క్రికెట్ అభిమానులకు ఈ రోజు పండగే. ఐపీఎల్ 2025లో భాగంగా ఈ రోజు డబుల్ హెడర్స్ జరగనుండడంతో అభిమానులు ఉత్సాహంగా ఎదురుచూస్తున్నారు.మధ్యాహ్నం ఒక మ్యాచ్, రాత్రి మరో మ్యాచ్ జరగనుండగా, రెండు మ్యాచ్‌లు ఉత్కంఠభరితంగా సాగనున్నాయి.వైజాగ్ వేదికగా ఢిల్లీ క్యాపిటల్స్, సన్‌రైజర్స్ హైదరాబాద్ జట్లు తలపడనుండగా,గువాహటి వేదికగా రాజస్థాన్ రాయల్స్, చెన్నై సూపర్ కింగ్స్ జట్లు పోటీ పడనున్నాయి.
ఢిల్లీ క్యాపిటల్స్ వర్సెస్ సన్‌రైజర్స్ హైదరాబాద్
వైజాగ్ వేదికగా ఈ రోజు మధ్యాహ్నం 3:30 గంటలకు ఢిల్లీ క్యాపిటల్స్, సన్‌రైజర్స్ హైదరాబాద్ జట్లు తలపడనున్నాయి. డబుల్ హెడర్స్ ఉన్నప్పుడు మధ్యాహ్నం ఒకటి, రాత్రి మరొక మ్యాచ్ నిర్వహిస్తారు. తెలుగు జట్టు అయిన సన్‌రైజర్స్ హైదరాబాద్ తొలిసారి వైజాగ్‌కు రానుంది. అయితే, వైజాగ్ స్టేడియం ఢిల్లీ క్యాపిటల్స్ జట్టుకు హోం గ్రౌండ్ కావడం విశేషం.ఢిల్లీ క్యాపిటల్స్ జట్టు వైజాగ్‌లో జరిగిన తన తొలి మ్యాచ్‌లో లక్నో సూపర్ జెయింట్స్‌పై థ్రిల్లింగ్ విక్టరీ అందుకుంది. సన్‌రైజర్స్ హైదరాబాద్ జట్టు ఇప్పటి వరకు రెండు మ్యాచ్‌లలో ఆడగా తొలి మ్యాచ్‌లో రాజస్థాన్ రాయల్స్‌పై గెలవగా, రెండో మ్యాచ్‌లో లక్నో సూపర్ జెయింట్స్‌పై ఓడిపోయింది. పాయింట్ల పట్టికలో ఢిల్లీ క్యాపిటల్స్ ఐదో స్థానంలో నిలవగా, సన్‌రైజర్స్ హైదరాబాద్ ఆరో స్థానంలో ఉంది.
గువాహటి వేదిక
గువాహటి వేదికగా రాత్రి 7:30 గంటలకు రాజస్థాన్ రాయల్స్, చెన్నై సూపర్ కింగ్స్ జట్లు తలపడనున్నాయి. రాజస్థాన్ రాయల్స్ తాను ఆడిన రెండు మ్యాచ్‌లలో ఓడిపోగా, చెన్నై సూపర్ కింగ్స్ ఒక మ్యాచ్‌లో గెలిచి మరో మ్యాచ్‌లో ఓడింది. ఈ మ్యాచ్‌లో ఎట్టి పరిస్థితుల్లో గెలవాలని అటు రాజస్థాన్, ఇటు చెన్నై గేమ్ ప్లాన్‌లు సిద్ధం చేస్తున్నాయి.రాజస్థాన్ రాయల్స్ తన తొలి మ్యాచ్‌లో హైదరాబాద్‌పై ఓడిపోగా, రెండో మ్యాచ్‌లో కోల్‌కతా నైట్ రైడర్స్‌పై ఓటమిపాలయింది. ఇక చెన్నై సూపర్ కింగ్స్ జట్టు తన తొలి మ్యాచ్‌లో ముంబైని ఓడించగా.. రెండో మ్యాచ్‌లో రాయల్ ఛాలెంజర్స్ బెంగళూరు చేతిలో ఓడిపోయింది. పాయింట్ల పట్టికల్లో సీఎస్కే ఎనిమిదో స్థానంలో ఉండగా, రాజస్థాన్ రాయల్స్ అట్టడుగున పదో స్థానానికి పడిపోయింది.
వీకెండ్
ఈ రోజు జరగనున్న రెండు మ్యాచ్‌లు అభిమానులకు అద్భుతమైన వీకెండ్ ఎంటర్టైన్‌మెంట్ అందించనున్నాయి. ముఖ్యంగా, ఐపీఎల్‌లో ప్రతి మ్యాచ్ కీలకమైనదే, ఈ పోటీలు పాయింట్ల పట్టికపై గణనీయమైన ప్రభావాన్ని చూపనున్నాయి. అన్ని జట్లు తమ గెలుపుపై దృష్టి పెట్టిన నేపథ్యంలో, ఉత్కంఠ భరితమైన మ్యాచ్‌లు జరగబోతున్నాయి.
మ్యాచ్
ఈ మ్యాచ్‌లో గెలవడం రెండింటికీ ఎంతో కీలకం. సంజూ సాంసన్ నేతృత్వంలోని రాజస్థాన్ రాయల్స్, రుతురాజ్ గైక్వాడ్ నేతృత్వంలోని చెన్నై సూపర్ కింగ్స్ ఇద్దరూ తమ గేమ్ ప్లాన్‌లను సిద్ధం చేసుకున్నారు. కీలక ఆటగాళ్ల ప్రదర్శన మ్యాచ్ ఫలితాన్ని మార్చే అవకాశం ఉంది.
Bandi Sanjay: కేంద్ర మంత్రి బండి సంజయ్ మరోసారి తెలంగాణ ప్రభుత్వంపై కీలక వ్యాఖ్యలు చేశారు. గతంలో బీఆర్‌ఎస్‌.. ఇప్పుడు కాంగ్రెస్‌ కోతలు మరింత లోతుగా ఉన్నాయన్నారు. Read more
తిరుపతి టికెట్ కౌంటర్ వద్ద జరిగిన తొక్కిసలాట ఘటనపై అధికారుల నుంచి సీఎం చంద్రబాబుకు నివేదిక అందింది. ఈ నివేదికలో ఘటనకు సంబంధించిన వివరాలను, కారకాలను స్పష్టంగా Read more
పెహ‌ల్గామ్ ఉగ్ర‌దాడి నేపథ్యంలో వాఘా బోర్డ‌ర్‌ను మూసివేస్తున్న‌ట్లు పాకిస్తాన్ ప్ర‌క‌టించింది. నేషనల్ సెక్యూటీ క‌మిటీ(ఎన్ఎస్సీ) స‌మావేశం త‌ర్వాత ఈ నిర్ణ‌యాన్ని తీసుకున్నారు. క‌శ్మీర్‌లో జరిగిన దాడి త‌ర్వాత Read more
టోల్ ప్లాజాల వద్ద వాహనదారుల నుంచి టోల్ వసూలు కోసం ఉద్దేశించిన ఫాస్టాగ్ లావాదేవీలకు సంబంధించి నేషనల్ పేమెంట్ కార్పొరేషణ్ కొత్త నిబంధనలు తీసుకొచ్చింది. ముఖ్యంగా బ్లాక్ Read more