D.CM Pawan Kalyan: తుపాను ప్రభావిత ప్రాంతాల్లో పారిశుద్ధ్య పనులపై పవన్ కల్యాణ్ ఆదేశాలు

D.CM Pawan Kalyan: తుపాను ప్రభావిత ప్రాంతాల్లో అంటువ్యాధులు వ్యాపించకుండా తక్షణమే అవసరమైన చర్యలు చేపట్టాలని ఆంధ్రప్రదేశ్ ఉప ముఖ్యమంత్రి పవన్ కల్యాణ్ అధికారులను ఆదేశించారు. తుపాను కారణంగా దెబ్బతిన్న ప్రాంతాల్లో సహాయక, పునరుద్ధరణ పనులతో పాటు ప్రజారోగ్యానికి ప్రాధాన్యం ఇవ్వాలని సూచించారు.

ఎలాంటి ఆరోగ్య సమస్యలు తలెత్తకుండా ముందస్తు జాగ్రత్తలు తీసుకోవాలని స్పష్టం చేశారు. ప్రభావిత ప్రాంతాల్లో సాధ్యమైనంత త్వరగా సాధారణ పరిస్థితులు నెలకొనేలా అన్ని శాఖల అధికారులు సమన్వయంతో పనిచేయాలని దిశానిర్దేశం చేశారు. ప్రజల ఆరోగ్యాన్ని కాపాడేందుకు అవసరమైన రక్షణ చర్యలను వేగవంతం చేయాలని పవన్ కల్యాణ్ సూచించారు.

D.CM Pawan Kalyan: 9 జిల్లాల నుంచి 475 మందితో ప్రత్యేక టాస్క్ ఫోర్స్ బృందాలు

ప్రభుత్వోన్నత ఆదేశాల మేరకు, తుపాను ప్రభావిత ప్రాంతాలలో సహాయక చర్యలను వేగవంతం చేసేందుకు రాష్ట్రంలోని 9 జిల్లాల నుంచి మొత్తం 475 మంది సిబ్బందితో ప్రత్యేక టాస్క్ ఫోర్స్ బృందాలను రంగంలోకి దించారు. ఈ ప్రత్యేక బృందాలు క్షేత్రస్థాయిలో పారిశుద్ధ్య పనులకు, పర్యావరణ పరిశుభ్రతకు అత్యధిక ప్రాధాన్యత ఇస్తున్నాయి. స్థానిక పరిస్థితులకు అనుగుణంగా తక్షణమే స్పందిస్తూ, మురుగునీరు తొలగింపు, చెత్తాచెదారం క్లియరింగ్ వంటి కార్యక్రమాలను ఈ బృందాలు పర్యవేక్షిస్తున్నాయి.

తాగునీటి నాణ్యత పరీక్షకు ప్రత్యేక వాటర్ టెస్టింగ్ బృందాలు

తుపాను సమయంలో కలుషిత నీటి ద్వారా రకరకాల వ్యాధులు ప్రబలే ప్రమాదం ఉన్నందున, తాగునీటి నాణ్యతను ఎప్పటికప్పుడు పరిశీలించేందుకు ప్రత్యేక వాటర్ టెస్టింగ్ బృందాలను కూడా ఏర్పాటు చేశారు. సరఫరా అయ్యే తాగునీరు సురక్షితంగా ఉండేలా చూడటం, నీటి ద్వారా వచ్చే వ్యాధులను పూర్తిగా నివారించడం, పారిశుద్ధ్య లోపాలను సరిదిద్దడంపై ఈ ప్రత్యేక బృందాలు ప్రధానంగా దృష్టి సారించి పనిచేస్తున్నాయి.