తెలంగాణలో క్యూములోనింబస్ మేఘాల ప్రభావంతో భారీ వర్షాలు
క్యూములోనింబస్ మేఘాల ప్రభావంతో తెలంగాణలో భారీ వర్షాలు(Rain Alert) కురుస్తున్నాయని వాతావరణ శాఖ హెచ్చరించింది. కొన్ని జిల్లాల్లో ఉరుములు, మెరుపులతో కూడిన వర్షాలు నమోదు కావచ్చని అధికారులు తెలిపారు. ప్రజలంతా అప్రమత్తంగా ఉండాలని, అత్యవసరమైతే తప్ప బయటకు వెళ్లకూడదని సూచనలు ఇచ్చారు.
గంటకు 30 నుంచి 40 కిలోమీటర్ల వేగంతో ఈదురు గాలులు వీస్తాయని వాతావరణ శాఖ హెచ్చరించింది. సంగారెడ్డి, మెదక్, కామారెడ్డి, వరంగల్, మహబూబ్నగర్, నిజామాబాద్, జగిత్యాల, నాగర్కర్నూల్, రాజన్న సిరిసిల్ల, కరీంనగర్, రంగారెడ్డి, సిద్ధిపేట్, వనపర్తి జిల్లాల్లో భారీ వర్షాలు కురిసే అవకాశం ఉంది.
డీ అడిక్షన్ కేంద్రాల బలోపేతానికి రూ.33.80 కోట్లు
హైదరాబాద్లో కుండపోత వర్షాలు – ప్రజలు అప్రమత్తంగా ఉండాలి
హైదరాబాద్ నగరంలో వచ్చే కొన్ని గంటల్లో కుండపోత వర్షాలు(Rain Alert) కురిసే అవకాశం ఉందని అధికారులు తెలిపారు. ముఖ్యంగా ట్రాఫిక్కు అధికంగా ప్రభావం ఉండే ప్రాంతాల్లో జాగ్రత్తలు తీసుకోవాలని సూచించారు. మాదాపూర్, హైటెక్ సిటీ, గచ్చిబౌలి, కూకట్పల్లి, పఠాన్చెరువు, మియాపూర్, సికింద్రాబాద్, అమీర్పేట, బేగంపేట, దిల్సుఖ్ నగర్, ఎల్బీనగర్, మలక్పేట, ఎంజీబీఎస్, చాదర్ఘాట్, అఫ్జల్గంజ్ ప్రాంతాల్లో వర్షాలు కురవచ్చు.
చిన్న వర్షానికే ట్రాఫిక్ జామ్ అయ్యే నగరంలో కుండపోత వర్షాలు అయితే పరిస్థితి మరింత గందరగోళంగా మారే అవకాశం ఉన్నందున, ప్రజలు అత్యవసరమైతే తప్ప బయటకు వెళ్లకుండా ఉండాలని అధికారులు విజ్ఞప్తి చేస్తున్నారు.
