తెలంగాణ రాజధాని హైదరాబాద్‌లో ఐటీ పరిశ్రమ అభివృద్ధి చెందుతున్న నేపథ్యంలో సింగపూర్‌కు చెందిన ప్రముఖ రియల్ ఎస్టేట్‌ సంస్థ ‘క్యాపిటల్యాండ్‌’ భారీ పెట్టుబడులు పెట్టేందుకు సిద్ధమైంది. రూ.450 కోట్ల వ్యయంతో ఆధునిక ఐటీ పార్క్‌ను 10 లక్షల చదరపు అడుగుల విస్తీర్ణంలో ఏర్పాటు చేయనున్నట్లు కంపెనీ వెల్లడించింది. సింగపూర్‌లో జరిగిన సమావేశంలో ముఖ్యమంత్రి రేవంత్‌రెడ్డి సమక్షంలో ఈ నిర్ణయం తీసుకోబడింది.
ఈ ఐటీ పార్క్ హైదరాబాద్ అభివృద్ధిలో మరో మైలురాయిగా నిలుస్తుందని సీఎం అభిప్రాయపడ్డారు. క్యాపిటల్యాండ్‌ ఇప్పటికే హైదరాబాద్‌లో అనేక ఐటీ ప్రాజెక్టులను విజయవంతంగా నిర్వహిస్తున్నదని, ఈ కొత్త ప్రాజెక్టు నగరానికి కొత్త అవకాశాలను తెచ్చిపెడుతుందని సీఎం పేర్కొన్నారు. రాష్ట్ర ప్రభుత్వంతో ఒప్పందం కుదుర్చుకున్న వెంటనే ఈ ప్రాజెక్టు పనులు ప్రారంభానికి సన్నాహాలు ప్రారంభమయ్యాయి.
తెలంగాణలో తమ కార్యకలాపాలను విస్తరించటం ఆనందంగా ఉందని క్యాపిటల్యాండ్‌ ఇండియా సీఈవో గౌరీశంకర్‌ నాగభూషణం తెలిపారు. బ్లూచిప్‌ కంపెనీల అవసరాలకు అనుగుణంగా ప్రీమియం సదుపాయాలు, గ్లోబల్‌ కేపబిలిటీ సెంటర్లకు పెరుగుతున్న డిమాండ్‌ను తీర్చగల సౌకర్యాలతో ఈ ఐటీ పార్క్‌ను నిర్మించనున్నట్లు కంపెనీ ప్రతినిధులు వెల్లడించారు. ఈ ప్రాజెక్టు ప్రారంభోత్సవ కార్యక్రమంలో మంత్రి శ్రీధర్‌బాబు, ప్రభుత్వ ప్రత్యేక ప్రధాన కార్యదర్శి జయేశ్‌ రంజన్‌, ఇన్వెస్ట్‌మెంట్‌ ప్రమోషన్‌ స్పెషల్‌ సెక్రటరీ విష్ణువర్ధన్‌రెడ్డి, క్యాపిటల్యాండ్‌ సీనియర్‌ ఎగ్జిక్యూటివ్‌ డైరెక్టర్‌ మనోహర్‌ కియాతానీ తదితరులు పాల్గొన్నారు. క్యాపిటల్యాండ్‌ ఇప్పటికే ఐటీపీహెచ్‌, సైబర్‌ పెర్ల్‌ వంటి ప్రాజెక్టులతో నగర అభివృద్ధికి తోడ్పడిన సంగతి తెలిసిందే.
ఈ కొత్త ఐటీ పార్క్‌తోపాటు క్యాపిటల్యాండ్‌ గతంలో ప్రకటించిన 25 మెగావాట్ల డాటా సెంటర్ ఈ ఏడాదిలో అందుబాటులోకి రానుంది. ఐటీపీహెచ్‌ రెండో దశ కూడా 2028 నాటికి పూర్తి కానుంది. ఈ ప్రాజెక్టులు హైదరాబాద్‌ను ఐటీ రంగంలో మరింత ముందుకు తీసుకెళ్తాయని విశ్లేషకులు అభిప్రాయపడుతున్నారు.
న్యూఢిల్లీ: భారతీయ రిజర్వ్ బ్యాంక్, రుణగ్రహీతలకు పెద్ద ఉపశమనాన్ని ప్రకటించింది. రెపో రేటును నాలుగో వంతు తగ్గించాలని మానిటరీ పాలసీ కమిటీ నిర్ణయించింది. దీనికి అనుగుణంగా రెపో Read more
అమరావతి: మంత్రి నారా లోకేశ్ అసెంబ్లీలో ఆయన మాట్లాడుతూ..యువగళం పాదయాత్ర ఆలూరు, ఆదోనిలో కొనసాగుతున్న సమయంలో కుటుంబాలు మూకుమ్మడిగా వలసలు వెళ్లడం చూశానని, అవన్నీ చూశాకే ఇరిగేషన్, Read more
మూడు పద్ధతుల్లో కుల సర్వే హైదరాబాద్: తెలంగాణ రాష్ట్రానికి సంబంధించిన మేధావులు బలహీన వర్గాల నాయకులు, ఫ్రొఫెసర్లు వివిధ స్థాయిల్లో ఉన్న అందరి విజ్ఞప్తి మేరకు కుల Read more
పాకిస్తాన్‌లో జాఫర్ ఎక్స్‌ప్రెస్ హైజాక్ కావడం దేశవ్యాప్తంగా తీవ్ర ఉద్రిక్తతలను రేకెత్తించింది. బలూచిస్తాన్ లిబరేషన్ ఆర్మీ (బీఎల్ఏ) తిరుగుబాటుదారులు ఈ ఘటనకు పాల్పడ్డారు. హైజాక్ అనంతరం పాకిస్తాన్ Read more