‘Arnab‘ Storm : బంగాళాఖాతంలో ఏర్పడిన అల్పపీడనం వేగంగా బలపడుతూ వాయుగుండంగా, ఆపై తీవ్ర వాయుగుండంగా మారేందుకు పరిస్థితులు అనుకూలంగా ఉన్నాయని వాతావరణ శాఖ వెల్లడించింది. ఇది మరింత రూపాంతరం చెంది అక్టోబర్ 26 నాటికి పూర్తిస్థాయి తుఫానుగా మారే అవకాశం ఉంది. వాతావరణ నిపుణుల ప్రాథమిక అంచనాల ప్రకారం.. ఈ తుఫాను అక్టోబర్ 28న ఏపీలోని కళింగపట్నం మరియు మచిలీపట్నం తీరప్రాంతాల మధ్య తీరం దాటే అవకాశం కనిపించడంతో అధికార యంత్రాంగం అప్రమత్తమైంది.
Read Also : రాబోయే ఆరు నెలలు అత్యంత ప్రమాదకరం!
ఉత్తరాంధ్ర, కోస్తా జిల్లాలకు భారీ వర్ష సూచన – విపత్తు నిర్వహణ హెచ్చరికలు
‘ఆర్నబ్’ తుఫాను ప్రభావంతో అక్టోబర్ 26 నుండి వరుసగా మూడు రోజుల పాటు కోస్తాంధ్ర జిల్లాల్లో వాతావరణం ప్రతికూలంగా మారనుంది. ముఖ్యంగా శ్రీకాకుళం, విజయనగరం, విశాఖపట్నం నుంచి కృష్ణా జిల్లా వరకు పలు ప్రాంతాల్లో ఈదురుగాలులతో కూడిన అసాధారణ అతిభారీ వర్షాలు కురిసే అవకాశం ఉందని ఐఎండి వెల్లడించింది. తీరం వెంబడి గంటకు 60 నుండి 90 కిలోమీటర్ల వేగంతో ఈదురుగాలులు వీచే అవకాశం ఉండటంతో మత్స్యకారులు ఎవరూ సముద్రంలోకి వేటకు వెళ్లకూడదని అధికారులు తీవ్ర హెచ్చరికలు జారీ చేశారు. విపత్తు నిర్వహణ శాఖలు ముందస్తు సహాయక చర్యలకు సిద్ధమవుతున్నాయి.
Read Also hindi news: hindi.vaartha.com
Read Also Epaper : epaper.vaartha.com
Read Also :
