యూఎస్జీఎస్ ప్రకటన: 6.1 తీవ్రతతో భూకంపం నమోదు
యునైటెడ్ స్టేట్స్ జియోలాజికల్ సర్వే (USGS) ప్రకారం, దక్షిణ ఫిలిప్పీన్స్(philippines) తీరంలో 6.1 తీవ్రతతో భూకంపం శుక్రవారం సంభవించింది. ఈ భూకంపం దావో ఆక్సిడెంటల్ ప్రావిన్స్(Davao Occidental Pravence)కు సమీపంలో 70 కి.మీ దూరంలో, 101 కి.మీ లోతులో భూమికి అగాధంలో సంభవించిందని USGS వెల్లడించింది.
భూకంప భయంతో ప్రజల పరుగు పరుగులు
భారీ భూకంపం సంభవించడంతో స్థానిక ప్రజలు తీవ్ర భయాందోళనకు లోనై, ఇళ్ల నుంచి బయటకు పరుగులు తీశారు. సడెన్ షేకింగ్ కారణంగా రోడ్లపై జనం గుమికూడడం, ట్రాఫిక్ ఆగిపోవడం వంటి ఘటనలు చోటుచేసుకున్నాయి.
ప్రాణనష్టం లేదా ఆస్తినష్టం వివరాలు ఇంకా తెలియరాలేదు
ప్రస్తుతం వరకు ప్రాణనష్టం లేదా ఆస్తినష్టం వివరాలు అధికారికంగా వెల్లడించలేదు.
పలుచోట్ల వైబ్రేషన్స్ కారణంగా భవనాల కిటికీలు, గోడల చీలికలు కనిపించాయి అన్న వార్తలు వచ్చాయి కానీ, అధికారిక ధృవీకరణకు కాల ఉంది.
ఫిలిప్పీన్స్ – భూకంపాల హాట్స్పాట్
ఫిలిప్పీన్స్ భౌగోళికంగా పసిఫిక్ రింగ్ ఆఫ్ ఫైర్ (Pacific Ring of Fire) లో భాగంగా ఉండటంతో, భూకంపాలు తరచూ సంభవించే ప్రాంతం. ఈ ప్రాంతంలో చలనం గల ప్లేట్ల మధ్య ఘర్షణల వల్ల చిన్న, పెద్ద భూకంపాలు సాధారణంగా నమోదవుతుంటాయి.
అధికారులు అప్రమత్తం – సునామీ హెచ్చరిక లేదు
ప్రస్తుతానికి సునామీ హెచ్చరిక లేదు అని అధికారులు తెలిపారు. అయితే, స్థానిక రెస్క్యూ టీమ్లు, అపదకాల నిర్వహణ విభాగాలు అప్రమత్తంగా ఉన్నాయి.
భవిష్యత్లో మరింత సమాచారం అందే వరకు ప్రజలు అధికారిక మార్గదర్శకాలను పాటించాలని సూచించారు.
Read Also: Iran: ఇరాన్ తొలి సుప్రీం లీడర్ ‘ఇండియన్ ఏజెంట్’గా ముద్ర
