టోల్ ప్లాజాల వద్ద వాహనదారుల నుంచి టోల్ వసూలు కోసం ఉద్దేశించిన ఫాస్టాగ్ లావాదేవీలకు సంబంధించి నేషనల్ పేమెంట్ కార్పొరేషణ్ కొత్త నిబంధనలు తీసుకొచ్చింది. ముఖ్యంగా బ్లాక్ లిస్టులో ఉన్న ఫాస్టాగ్ వినియోగదారులకు కొత్తగా 70 నిమిషాల వ్యవధిని ప్రవేశపెట్టింది. నిర్దేశిత సమయంలో బ్లాక్ లిస్ట్‌లోంచి వైదొలగడంలో విఫలమైతే డబుల్ ఫీజు ఎదుర్కొవాల్సి ఉంటుంది. ఫాస్టాగ్‌లో తగిన బ్యాలెన్స్ లేకపోతే ఆ ఫాస్టాగ్ బ్లాక్ లిస్ట్‌లోకి వెళుతుంది. టోల్ ప్లాజా రీడర్ వద్దకు చేరుకునే సమయానికి 60 నిమిషాల కంటే ఎక్కువ సేపు ఫాస్టాగ్ ఇన్‌యాక్టివ్‌లో ఉంటే కోడ్ 176 ఎర్రర్‌ను చూపి లావాదేవీలను తిరస్కరిస్తారు. ఇక, స్కాన్ చేసిన 10 నిమిషాల తర్వాత ఇన్ యాక్టివ్‌కు వెళ్లినా.. ఇదే కారణంతో లావాదేవీని తిరస్కరిస్తారు. ఇలాంటి సందర్భాల్లో పెనాల్టీ కింద రెట్టింపు టోల్ ఫీజును చెల్లించాలి ఉంటుంది.
ఫిబ్రవరి 17 నుంచి అమల్లోకి
కాగా, ఈ ఫాస్టాగ్ కొత్త నిబంధనలు ఫిబ్రవరి 17 నుంచి అమల్లోకి రానున్నాయి. ఇందుకు సంబంధించి జనవరి 28నే ఓ సర్క్యూలర్ జారీ అయ్యింది. ఈ నేపథ్యంలో వాహనదారులు తమ ఫాస్టాగ్‌ను ఎప్పుడూ యాక్టివ్‌గా ఉంచుకుంటే మంచిది. దీంతో అదనంగా ఛార్జీల చెల్లింపుల నుంచి బయటపడవచ్చు.
వాహనదారులు తప్పక తెలుసుకోవాల్సిన వివరాలు
ఫాస్టాగ్ కొత్త నిబంధనలు – ప్రధాన మార్పులు
నేషనల్ పేమెంట్ కార్పొరేషణ్ (NPCI) టోల్ చెల్లింపుల విధానంలో కొన్ని కీలక మార్పులను ప్రవేశపెట్టింది. ఫిబ్రవరి 17 నుంచి అమల్లోకి వచ్చే ఈ కొత్త నిబంధనల ప్రకారం, ఫాస్టాగ్ బ్లాక్ లిస్ట్‌లో ఉంటే 70 నిమిషాల సమయం ఇచ్చి, ఆ గడువు ముగిసిన తర్వాత రెట్టింపు ఫీజు వసూలు చేయనున్నారు.
ఫాస్టాగ్ బ్లాక్ లిస్ట్‌లోకి వెళ్లే ప్రధాన కారణాలు
తగిన బ్యాలెన్స్ లేకపోవడం – అకౌంట్లో సకాలంలో డబ్బు జమ చేయకపోతే, ఫాస్టాగ్ బ్లాక్ అవుతుంది.
కేవైసీ (KYC) పూర్తి చేయకపోవడం – అనధికారిక లేదా అప్‌డేట్ కాని వివరాలు ఉంటే.
చేసిస్ నంబర్ & వెహికిల్ నంబర్ పొంతన లేకపోవడం – రిజిస్ట్రేషన్ వివరాల్లో గందరగోళం ఉంటే.70 నిమిషాల గడువు – టోల్ ప్లాజా రీడర్ వద్దకు చేరుకునేలోపు 70 నిమిషాల్లోనే ఫాస్టాగ్‌ను యాక్టివ్ చేయాలి.
10 నిమిషాల ఇన్‌యాక్టివ్ నిబంధన – స్కాన్ చేసిన 10 నిమిషాలలోపు ఇన్‌యాక్టివ్‌గా మారితే లావాదేవీ తిరస్కరిస్తారు.
పెనాల్టీ & అదనపు ఛార్జీలు
ఈ కొత్త మార్పుల ప్రకారం, బ్లాక్ లిస్ట్ నుంచి సమయానికి బయటపడకపోతే, వాహనదారులు రెట్టింపు టోల్ ఫీజు చెల్లించాల్సి ఉంటుంది.
వాహనదారులు తీసుకోవాల్సిన జాగ్రత్తలు
ఫాస్టాగ్ ఖాతాలో తగిన బ్యాలెన్స్ ఉంటుందని నిర్ధారించుకోవాలి.
కేవైసీ వివరాలు అప్‌డేట్ చేయాలి.
ఫాస్టాగ్ రిజిస్ట్రేషన్ వివరాలను సరిచూడాలి.
ఈ మార్పులు వాహనదారులకు ప్రయాణం మరింత సులభతరం చేసేందుకు ఉద్దేశించినప్పటికీ, పాటించకపోతే అధిక ఛార్జీలు పడే అవకాశం ఉంది. కాబట్టి, వాహనదారులు తమ ఫాస్టాగ్‌ను ఎప్పుడూ యాక్టివ్‌గా ఉంచుకోవడం ఉత్తమం.
తెలుగు దేశం పార్టీలో ఎమ్మెల్యే కొలికపూడి వివాదం ఊహించని మలుపులు తీసుకుంటూ, కొత్త రాజకీయ పరిణామాలకు దారి తీస్తోంది. కొలికపూడి 48 గంటల గడువును విధించడంతో, ఈ Read more
విశాఖ సెంట్రల్ జైల్లో ఇటీవల సంభవించిన వివాదం నేపథ్యంలో 66మందిపై బదిలీ చర్యలు చేపట్టారు. జైలు అధికారులు ఖైదీల ఎదుట తమను దుస్తులు విప్పించి తనిఖీ చేయాల్సి Read more
మళ్లీ భూప్రకంపనలు వచ్చే అవకాశం.. అప్రమత్తంగా ఉండాలి.. న్యూఢిల్లీ: దేశ రాజధాని ఢిల్లీ సహా ఉత్తరాది రాష్ట్రాల్లో సోమవారం తెల్లవారుజామున సంభవించిన స్వల్ప భూప్రకంపనలపై ప్రధాని మోడీ Read more
న్యూఢిల్లీ: కొత్తగా నియమితులైన బీహార్‌, కేరళ రాష్ట్రాలకు గవర్నర్లు ఈరోజు బాధ్యతలు స్వీకరించారు. ఇప్పటి వరకూ కేరళ గవర్నర్‌గా బాధ్యతలు నిర్వర్తించిన ఆరిఫ్‌ మొహమ్మద్ ఖాన్ .. Read more