Hyderabad : హైదరాబాద్ నగరంలో ట్రాఫిక్ నివారణే లక్ష్యంగా నిర్మిస్తున్న మరో కీలకమైన ఎలివేటెడ్ కారిడార్ త్వరలోనే అందుబాటులోకి రానుంది. అత్యంత రద్దీగా ఉండే ఉప్పల్ – నారపల్లి ఫ్లైఓవర్ నిర్మాణ పనులను వేగవంతం చేసి, 2027 జూన్ నాటికి ప్రజల వినియోగానికి అందుబాటులోకి తీసుకువస్తామని రాష్ట్ర రహదారులు, భవనాల శాఖ మంత్రి కోమటిరెడ్డి వెంకట్ రెడ్డి వెల్లడించారు. గురువారం శాసనమండలి సమావేశాలలో సభ్యులు అడిగిన ప్రశ్నలకు ఆయన ఈ మేరకు స్పష్టమైన సమాధానమిచ్చారు. ఈ ప్రాజెక్టు పూర్తయితే హైదరాబాద్ నుంచి వరంగల్ మార్గంలో ప్రయాణించే వాహనదారులకు తీవ్రమైన ట్రాఫిక్ కష్టాల నుంచి శాశ్వత ఉపశమనం లభించనుంది.
Read Also : ఇందిరమ్మ ఇళ్ల నిర్మాణ ఖర్చుపై కాటిపల్లి సంచలన వ్యాఖ్యలు
నిర్మాణంలో ఆలస్యం.. గడువు పెంపు కారణాలు
ఈ ఎలివేటెడ్ కారిడార్ నిర్మాణ పనులు వాస్తవానికి ఈ ఏడాది దసరా నాటికే పూర్తి కావాల్సి ఉన్నప్పటికీ, అనేక సాంకేతిక మరియు క్షేత్రస్థాయి సమస్యల కారణంగా ఆలస్యమయ్యాయి. భూసేకరణలో తలెత్తిన చిక్కులు, విద్యుత్ లైన్లు మరియు పైప్‌లైన్ల తరలింపు, కాంట్రాక్ట్ సంస్థాపరమైన జాప్యం వంటి పలు కారణాల వల్ల పనులు అనుకున్న వేగంతో సాగలేదని మంత్రి వివరించారు. అయితే ఇప్పుడు ఉన్న ఆటంకాలన్నీ తొలగిపోవడంతో పనులను పరుగులు తీగించి, నిర్దేశిత జూన్ 2027 గడువులోగా వంతెనను జాతికి అంకితం చేస్తామని ప్రభుత్వం హామీ ఇచ్చింది.
Read Also hindi news: hindi.vaartha.com
Read Also Epaper : epaper.vaartha.com
Read Also :
