ఆంధ్రప్రదేశ్ మాజీ సీఐడీ చీఫ్, సీనియర్ ఐపీఎస్ అధికారి పీవీ సునీల్ కుమార్ సస్పెన్షన్పై తీవ్ర రాజకీయ చర్చలు, విమర్శలు వెల్లువెత్తుతున్నాయి. సునీల్ కుమార్ ప్రభుత్వ అనుమతి లేకుండా విదేశీ ప్రయాణం చేసిన కారణంగా సస్పెండ్ చేసినట్లు ఏపీ కూటమి ప్రభుత్వం స్పష్టం చేసింది. అయితే, ఈ నిర్ణయం వెనుక రాజకీయ మతలబు ఉన్నట్లు పలువురు నేతలు ఆరోపిస్తున్నారు.
సస్పెన్షన్ వెనుక కారణాలు
సునీల్ కుమార్ విదేశాలకు వెళ్లే ముందు అధికారిక అనుమతి తీసుకోలేదని, దీనిని పరిపాలనా నియమావళికి విరుద్ధంగా ప్రభుత్వం పేర్కొంది. ప్రభుత్వ ఉద్యోగులు, ముఖ్యంగా ఉన్నతస్థాయి పోలీస్ అధికారులు ప్రభుత్వ అనుమతి లేకుండా విదేశాలకు వెళ్లరాదనే నిబంధన ఉంది. అయితే, సునీల్ కుమార్ ముందుగా అనుమతి కోసం దరఖాస్తు చేసుకున్నా, తర్వాత వెళ్లడానికి అనుమతించలేదా అనే దానిపై స్పష్టత లేదు. ప్రభుత్వ వర్గాలు పేర్కొన్నట్లుగా, ఆయన ఎక్స్ ఇండియా లీవ్ కోసం దరఖాస్తు చేసుకున్నా, విదేశాలకు వెళ్లిన తీరును పరిశీలించాల్సిన అవసరం ఉందని అభిప్రాయపడుతున్నారు. అయితే, ఇది కేవలం పరిపాలనా చర్య మాత్రమేనా? లేక రాజకీయ కక్ష సాధింపు చర్యా? అనే ప్రశ్నలు తలెత్తుతున్నాయి.
బీఆర్ఎస్ నేత ఆర్.ఎస్. ప్రవీణ్ కుమార్ స్పందన
ఈ వివాదంలో తెలంగాణ బీఆర్ఎస్ పార్టీ సీనియర్ నేత, మాజీ ఐపీఎస్ అధికారి ఆర్.ఎస్. ప్రవీణ్ కుమార్ తీవ్రంగా స్పందించారు. ఈ చర్య వెనుక ప్రాతినిధ్యం ఉన్న వ్యక్తిని లక్ష్యంగా చేసేందుకు ప్రయత్నించారనే ఆరోపణలను చేసారు.
ప్రవీణ్ కుమార్ తన ట్వీట్లో,
ఒక ఎస్సీ వర్గానికి చెందిన వ్యక్తి ఏపీలో డీజీపీగా ఎదిగితేనే కొందరికి ఆమోదయోగ్యంగా లేకపోవచ్చు. అందుకే ఆయనపై అనవసర చర్యలు తీసుకున్నారు.
సునీల్ కుమార్ ముందుగా అనుమతి తీసుకోవడానికి ప్రయత్నించగా, అప్పట్లోనే ప్రభుత్వం అనుమతి ఇచ్చింది. ఇప్పుడు సడన్గా కొత్త రూల్స్ ఎందుకు?
ప్రభుత్వ పెద్దలు ప్రభుత్వ ఖర్చుతో విదేశీ టూర్లు చేయొచ్చు. కానీ, సొంత ఖర్చుతో వెళ్లిన ఐపీఎస్ అధికారి మీద ఎందుకు చర్యలు? ఈ సస్పెన్షన్ వెనుక కులపరమైన, రాజకీయపరమైన కోణం ఉందని అనిపిస్తోంది.
ఎస్సీ సామాజికవర్గానికి చెందిన అనిత గారు మీరు హోంమంత్రిగా ఉండి కూడా ఈ వర్గాలకు చెందిన ఆఫీసర్ల మీద ఎడాపెడా దాడులు జరుగుతుంటే ఎందుకు మౌనంగా ఉన్నరు? ఎక్కడ పోయిండ్రు ఆంధ్రలో రిజర్వుడ్ నియోజకవర్గాల్లో గెలిచిన ఎమ్మెల్యేలు? ఈ విషయంలో ఎస్సీ, ఎస్టీల ఓట్లను దండుకొని వాళ్ల ప్రయోజనాలను తుంగలో తొక్కిన చంద్రబాబు, పవన్ కళ్యాణ్లను సస్పెండ్ చేయాలి, పీవీ సునీల్ కుమార్ను కాదు అని ఆర్ఎస్ ప్రవీణ్ కుమార్ ట్వీ్ట్ చేశారు.
పవన్ కళ్యాణ్, చంద్రబాబు ప్రభుత్వంపై ఆరోపణలు
సునీల్ కుమార్ సస్పెన్షన్ వ్యవహారం కేవలం పరిపాలనా చర్య మాత్రమేనా? లేక ఏపీ కూటమి ప్రభుత్వం ఒక ప్రత్యేక వర్గాన్ని లక్ష్యంగా చేసిందా? అనే చర్చ జరుగుతోంది. చంద్రబాబు నాయుడు నేతృత్వంలోని టీడీపీ-జనసేన కూటమిపై వివిధ వర్గాలు విమర్శలు గుప్పిస్తున్నాయి.
బహుజన సామాజిక వర్గం నేతలపై ఉద్దేశపూర్వక దాడులు జరుగుతున్నాయా?
విపక్షాలపై కక్షసాధింపు చర్యలేనా?
ప్రభుత్వ అనుమతి లేకుండా విదేశాలకు వెళ్లిన మరికొందరు అధికారులపై ఇంతవరకు చర్యలు తీసుకోలేదా? ఈ అంశంపై అధికారపక్షం ఇంకా అధికారికంగా స్పందించలేదు. కానీ, బీఆర్ఎస్, విపక్ష నాయకులు ఈ చర్యలను తీవ్రంగా ఖండిస్తున్నారు.
పీవీ సునీల్ కుమార్ లాంటి సీనియర్ ఐపీఎస్ అధికారిని సస్పెండ్ చేయడం పోలీస్ విభాగంలో నిరసనకు దారితీసింది. ముఖ్యంగా, ఆయనపై అనర్హత ఆరోపణలు చేయడాన్ని కొందరు ఐపీఎస్ అధికారులు స్వాగతించినా, మరికొందరు మాత్రం దీన్ని రాజకీయ కక్ష సాధింపుగా అభివర్ణిస్తున్నారు. అంతేకాకుండా, గతంలో ఐపీఎస్ అధికారి సజ్జనార్ లాంటి వారిపై ఇలాంటి చర్యలు తీసుకోకపోవడం, ఇప్పుడు మాత్రం సునీల్ కుమార్పై చర్య తీసుకోవడం వివాదాస్పదంగా మారింది. సునీల్ కుమార్ సస్పెన్షన్ వ్యవహారం ఎక్కడ మామూలు పరిపాలనా నిర్ణయంగా ఉండవచ్చు. కానీ, రాజకీయ విమర్శలు, సామాజిక వర్గాల స్పందన దీనిని మరింత వివాదాస్పదంగా మార్చాయి. ఈ వ్యవహారం త్వరలోనే మరిన్ని మలుపులు తిరగొచ్చు.
