ఇరాన్(Iran) మరియు ఇజ్రాయెల్(Isarel) మధ్య 12 రోజులుగా కొనసాగిన యుద్ధం చివరికి కాల్పుల విరమణ ఒప్పందంతో ముగిసింది. ఈ యుద్ధానికి ముగింపు దొరకడం అంతర్జాతీయంగా ఊపిరి పీల్చే విషయంగా మారింది. ఇరాన్ అధ్యక్షుడు మసౌద్ పెజెష్కియాన్(Iranian President Masoud Pezeshkian), ఇజ్రాయెల్ ప్రధానమంత్రి బెంజమిన్ నెతన్యాహు(Israel Prime Minister Netanyahu) – ఇద్దరూ తమదైన విజయగాధలుగా ప్రకటించారు.
నెతన్యాహు: “చారిత్రక విజయం సాధించాం”
దేశ ప్రజలను ఉద్దేశించి ప్రసంగించిన నెతన్యాహు, ఈ యుద్ధాన్ని “చారిత్రక విజయం”గా అభివర్ణించారు. ఇరాన్పై సైనిక దాడులు మరియు క్రమబద్ధమైన వ్యూహాలతో విజయం సాధించామని చెప్పారు. గాజాపై తిరిగి దృష్టి కేంద్రీకరించనున్నట్లు ప్రకటించారు.
ఇరాన్ అధ్యక్షుడు: ‘‘వీర ప్రతిఘటన చరిత్ర సృష్టించింది’’
ఇరాన్ అధ్యక్షుడు పెజెష్కియాన్ ప్రకటనలో, ఈ యుద్ధాన్ని ఇజ్రాయెల్ రెచ్చగొట్టినదిగా పేర్కొన్నారు. ఇరాన్ ప్రజల ధైర్యం, త్యాగంతో ఈ మానవతా విపత్తుకు ముగింపు వచ్చిందని తెలిపారు. ఇరాన్ వెనక్కి తగ్గలేదని, ప్రతిఘటన చరిత్రను మార్చిందని అన్నారు.
ఇజ్రాయెల్ ఎయిర్ ట్రావెల్పై ఆంక్షలు తొలగింపు
ఇరాన్తో యుద్ధ ముగిసిన వెంటనే, ఇజ్రాయెల్ దేశీయ, అంతర్జాతీయ విమానాలపై విధించిన ఆంక్షలను ఎత్తివేస్తున్నట్లు బెన్ గురియన్ మరియు హైఫా విమానాశ్రయ అధికారులు వెల్లడించారు. ఎయిర్ ట్రాఫిక్ మళ్లీ సాధారణంగా సాగనుంది.
గాజాపై మళ్లిన దృష్టి: హమాస్ను లక్ష్యంగా ఉంచిన ఇజ్రాయెల్ సైన్యం
ఇరాన్తో యుద్ధం ముగిసిన వెంటనే, ఇజ్రాయెల్ సైన్యం గాజాలో హమాస్పై మళ్లీ దృష్టి పెట్టినట్లు ప్రకటించింది. బందీలను విడుదల చేయడం, హమాస్ పాలనను కూల్చివేయడం ప్రధాన లక్ష్యమని ఇజ్రాయెల్ చీఫ్ ఆఫ్ స్టాఫ్ లెఫ్టినెంట్ జనరల్ ఇయాల్ జమీర్ తెలిపారు.
అమెరికా మద్దతుతో కూడిన GHF వద్ద 46 మంది పౌరులపై దాడి
గాజాలోని అమెరికా మద్దతుతో నడుస్తున్న హ్యూమానిటేరియన్ ఫౌండేషన్ (GHF) వద్ద సహాయానికి వచ్చి ఎదురుచూస్తున్న కనీసం 46 మంది ఆకలితో ఉన్న పాలస్తీనియన్లపై ఇజ్రాయెల్ దాడి చేసి మృతిచెందించిందని నివేదికలు వెల్లడించాయి. ఇది మానవహక్కుల ఉల్లంఘనగా మారింది. అమెరికా మద్దతుగల గాజా హ్యుమానిటేరియన్ ఫౌండేషన్ (GHF) పంపిణీ ప్రదేశాలలో సహాయం పొందడానికి వేచి ఉన్న కనీసం 46 మంది ఆకలితో ఉన్న పాలస్తీనియన్లను మంగళవారం ఇజ్రాయెల్ లక్ష్యంగా చేసుకుని చంపింది.
Read Also: Army: తెహ్రీక్-ఎ-తాలిబన్ దాడుల్లో పాక్ సైనికులకు భారీ నష్టం
