకు చెందినవే. ఒకప్పుడు ప్రపంచ తయారీ రంగానికి తిరుగులేని కేంద్రంగా ఎదిగిన చైనా, ఇప్పుడు దేశీయ విని యోగం మందగించడం, రియల్ ఎస్టేట్ రంగంలో సంక్షో భం, కంపెనీల లాభదాయకతపై ఒత్తిడి, పెట్టుబడిదారుల విశ్వాసంలో అనిశ్చితి వంటి సమస్యలను ఎదుర్కొంటోంది. ఈ పరిణామాలు అంతర్జాతీయ మార్కెట్లను ప్రభావితం చేస్తున్న నేపథ్యంలో భారత్ తన పారిశ్రామిక సామర్థ్యాన్ని పెంచుకోవడానికి, విదేశీ పెట్టుబడులను ఆకర్షించడానికి లభిస్తున్న అవకాశాలను సమర్థంగా వినియోగించుకోవాలి. అయితే, చైనా ఆర్ధిక వ్యవస్థ కుప్పకూలుతోందని భావిం చడం వాస్తవిక దృక్పథం కాదు. ప్రపంచ తయారీ, ఎగు మతులు, సాంకేతిక రంగాల్లో ఆ దేశానికి ఇప్పటికీ గణ నీయమైన స్థానం ఉంది. సమస్యలతో పాటు బలమైన పారిశ్రామిక పునాదులు కూడా చైనాకు ఉన్నాయి. అందు వల్ల భారత్ అనుసరించాల్సిన వ్యూహం చైనా పతనంపై ఆశలు పెట్టుకోవడం కాదు, అక్కడి పరిణామాల నుంచి పాఠాలు నేర్చుకుంటూ మన బలాలను పెంచుకోవడం. కృత్రిమ మేధన్సు (ఏఐ), విద్యుత్ వాహనాలు, బ్యాటరీల తయారీ వంటి ఆధునిక రంగాల్లో ప్రపంచ అగ్రగామిగా నిలవాలని చైనా ప్రయత్నిస్తోంది. ఈ లక్ష్యాల సాధనకు ప్రభుత్వం భారీగా పెట్టుబడులు పెడుతోంది. అయినప్పటికీ, సాంకేతిక పురోగతి ఒక్కటే ఆర్థిక విజయానికి హామీ ఇవ్వ దని ప్రస్తుత పరిణామాలు గుర్తుచేస్తున్నాయి. కొత్త ఆవిష్కరణలకు మార్కెట్ డిమాండ్, వినియోగదారుల కొను గోలు శక్తి, కంపెనీల లాభదాయకత తోడైనప్పుడే పెట్టు బడులకు ఆశించిన ఫలితాలు లభిస్తాయి.
Read Also : Israel Election Results: ఇజ్రాయెల్‌లో హంగ్ పార్లమెంట్.. 27 సీట్లతో అతిపెద్ద పార్టీగా నెతన్యాహు
China’s economic slowdown : ఈ అనుభ వం భారత్కు కూడా ఒక ముఖ్యమైన పాఠం
చైనాలో ప్రజల వినియోగ వ్యయం ఆశించిన స్థాయిలో పెరగకపోవడం, రియల్ ఎస్టేట్ రంగంపై నెలకొన్న ఆందోళనలు, భవిష్యత్తుపై కుటుంబాలు జాగ్రత్తగా వ్యవహరించడం ఆర్ధిక వృద్ధిపై ప్రభావం చూపుతున్నాయి. ఎగుమతుల ద్వారా ఆదాయం పెంచుకున్నప్పటికీ, దేశీయ మార్కెట్లో బలమైన డిమాండ్ లేకపోతే వృద్ధి నిలకడగా కొనసాగడం కష్టమే. ఈ అనుభ వం భారత్కు కూడా ఒక ముఖ్యమైన పాఠం. ఉత్పత్తి సామర్థ్యాన్ని పెంచడంతో పాటు ప్రజల ఆదాయాలు, ఉపాధి అవకాశాలు, కొనుగోలు శక్తిని బలోపేతం చేయడం సమ తుల్య అభివృద్ధికి అవసరం. అంతర్జాతీయ కంపెనీలు తమ తయారీ, సరఫరా వ్యవస్థల కోసం ఒకే దేశంపై ఆధారపడ టం వల్ల ఎదురయ్యే ప్రమాదాలను తగ్గించుకోవాలని భావి స్తున్నాయి. ఈ వ్యూహాన్నే ‘చైనా ప్లస్ వన్’గా వ్యవహరిస్తు న్నారు. చైనాతో పాటు మరో దేశంలోనూ ఉత్పత్తి కేంద్రాలను ఏర్పాటు చేయడం ద్వారా సరఫరాలో అంతరా యాలు, వాణిజ్య వివాదాలు, భౌగోళిక రాజకీయ ఉద్రిక్తతల ప్రభావాన్ని తగ్గించుకోవడం దీని ప్రధాన ఉద్దేశం. భారత్కు ఉన్న విస్తారమైన దేశీయ మార్కెట్, యువ మానవ వన రులు, పెరుగుతున్న డిజిటల్ మౌలిక సదుపాయాలు ఈ వ్యూహానికి అనుకూలంగా ఉన్నాయి. ముఖ్యంగా ఎలక్ట్రానిక్స్, ఔషధాలు, ఆటోమొబైల్ విడిభాగాలు, సౌర విద్యుత్ పరి కరాలు, సెమీకండక్టర్లు, రక్షణ ఉత్పత్తుల తయారీ వంటి రంగాల్లో పెట్టుబడులను ఆకర్షించే అవకాశం ఉంది. అయితే, కంపెనీలు చైనాను విడిచిపెట్టి భారత్కు రావడం సహజంగా జరిగే పరిణామం కాదు.
నాణ్యతా ప్రమాణాల పెంపుపై దృష్టి సారించాలి
నాణ్యమైన మౌలిక నదుపాయాలు, వేగవంతమైన రవాణా, నమ్మకమైన విద్యుత్ సరఫరా, నైపుణ్యంతో కూడిన కార్మికులు, స్థిరమైన విధానాలు, సరళ మైన అనుమతుల వ్యవస్థలను భారత్ అందించాలి. మొబైల్ ఫోన్లు, ఎలక్ట్రానిక్ పరికరాల తయారీలో భారత్ సాధిస్తున్న పురోగతి ఆశాజనకమే. అయినప్పటికీ, తుది ఉత్పత్తులను అసెంబ్లింగ్ చేయడానికే పరిమితమైతే ఆశించిన స్థాయిలో దేశీయ విలువ జోడింపు జరగదు. కీలక విడిభాగాలు, యంత్రాలు, ఎలక్ట్రానిక్ చిప్లు, ప్రత్యేక పదార్థాలు ఇతర దేశాల నుంచి దిగుమతి చేసుకో వాల్సివస్తే సరఫరా వ్యవస్థ లో స్వయంసమృద్ధి సాధించడం కష్టమవుతుంది. చైనా పారిశ్రామిక ఆధిపత్యానికి ప్రధాన కారణాల్లో ఒకటి దాని విసృతమైన అనుబంధ పరిశ్రమల వ్యవస్థ. ముడినరుకుల నుంచి తుది ఉత్పత్తుల వరకు అనేక దశలను అనుసంధా నించే తయారీ నెట్వర్క్ అక్కడ ఏర్పడింది. భారత్ కూడా పరిశోధన, రూపకల్పన, విడిభాగాల తయారీ, నైపుణ్యాభి వృద్ధి, నాణ్యతా ప్రమాణాల పెంపుపై దృష్టి సారించాలి. చిన్న, మధ్యతరహా పరిశ్రమలను పెద్ద సంస్థల సరఫరా చైన్ సిస్టమ్లతో అనుసంధానించడం ద్వారా ఉపాధి పెర గడమే కాకుండా దేశీయ తయారీ పునాదులు బలపడతా యి.
పోటీ తత్వాన్ని పెంచుకోవాలి
చైనాలో దేశీయ డిమాండ్ బలహీనపడినప్పుడు అక్కడి కంపెనీలు తమ ఉత్పత్తులను విదేశీ మార్కెట్లలో విక్రయించ డానికి మరింత దూకుడుగా వ్యవహరించే అవకాశం ఉంది. తక్కువ ధరలకు దిగుమతులు రావడం భారత వినియోగదా రులకు ప్రయోజనం కలిగించవచ్చు. కొన్నిపరిశ్రమలకు అవ సరమైన ముడినరుకులు కూడాచౌకగా లభించవచ్చు. అయి తే, ప్రభుత్వ సబ్సిడీలు, అధిక ఉత్పత్తి సామర్థ్యం లేదా ఇతర అనుచిత వాణిజ్య పద్ధతుల కారణంగా దిగుమతి ఉత్పత్తులు అసాధారణంగా తక్కువ ధరలకు వస్తే దేశీయ తయారీదారులు తీవ్రంగా నష్ట పోయే ప్రమాదం ఉంది. ఈ పరిస్థితిని ఎదుర్కోవడానికి నాణ్యత, ఉత్పాదకత, సాంకేతిక పరిజ్ఞానం, వ్యయ నియంత్రణలో భారతీయ సంస్థలు పోటీ తత్వాన్ని పెంచుకోవాలి. అవసరమైన సందర్భా ల్లో ప్రపంచ వాణిజ్య నిబంధనలకు అనుగుణంగా యాంటీ డంపింగ్ చర్యలు, తగిన వాణిజ్య రక్షణ విధానాలను అమలు చేయా లి. అదే సమయంలో, ఆరోగ్యకరమైన పోటీకి ఆటంకం కలిగించకుండా వినియోగదారుల ప్రయోజనాలను కూడా కాపాడాలి. చైనా నుంచి బయటకు వెళ్లే పెట్టుబడులన్నీ భారత్కీ వస్తాయని ఆశించడం సరైంది కాదు. వియత్నాం, ఇండోనేషియా, మెక్సికో వంటి దేశాలు కూడా అంతర్జాతీయ తయారీ పెట్టుబడుల కోసం పోటీపడుతున్నాయి.
వరస్పరం బలపడేలా అభివృద్ధి వ్యూహం ఉండాలి
ప్రపంచ మదుపర్లు తమ పెట్టుబడులను అమెరికా లేదా ఇతర మార్కెట్లలోకి మళ్లించే అవకాశమూ ఉంది. కా బట్టి, భారత్ తన ఆకర్షణీయతను నిరంతరం పెంచుకోవాలి. విధానాల్లో స్థిరత్వం, ఒప్పందాల అమలు, భూసేకరణలో పారదర్శకత, న్యాయపరమైన స్పష్టత, పరిశ్రమలకు అందుబాటులో ఉండే ఆర్ధిక వనరులు పెట్టుబడిదారుల విశ్వాసాన్ని పెంచుతాయి. చైనా ఆర్ధికవ్యవస్థలోని బలహీనతలు భారత్కు ఒక అవకాశ ద్వారాన్ని తెరిచాయి. కానీ ఆ ద్వారం గుండా ముందుకు సాగడానికి కేవలం అనుకూల అంతర్జాతీయ పరిస్థితులు సరిపోవు. దేశీయ సంస్కరణలు, ఉత్పాదకత పెంపు, నైపు ణ్యాభివృద్ధి, పరిశోధన, మౌలిక సదుపాయాల విస్తరణ, పారిశ్రామిక విధానాల సమర్థ అమలు అత్యవసరం, వ్యవ సాయం నుంచి ఆధునిక తయారీ వరకు, చిన్న పరిశ్రమల నుంచి ప్రపంచ స్థాయి సంస్థల వరకు అన్ని రంగాలూ వరస్పరం బలపడేలా అభివృద్ధి వ్యూహం ఉండాలి. చైనా ఎదుర్కొంటున్న సమస్యలను భారత్ తన విజయానికి ఆధా రంగా భావించకూడదు. ప్రపంచ ఆర్ధికవ్యవస్థలో మార్పులు ఎప్పటికప్పుడు జరుగుతుంటాయి. వాటిని ముందుగానే గుర్తించి, దీర్ఘకాలిక ప్రయోజనాలకు అనుగుణంగా సిద్ధపడే దేశాలే విజేతలుగా నిలుస్తాయి. చైనా మందగమనం భారత్కు లభించిన అవకాశం మాత్రమే. దానిని ఆర్ధిక విజయంగా మార్చే శక్తి మాత్రం మన విధానాల్లో, పరి శ్రమల్లో, ప్రజల నైపుణ్యంలో, జాతీయ సంకల్పంలోనే ఉంది. ఇదే భారత్ ముందున్న అసలైన పరీక్ష. అదే అభి వృద్ధి చెందిన దేశంగా ఎదగడానికి బలమైన పునాది!
-వనకళ్ళ వీరప్ప
Read hindi news : hindi.vaartha.com
Epaper : epaper.vaartha.com
Read Also:
