Local Body Elections in AP 2026 : ఏకగ్రీవ ఎన్నికలకు తావివ్వకూడదు అంటూ జగన్ పిలుపు

Local Body Elections in AP 2026 : ఆంధ్రప్రదేశ్ రాష్ట్రంలో త్వరలో జరగనున్న స్థానిక సంస్థల ఎన్నికలపై వైఎస్సార్ కాంగ్రెస్ పార్టీ (YCP) దృష్టి సారించింది. తాడేపల్లిలోని పార్టీ కేంద్ర కార్యాలయంలో నిర్వహించిన కీలక భేటీలో పార్టీ అధినేత, మాజీ ముఖ్యమంత్రి వైఎస్ జగన్‌మోహన్ రెడ్డి ముఖ్య నేతలతో సమావేశమయ్యారు. ఈ సందర్భంగా ఆయన మాట్లాడుతూ, ఈసారి ఎన్నికల్లో ఎలాంటి ఏకగ్రీవాలకు (Unanimous Elections) తావివ్వకూడదని శ్రేణులకు స్పష్టమైన పిలుపునిచ్చారు. అధికార కూటమి ప్రభుత్వ హయాంలో ఎన్నికలు స్వేచ్ఛగా, న్యాయబద్ధంగా జరుగుతాయని ఆశించలేమని వ్యాఖ్యానించారు. మున్సిపల్ ఛైర్మన్, ఎంపీపీ (MPP), మేయర్ వంటి పరోక్ష ఎన్నికల్లో అధికార దుర్వినియోగానికి పాల్పడే అవకాశముందని ఆరోపిస్తూ, ప్రతీ నియోజకవర్గంలో వైఎస్సార్‌సీపీ శ్రేణులు అప్రమత్తంగా ఉండాలని సూచించారు.

కార్యకర్తలకు భరోసా మరియు ఎన్నికల వ్యూహాలు

కూటమి ప్రభుత్వ పాలనపై ప్రజల్లో తీవ్ర వ్యతిరేకత ఉందన్న జగన్, ఈ స్థానిక పోరులో ప్రజలు ఖచ్చితంగా సరైన తీర్పు ఇస్తారని ధీమా వ్యక్తం చేశారు. రాబోయే పంచాయతీ, మున్సిపల్ ఎన్నికలను ఏమాత్రం ఆషామాషీగా తీసుకోవద్దని, ప్రతి వార్డు, మండల స్థాయిలో క్షేత్రస్థాయి బలాన్ని చాటాలని పిలుపునిచ్చారు. కార్యకర్తలఫార్మర్ ఐడీ లేకుంటే పంట కొనరు

పై కేసులు లేదా వేధింపులు జరిగితే పార్టీ పూర్తి స్థాయిలో అండగా ఉంటుందని భరోసా ఇచ్చారు. అధికార పార్టీ అక్రమాలను ఎదుర్కొంటూ ప్రతి స్థానంలోనూ పోటీకి దిగాలని, ఏకగ్రీవాల పేరుతో ప్రతిపక్షాలను నిరోధించే ప్రయత్నాలను తిప్పికొట్టాలని సూచిస్తూ శ్రేణులను ఎన్నికల సమరానికి సిద్ధం చేశారు.