క్రికెట్ ప్రేమికులు ఎప్పుడెప్పుడా అని ఎదురుచూసిన ఐపీఎల్ 2025 సీజన్ ఉత్సాహభరితంగా ప్రారంభమైంది. 18వ ఐపీఎల్ సీజన్ తొలి మ్యాచ్ డిఫెండింగ్ ఛాంపియన్ కోల్‌కతా నైట్ రైడర్స్ (కెకెఆర్) రాయల్ ఛాలెంజర్స్ బెంగళూరు (ఆర్ సిబి) జట్ల మధ్య జరగగా, ఆర్సీబీ 7 వికెట్ల తేడాతో ఘన విజయం సాధించింది. గత కొన్ని సీజన్లలో కేకేఆర్ చేతిలో వరుసగా నాలుగు మ్యాచ్‌ల్లో పరాజయం పొందిన బెంగళూరు, ఈసారి తమ నైపుణ్యాన్ని ప్రదర్శించి ప్రతీకారం తీర్చుకుంది.
మ్యాచ్ హైలైట్స్
టాస్ ఓడిన కోల్‌కతా నైట్ రైడర్స్ ముందుగా బ్యాటింగ్ చేయగా, 177 పరుగుల లక్ష్యాన్ని నిర్దేశించింది. అయితే బెంగళూరు బౌలర్లు క్రమశిక్షణతో బౌలింగ్ చేసి కేకేఆర్‌కు పెద్ద స్కోరు చేయనివ్వలేదు. ఆ తర్వాత ఆర్సీబీ బ్యాటింగ్‌లో ఓపెనర్లు ఫిల్ సాల్ట్ (56) విరాట్ కోహ్లీ (59 నాటౌట్) ధాటిగా ఆడారు. వీరిద్దరూ కలిసి 95 పరుగుల తొలి వికెట్ భాగస్వామ్యం నెలకొల్పారు. మరోవైపు కెప్టెన్ రజత్ పాటిదార్ 34 పరుగులు చేసి జట్టును గెలుపు దిశగా నడిపించాడు.
ఫ్యాన్స్ సంబరాలు
బెంగళూరు తొలి మ్యాచ్‌లో విజయం సాధించడంతో ఆర్సీబీ అభిమానులు సంబరాల్లో మునిగిపోయారు. “ఈసారి కప్పు మాదే” అంటూ సోషల్ మీడియాలో ట్రెండ్స్ క్రియేట్ చేస్తున్నారు. విరాట్ కోహ్లీ అద్భుత ప్రదర్శన చూపించడంతో, ఆయన అభిమానులు మరింత ఉత్సాహంగా ఉన్నారు. కోహ్లీ 59 పరుగులు చేశాడు.
విజయ్ మాల్యా పోస్ట్
కేకేఆర్‌పై విజయం సాధించిన సందర్భంగా ఆర్సీబీ మాజీ యజమాని విజయ్ మాల్యా తన ఇన్‌స్టాగ్రామ్ ఖాతాలో ఓ పోస్ట్ చేశారు. “ఆర్సీబీకి టాప్ క్లాస్ ప్రదర్శన అందించినందుకు అభినందనలు. బెంగళూరు బౌలింగ్‌ను ప్రశంసించడం ముద్దుగా అనిపిస్తోంది. వారి బ్యాటింగ్ గురించి ప్రత్యేకంగా చెప్పాల్సిన అవసరం లేదు” అంటూ ఆయన ప్రశంసలు గుప్పించారు.
ట్రోలింగ్
ఈ ట్వీట్ చేసిన వెంటనే నెటిజన్లు విజయ్ మాల్యాను ట్రోల్ చేయడం ప్రారంభించారు. కొందరు “భారత్‌కు రా”, “తిరిగి డబ్బులు ఎప్పుడు ఇస్తావ్?” అంటూ సెటైర్లు వేశారు. 2016లో 17 భారతీయ బ్యాంకుల నుంచి రూ. 9000 కోట్ల రుణం తీసుకుని దేశం విడిచి పారిపోయిన విజయ్ మాల్యా ప్రస్తుతం యూకేలో తలదాచుకుంటున్నారు.ఆయనను భారత్‌కు తీసుకురావాలని కేంద్ర ప్రభుత్వం చాలా కాలంగా ప్రయత్నిస్తోంది.ఐపీఎల్ 2025 సీజన్ గ్రాండ్‌గా ప్రారంభమై, తొలి మ్యాచ్ నుంచే ఉత్కంఠను పెంచింది. ఆర్సీబీ తమ బలాన్ని ప్రదర్శించగా, కోల్‌కతా తమ మొదటి మ్యాచ్‌లో విఫలమైంది. ఈ సీజన్ ఇంకా చాలా మ్యాచ్‌లు మిగిలి ఉండటంతో, రాబోయే రోజుల్లో పోటీ మరింత ఉత్కంఠభరితంగా మారే అవకాశం ఉంది.
సౌత్ కొరియాలో, ఒక యువకుడు శరీర బరువును ఉద్దేశపూర్వకంగా పెంచుకుని, తప్పించుకోవడానికి ఒక కల్పిత దారిని అనుసరించాడు. 26 సంవత్సరాల ఈ వ్యక్తి, తన శరీర బరువు Read more
1988 బ్యాచ్ ఐఏఎస్ అధికారి జ్ఞానేష్ కుమార్ భారత 26వ ప్రధాన ఎన్నికల కమిషనర్ గా బాధ్యతలు స్వీకరించారు. రాష్ట్రపతి ద్రౌపది ముర్ము జ్ఞానేష్ కుమార్ ను Read more
అమెరికాలోని లాస్‌ ఏంజెల్స్‌లో మంటలు అదుపులోకి రావడం లేదు. వేగంగా వీస్తున్న గాలులతో మంటలు కొత్త ప్రాంతాలకు వ్యాపిస్తున్నాయి. దీంతో వేలాది ఇండ్లు కాలి బూడిదవుతున్నాయి. లక్షల Read more
కృష్ణాజిల్లా:- గన్నవరం. గన్నవరం మండలం మెట్లపల్లి లో చిరుతపులి మృతిగ్రామానికి చెందిన రైతు తన పంట పొలం రక్షించేందుకు పందులకు ఉచ్చు పెట్టగా ఉచ్చులో చిక్కిన చిరుత Read more