ఆఫ్ఘనిస్థాన్ను శాసిస్తున్న తాలిబన్ ప్రభుత్వం ఇప్పుడు మహిళలతోపాటు పురుషులపైనా అనేక ఆంక్షలు విధిస్తోంది. ఆధునిక హెయిర్స్టైల్స్, శరీర శుభ్రత విషయంలో తీసుకుంటున్న చర్యలు తీవ్ర విమర్శలకు గురవుతున్నాయి.
ఆధునిక జుట్టు అలంకరణకు జైలు శిక్ష
తాలిబన్ల తాజా చర్యల ప్రకారం, జుట్టును అందంగా అలంకరించుకున్న పురుషులను, అలాగే అలాంటి క్షవరం చేసిన క్షురకులను అరెస్ట్ చేస్తున్నారు. తాలిబన్ల నిబంధనల ప్రకారం, పాశ్చాత్య పోకడల అనుకరణ నిషిద్ధం. జుట్టును మోడ్రన్గా కత్తిరించడం తాలిబన్ల దృష్టిలో “దురాచారం”. ఇటువంటి నిబంధనలు సదాచార, దురాచార నిరోధ మంత్రిత్వశాఖ ద్వారా అమలు చేయబడుతున్నాయి.
క్షవకులపై తీవ్ర ప్రభావం
తాలిబన్ల ఆంక్షల వలన క్షవకులు (barbers) తీవ్రంగా నష్టపోతున్నారు.
వారు అందించే సేవలపై నిబంధనలు విధించడంతో ఆదాయం తగ్గుతోంది.
ఉద్యోగాలకు మార్గం లేక దిక్కుతోచని స్థితిలో ఉన్నారు.
ఇన్స్పెక్టర్ల నిఘాలో ప్రజలు
ప్రభుత్వం నియమించిన 3,300 మంది ఇన్స్పెక్టర్లు దేశవ్యాప్తంగా నిఘా కొనసాగిస్తున్నారు.
బహిరంగ ప్రదేశాల్లో మహిళల ప్రవర్తన, పురుషుల దుస్తులు, క్షవరం వంటి అంశాలను పర్యవేక్షిస్తున్నారు.
రంజాన్ మాసంలో నమాజ్ చేయకపోవడాన్ని కూడా అరెస్ట్కు కారణంగా మారుస్తున్నారు.
మహిళలపై విధిస్తున్న ఆంక్షలు
మహిళలు ముఖాన్ని బయట చూపకూడదు. బహిరంగ ప్రదేశాల్లో మాట్లాడకూడదు. విద్య, ఉద్యోగాల్లో పాల్గొనడం నిషేధం. దీనివల్ల దేశ ఆర్థిక వ్యవస్థకే తీవ్ర నష్టం వాటిల్లుతోంది. మహిళలను పని అవకాశాల నుంచి వేరు చేయడం వలన ఆఫ్ఘనిస్థాన్కు సంవత్సరానికి $140 కోట్లు (డాలర్లు) నష్టం జరుగుతోంది. ఇది దేశ వృద్ధిని మరింత మందగిస్తుంది. కట్టుబాట్ల పేరుతో ఇప్పటి వరకు మహిళలపై అనేక ఆంక్షలు విధించిన తాలిబన్లు ఇప్పుడు పురుషులపైనా పడ్డారని ఐక్యరాజ్య సమితి ఆవేదన వ్యక్తం చేసింది. బస్సులు, రైళ్లలో ప్రయాణించేటప్పుడు ఎలా ప్రవర్తించాలి, క్షవరం, సంగీతం, పండుగ రోజుల్లో సందడిపై గతేడాది ఆగస్టులో ఈ శాఖ ప్రత్యేక నియమావళి విడుదల చేసింది.
READ ALSO: Augustin Escobar: అమెరికాలో నదిలో కుప్పకూలిన హెలికాప్టర్.. ఆరుగురు మృతి
