Ayodhya Donation : అయోధ్య శ్రీరామ జన్మభూమి తీర్థ క్షేత్ర ట్రస్ట్‌లో చోటుచేసుకున్న విరాళాల కుంభకోణం కేసు ప్రస్తుతం దేశవ్యాప్తంగా తీవ్ర సంచలనం సృష్టిస్తోంది. ఈ కేసులో ఊహించని విధంగా కీలక పరిణామాలు చోటుచేసుకున్నాయి. ట్రస్ట్ జనరల్ సెక్రటరీ చంపత్ రాయ్ తన పదవికి రాజీనామా చేయగా, ఆయనతో పాటు ట్రస్టు సభ్యుడు అనిల్ మిశ్రా కూడా తమ పదవుల నుంచి తప్పుకున్నారు. ఈ విరాళాల అవకతవకల వ్యవహారంలో చంపత్ రాయ్ డ్రైవర్ టిన్ను యాదవ్ పాత్ర ఉన్నట్లు తేలడంతో పోలీసులు అతడిని అరెస్ట్ చేశారు. తన సొంత డ్రైవర్ అరెస్ట్ కావడంతో నైతిక బాధ్యత వహిస్తూ చంపత్ రాయ్ ఈ నిర్ణయం తీసుకున్నట్లు తెలుస్తోంది.
Read Also : ‘అయోధ్య’ డొనేషన్ల చోరీ.. 8 మంది అరెస్ట్
సిట్ దూకుడు.. చుట్టుముడుతున్న ఉచ్చు
ఈ భారీ కుంభకోణంపై విచారణ జరుపుతున్న ప్రత్యేక విచారణ బృందం (SIT) తన దర్యాప్తును మరింత వేగవంతం చేసింది. ఇందులో భాగంగానే పక్కా ఆధారాలతో రంగంలోకి దిగిన సిట్ అధికారులు.. ఇప్పటివరకు ఈ కేసుతో సంబంధం ఉన్న 8 మంది నిందితులను అరెస్ట్ చేసి కటకటాల్లోకి నెట్టారు. విరాళాల సేకరణలో జరిగిన లూటీ, నిధుల మళ్లింపుపై సిట్ లోతుగా విచారణ జరుపుతుండటంతో రాబోయే రోజుల్లో మరిన్ని నిజాలు వెలుగులోకి వచ్చే అవకాశం ఉంది. ట్రస్ట్ ఉన్నతాధికారుల రాజీనామాలు, వరుస అరెస్టులతో అయోధ్య పరిణామాలు ఇప్పుడు దేశ రాజకీయాల్లో తీవ్ర చర్చనీయాంశంగా మారాయి.
Read Also hindi news: hindi.vaartha.com
Read Also Epaper : epaper.vaartha.com
Read Also :
