హైదరాబాద్‌లో చిట్టీల పేరుతో భారీ మోసాన్ని జరిపిన వ్యక్తి పుల్లయ్య గత నెలలో రూ.100 కోట్ల మేర చిట్టీల సొమ్ము వసూలు చేసి పరారయ్యాడు. దాదాపు 2 వేల మంది నుంచి అతడు నగదు సేకరించి, తిరిగి చెల్లించకుండా తప్పించుకున్నాడు. ఈ సంఘటన హైదరాబాద్ వ్యాప్తంగా సంచలనం సృష్టించగా, బాధితులు సీసీఎస్ పోలీస్ స్టేషన్‌లో ఫిర్యాదు చేశారు.
పోలీసుల దర్యాప్తు – బెంగళూరులో అరెస్ట్
కేసు నమోదు చేసుకున్న పోలీసులు దర్యాప్తు ప్రారంభించి, ఎట్టకేలకు పుల్లయ్యను బెంగళూరులో అరెస్ట్ చేశారు. అతడితో పాటు రామాంజనేయులు అనే వ్యక్తిని కూడా అదుపులోకి తీసుకున్నారు. వారి ఇద్దరినీ బెంగళూరు నుంచి హైదరాబాద్‌కు తరలించినట్లు అధికారులు తెలిపారు. పోలీసుల తీవ్ర గాలింపు తర్వాతనే పుల్లయ్యను పట్టుకున్నట్లు సమాచారం.
చిట్టీల వ్యాపారం ఎలా నడిపాడు?
పుల్లయ్య స్వస్థలం అనంతపురం జిల్లా చందన లక్ష్మీపల్లి గ్రామం. హైదరాబాద్‌లోని ఎస్సార్ నగర్ ప్రాంతంలో చిట్టీల వ్యాపారం నిర్వహిస్తున్నాడు. రూ. 5 లక్షల నుంచి రూ. 50 లక్షల వరకు చిట్టీలను నడిపేవాడు. తొలివిడతల్లో చెల్లింపులు సక్రమంగా చేయడంతో ఖాతాదారులు పెరిగారు. అయితే, అవే అతడి మోసానికి దారితీశాయి. డబ్బు వసూలు చేసుకున్న తర్వాత ఇల్లు ఖాళీ చేసి ఉడాయించాడు.
18 ఏళ్ల కూలీ నుంచి భారీ మోసగాడిగా మారిన పుల్లయ్య
పుల్లయ్య 18 ఏళ్ల క్రితం హైదరాబాద్‌కు వచ్చాడు. మొదట్లో అడ్డ మీద కూలీగా పనిచేశాడు. స్థానికులతో పరిచయాలు పెంచుకుంటూ క్రమంగా చిట్టీల వ్యాపారంలోకి అడుగుపెట్టాడు. విశ్వసనీయత పెంచుకున్న తర్వాత పెద్ద మొత్తంలో డబ్బు వసూలు చేయడం ప్రారంభించాడు. చివరికి రూ.100 కోట్ల మోసం చేసి పారిపోయిన అతడిని పోలీసులు అదుపులోకి తీసుకుని, బాధితులకు న్యాయం చేయడానికి చర్యలు తీసుకుంటున్నారు.
తెలుగు సినీ పరిశ్రమను ప్రోత్సహించేందుకు తెలంగాణ ప్రభుత్వం ఏర్పాటు చేసిన “గద్దర్ అవార్డులు” ఇప్పుడే ప్రత్యేక ఆకర్షణగా మారాయి. ప్రజా గాయకుడు, ఉద్యమ నాయకుడు గద్దర్ పేరు Read more
ఇంగ్లండ్ క్రికెట్ బోర్డ్ (ECB) నిర్వహించే ఫ్రాంచైజీ లీగ్ 'ది హండ్రెడ్'లో 8 జట్లు పోటీపడుతున్నాయి. ఈ జట్లలో సగం వాటా ECB యాజమాన్యమే కలిగి ఉంటుంది. Read more
హైదరాబాద్ : హైదరాబాద్ ఆర్టీసీ క్రాస్‌రోడ్స్‌లోని సంధ్య థియేటర్‌లో జరిగిన తొక్కిసలాట కేసులో సినీ నటుడు అల్లు అర్జున్‌కు సోమవారం చిక్కడపల్లి పోలీసులు నోటీసులు జారీ చేసిన Read more
ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఈరోజు యూరప్ పర్యటనకు బయలుదేరుతున్నారు. తన కుటుంబ సభ్యులతో కలిసి ఈ నెల 20న తన పుట్టినరోజు వేడుకలను అక్కడే Read more