WhatsApp : ప్రముఖ మెసేజింగ్ యాప్ వాట్సాప్ తన వినియోగదారుల భద్రత, ప్రైవసీని మరింత పటిష్టం చేసేందుకు సరికొత్త ‘యూజర్‌నేమ్’ (Username) ఫీచర్‌ను అందుబాటులోకి తీసుకువచ్చింది. ప్రస్తుతం ఈ ఫీచర్ ఆండ్రాయిడ్, ఐఓఎస్ (iOS) రెండు వెర్షన్లలోనూ యూజర్లకు లభిస్తోంది. చాలామంది వినియోగదారులకు యాప్ ఓపెన్ చేయగానే ఈ ఫీచర్‌కు సంబంధించిన నోటిఫికేషన్ స్క్రీన్‌పై కనిపిస్తోంది. ఒకవేళ మీకు అలాంటి నోటిఫికేషన్ రాకపోయినా ఆందోళన చెందాల్సిన అవసరం లేదు. మీ వాట్సాప్ సెట్టింగ్స్‌లోకి వెళ్లి, ప్రొఫైల్ సెక్షన్‌ను పరిశీలిస్తే అక్కడ ‘క్రియేట్/రిజర్వ్ యూజర్‌నేమ్’ (Create/Reserve Username) అనే కొత్త ఆప్షన్ కనిపిస్తుంది. దీని ద్వారా వినియోగదారులు తమకు నచ్చిన ప్రత్యేకమైన పేరును సెట్ చేసుకోవచ్చు.
Read Also : జీమెయిల్ యూజర్లకు అదిరిపోయే సెక్యూరిటీ ఫీచర్.. వాట్సాప్ తరహాలో మెయిల్స్ మాయం!
ఇన్ స్టా, ఫేస్‌బుక్ తరహాలోనే.. మీ పేరును ఇలా రిజర్వ్ చేసుకోండి
ఈ సరికొత్త ఫీచర్ ఇంకా పూర్తిస్థాయిలో రోలవుట్ కాని కొన్ని ప్రాంతాల్లో ప్రస్తుతానికి ‘రిజర్వ్ యూజర్‌నేమ్’ అనే ఆప్షన్ మాత్రమే చూపిస్తోంది. అక్కడ వాట్సాప్ సూచించే అందుబాటులో ఉన్న పేర్లలో ఒకదాన్ని యూజర్లు ఎంచుకోవచ్చు. లేదా మెటా సంస్థకు చెందిన ఇన్‌స్టాగ్రామ్, ఫేస్‌బుక్‌లలో మీరు వాడుతున్న ప్రస్తుత యూజర్‌నేమ్‌లనే నేరుగా ఇక్కడ కూడా లింక్ చేసుకునే అద్భుతమైన సదుపాయాన్ని వాట్సాప్ కల్పించింది. ఈ ఫీచర్ వల్ల భవిష్యత్తులో మన వ్యక్తిగత ఫోన్ నంబర్‌ను ఇతరులకు షేర్ చేయాల్సిన అవసరం లేకుండా, కేవలం యూజర్‌నేమ్ ద్వారానే వాట్సాప్‌లో సులభంగా చాట్ చేసే వీలు కలుగుతుంది. ఇది వినియోగదారుల వ్యక్తిగత వివరాలకు మరింత రక్షణ కల్పిస్తుందని టెక్ నిపుణులు చెబుతున్నారు.
Read Also hindi news: hindi.vaartha.com
Read Also Epaper : epaper.vaartha.com
Read Also :
