కామెడీ ఎంటర్‌టైనర్‌గా రూపొందిన ‘మజాకా’ సినిమాలో సందీప్ కిషన్,రావు రమేష్,రీతూ వర్మ, అన్షు నటించారు.‘వెంకటాద్రి ఎక్స్‌ప్రెస్’ తర్వాత కమర్షియల్ సక్సెస్ కోసం ఎదురుచూస్తున్న సందీప్ కిషన్, ‘భైరవకోన’తో యావరేజ్ హిట్ అందుకున్నాడు. ఇప్పుడు పూర్తి కామెడీ ఎంటర్‌టైనర్‌గా రూపొందిన ‘మజాకా’ సినిమాతో ప్రేక్షకుల ముందుకు వచ్చాడు. ఈ చిత్రంలో రావు రమేష్ కీలక పాత్ర పోషించగా, శివరాత్రి సందర్భంగా విడుదలైన ఈ సినిమా ప్రేక్షకుల ముందుకు వచ్చింది.
కథ:
కృష్ణ (సందీప్ కిషన్) తన తండ్రి వెంకట రమణ (రావు రమేష్)తో కలిసి జీవిస్తున్నాడు. చిన్నప్పుడు తల్లి చనిపోవడంతో ఇంట్లో ఆడదిక్కు లేకుండా బ్రతికేస్తున్నారు. కొడుక్కి పెళ్లి చేయాలని ఆరాటపడే తండ్రి ఎన్ని సంబంధాలు చూసినా, వారి ఇంట్లో ఆడవాళ్లు లేరనే కారణంగా అమ్మాయిల తల్లిదండ్రులు తిరస్కరిస్తుంటారు.ఈ నేపథ్యంలో, తానే పెళ్లి చేసుకుంటే కొడుకు పెళ్లికి మార్గం సులభం అవుతుందనే ఆలోచనతో వెంకట రమణ యశోద (అన్షు) ప్రేమలో పడతాడు. ఇదే సమయంలో కృష్ణ కూడా మీరా (రీతూ వర్మ)తో ప్రేమలో పడతాడు. అయితే వీరి ప్రేమలో అనుకోని సంఘటనలు చోటుచేసుకుంటాయి. వాటిని వారు ఎలా ఎదుర్కొన్నారు? తండ్రి-కొడుకు పెళ్లి అయినా జరిగిందా? అనేది మిగతా కథ.
కథ విషయానికి వస్తే, ఇది చాలా సింపుల్. కానీ, సరిగ్గా ట్రీట్మెంట్ చేయకపోవడం సినిమా ప్రధాన లోపంగా మారింది. తండ్రి-కొడుకు మధ్య నడిచే హాస్య ప్రధాన కథలో సరైన ఎమోషన్ మిస్సైంది. ముఖ్యంగా, కామెడీ సన్నివేశాలు రొటీన్‌గా కనిపిస్తాయి.అజయ్‌ ఎస్‌ఐ పాత్రలో, తండ్రి-కొడుకుల ఫ్లాష్‌బ్యాక్‌ను బయటపెట్టే సీన్ ఆడియెన్స్‌ను ఆకట్టుకునేలా ఉండాలి. కానీ అది సరైన ఎఫెక్ట్ ఇవ్వలేదు. అలాగే, మేనత్త (అన్షు) – మేనకోడలు (రీతూ వర్మ) లవ్ ట్రాక్ కథను మరింత ఆడిపోసుకుంది.
ఇంటర్వెల్ ట్విస్ట్ సినిమా పై ఆసక్తిని పెంచుతుందనిపించినా, సెకండ్ హాఫ్‌లో కథ పట్టు తప్పింది. ఎమోషనల్ కంటెంట్ ఉన్నప్పటికీ, ప్రేక్షకుల హృదయాలను తాకేలా మలచలేకపోయారు.
నటుల ప్రదర్శన
సందీప్ కిషన్ – కామెడీ టైమింగ్‌లో కొంత తడబడినప్పటికీ, తన పాత్రకు న్యాయం చేశాడు.
రావు రమేష్ – ఈ చిత్రంలో హైలైట్. ఆయన నటన సహజంగా, హాస్యాన్ని పెంచేలా ఉంది. కానీ, కొన్ని సన్నివేశాల్లో అతిగా అనిపించింది.
రీతూ వర్మ, అన్షు – కథలో ఫర్వాలేదనిపించినా, ప్రాధాన్యత తక్కువగా అనిపిస్తుంది.
మురళీ శర్మ – భర్గవ్ శర్మ పాత్రలో ఆకట్టుకున్నాడు.
సంగీతం – లియోన్ జేమ్స్ అందించిన మ్యూజిక్ ఆకట్టుకునే స్థాయిలో లేదు.కథ, మాటలు – రచయిత ప్రసన్న కుమార్ చాలా రొటీన్ సన్నివేశాలను రాశాడు.దర్శకత్వం – త్రినాథరావు నక్కిన కథను సరైన ఎమోషనల్ బ్యాలెన్స్‌తో తెరకెక్కించలేకపోయారు.
సినిమా విజయాన్ని చెప్పాలంటే, అది కేవలం థియేటర్లలో వసూళ్లు సాధించడమే కాదు, ప్రేక్షకుల హృదయాల్లో ఎప్పటికీ నిలిచిపోయేలా ఉండాలి. సినిమా విడుదలైన ఏడాది గడిచినా, ఆ చిత్ర Read more
ఈ సిరీస్ అక్టోబర్ 25న జీ5లో ప్రసారం కానుంది. ఇటీవల విడుదలైన టీజర్ మరియు ట్రైలర్ సోషల్ మీడియాలో పెద్ద ఎత్తున చర్చకు దారితీశాయి ముఖ్యంగా ఈ Read more
బంగారం స్మగ్లింగ్ కేసులో అరెస్టయిన నటి రన్యారావు భర్త జతిన్ హుక్కురి కీలక నిర్ణయం తీసుకున్నారు. గత కొన్ని నెలలుగా భార్యతో వచ్చిన విభేదాల కారణంగా వివాహ Read more
1994లో ముంబైలో జన్మించిన రితికా సింగ్, దక్షిణాది సినీ పరిశ్రమలో తనకంటూ ప్రత్యేకమైన గుర్తింపును సంపాదించుకున్న కథానాయిక. ఆమె కేవలం ఒక మంచి నటిగా మాత్రమే కాకుండా, Read more