Kodangal News: ఉపాధి కోసం గల్ఫ్ దేశానికి వెళ్లి ఏజెంట్ల చేతిలో మోసపోయి మస్కట్‌లో తీవ్ర ఇబ్బందులు పడుతున్న తెలంగాణ మహిళ బీఆర్ఎస్ కార్యనిర్వాహక అధ్యక్షుడు కేటీఆర్ (K. T. Rama Rao) చొరవతో సురక్షితంగా స్వదేశానికి చేరుకుంది. మస్కట్‌లో చిక్కుకున్న బాధితురాలిని సొంత ఊరికి రప్పించడంతో ఆమె కుటుంబంలో ఆనందం వ్యక్తమవుతోంది.
Read Also : CM Revanth Reddy: చెత్త సేకరణపై రేవంత్ రెడ్డి హెచ్చరిక
Kodangal News: కొడంగల్ మహిళ దయనీయ స్థితి: కేటీఆర్‌కు కుమారుడి విజ్ఞప్తి
వివరాల్లోకి వెళితే.. వికారాబాద్ జిల్లా కొడంగల్ నియోజకవర్గానికి చెందిన తుప్పుడు లక్ష్మి కుటుంబ ఆర్థిక పరిస్థితుల దృష్ట్యా ఉపాధి కోసం మస్కట్ వెళ్ళింది. అయితే అక్కడ ఏజెంట్లు మోసం చేయడంతో తీవ్ర ఇబ్బందులు ఎదుర్కొంది. మస్కట్‌లో తన తల్లి పడుతున్న నరకయాతనను చూడలేక, ఆమె కుమారుడు రాజు సెప్టెంబర్ 29న బీఆర్ఎస్ నేత కేటీఆర్‌ను కలిసి తన తల్లి పరిస్థితిని వివరించాడు. ఆమెను ఎలాగైనా కాపాడాలని వేడుకున్నాడు.
ఎంబసీతో సంప్రదింపులు.. తెలంగాణ భవన్‌లో కృతజ్ఞతలు!
రాజు విజ్ఞప్తిపై తక్షణమే స్పందించిన కేటీఆర్, సమస్యను త్వరలోనే పరిష్కరించి ఆమెను సురక్షితంగా స్వదేశానికి రప్పిస్తానని కుటుంబ సభ్యులకు కొండంత భరోసా ఇచ్చారు. ఆ మాట ప్రకారమే భారత ఎంబసీ అధికారులతో నిరంతరం సంప్రదింపులు జరిపి, న్యాయపరమైన చిక్కులను తొలగించి లక్ష్మిని సురక్షితంగా తిరిగి భారత్‌కు వచ్చేలా ఏర్పాట్లు చేశారు.
హైదరాబాద్ చేరుకున్న లక్ష్మి, తన కుటుంబ సభ్యులతో కలిసి హైదరాబాద్‌లోని ‘తెలంగాణ భవన్’లో కేటీఆర్‌ను మర్యాదపూర్వకంగా కలిశారు. ఈ సందర్భంగా తమను కష్టకాలంలో ఆదుకుని, ప్రాణాలతో స్వదేశానికి రప్పించినందుకు లక్ష్మి కేటీఆర్‌కు హృదయపూర్వక కృతజ్ఞతలు తెలియజేశారు.
Read Also hindi news: hindi.vaartha.com
Read Also Epaper : epaper.vaartha.com
Read Also :
