హైదరాబాద్‌లోని ఉప్పల్ స్టేడియం మరోసారి పరుగుల సునామీకి వేదికైంది. ఐపీఎల్ 2026లో భాగంగా ఢిల్లీ క్యాపిటల్స్ (DC)తో జరిగిన మ్యాచ్‌లో సన్‌రైజర్స్ హైదరాబాద్ (SRH) బ్యాటర్లు ఆకాశమే హద్దుగా చెలరేగిపోయారు. ముఖ్యంగా యువ ఓపెనర్ అభిషేక్ శర్మ తన విధ్వంసకర బ్యాటింగ్‌తో ఢిల్లీ బౌలర్ల ఆత్మవిశ్వాసాన్ని దెబ్బతీస్తూ భారీ శతకాన్ని బాదాడు. నిర్ణీత 20 ఓవర్లలో హైదరాబాద్ జట్టు 242 పరుగుల భారీ స్కోరు సాధించి, ఢిల్లీ ముందు 243 పరుగుల లక్ష్యాన్ని ఉంచింది.
Read Also : TGPSC Recruitment: TGPSC అసిస్టెంట్ సైంటిస్ట్ పోస్టులకు నోటిఫికేషన్.. పూర్తి వివరాలు ఇవే!
అభిషేక్ విశ్వరూపం: 47 బంతుల్లోనే శతక్కొట్టుడు
ప్రపంచ కప్ వైఫల్యాలను పక్కన పెట్టి, ఐపీఎల్‌లో తన మార్కును మరోసారి చాటాడు అభిషేక్ శర్మ. ప్రారంభంలో ఆచితూచి ఆడినా, క్రీజులో కుదురుకున్నాక ఢిల్లీ బౌలర్లపై నిర్దాక్షిణ్యంగా విరుచుకుపడ్డాడు. కేవలం 25 బంతుల్లోనే హాఫ్ సెంచరీ పూర్తి చేసిన అభిషేక్, ఆ తర్వాత మరింత ఉగ్రరూపం దాల్చాడు. మొత్తం 47 బంతుల్లోనే తన కెరీర్‌లో రెండో ఐపీఎల్ సెంచరీని పూర్తి చేసుకుని రికార్డు సృష్టించాడు. అతని ఇన్నింగ్స్‌లో ఫోర్లు, సిక్సర్ల వర్షం కురవడంతో స్టేడియం హోరెత్తిపోయింది. ఢిల్లీ ప్రధాన బౌలర్లు సైతం అభిషేక్ ధాటికి తలవంచక తప్పలేదు.
ఎస్ఆర్హెచ్ చరిత్రలో మైలురాయి: 2000 పరుగుల క్లబ్‌లోకి..
ఈ మ్యాచ్ అభిషేక్ శర్మకు వ్యక్తిగతంగా కూడా ఎంతో ప్రత్యేకంగా నిలిచింది. ఇన్నింగ్స్ 59 పరుగుల వద్దకు చేరుకోగానే, సన్‌రైజర్స్ హైదరాబాద్ తరపున 2000 పరుగుల మైలురాయిని అభిషేక్ అధిగమించాడు. తద్వారా ఈ ఘనత సాధించిన నాలుగో ఎస్ఆర్హెచ్ ఆటగాడిగా చరిత్రకెక్కాడు. డేవిడ్ వార్నర్, కేన్ విలియమ్సన్ వంటి దిగ్గజాల సరసన అభిషేక్ చేరడం అతని నిలకడైన ప్రదర్శనకు నిదర్శనం. ఆరెంజ్ ఆర్మీ బ్యాటింగ్ వెన్నెముకగా మారిన ఈ యువ ఆటగాడు, జట్టుకు మరోసారి భారీ స్కోరును అందించడంలో కీలక పాత్ర పోషించాడు.
Read Also hindi news: hindi.vaartha.com
Read Also Epaper : epaper.vaartha.com
Read Also :
