Viral Vayyari: సోషల్ మీడియాని షేక్ చేస్తున్న వైరల్ వయ్యారి పాట..

సోష‌ల్ మీడియాని షేక్ చేసిన ‘వైరల్ వయ్యారి’

ఇటీవలి కాలంలో సోష‌ల్ మీడియాలో అత్యంత ప్రజాదరణ పొందిన పాటల్లో ‘వైరల్ వయ్యారి’ (Viral Vayyari) ఒకటి. ‘వైరల్ వయ్యారి నేనే.. వయసొచ్చిన అణుబాంబును’ అనే ఈ పాట ఇన్‌స్టాగ్రామ్ రీల్స్, యూట్యూబ్ షార్ట్‌లలో చిన్నా-పెద్దా తేడా లేకుండా అందరినీ ఆకర్షించింది. ప్రతి ఒక్కరూ తమదైన స్టైల్‌లో ఈ పాటకు డ్యాన్స్‌లు చేస్తూ అల‌రించారు. ఈ పాట సృష్టించిన ప్రభంజనం అసాధారణం అని చెప్పొచ్చు.

చిన్నారి డ్యాన్స్‌కు ఫిదా అయిన హీరో కిరీటి

ఈ పాట ఎంతలా పాపులర్ అయ్యిందంటే, ఇటీవల కర్ణాటకకు చెందిన ఓ చిన్నారి విద్యార్థిని ఈ పాటకు అద్భుతమైన డ్యాన్స్ చేసి అందరినీ ఆకట్టుకుంది. ఆ చిన్నారి డ్యాన్స్ చూసి ‘జూనియర్’ (Junior) సినిమా హీరో కిరీటి రెడ్డి ఎంతగానో ముగ్ధుడయ్యారు. ఆయన తన సోషల్ మీడియా ఖాతాలో ఈ వీడియోను షేర్ చేస్తూ ఆ చిన్నారిని ప్రశంసించారు. అంతేకాకుండా, ఆమెకు ఒక చిన్న కానుకను కూడా అందించారు. ఇది ‘వైరల్ వయ్యారి’ (Viral Vayyari) పాటకున్న క్రేజ్‌ను మరోసారి నిరూపించింది.

‘జూనియర్’ సినిమా, పాట విజయం

కిరీటి రెడ్డి, శ్రీలీల జంటగా నటించిన ‘జూనియర్’ సినిమాలోని ఈ ‘వైరల్ వయ్యారి’ (Viral Vayyari) పాటకు యూట్యూబ్‌తో పాటు సోష‌ల్ మీడియాలో విపరీతమైన క్రేజ్ దక్కింది. దేవిశ్రీ ప్రసాద్ ఇచ్చిన ఉత్సాహభరితమైన ట్యూన్స్‌కు కిరీటి, శ్రీలీల (Kiriti, Srilila) డ్యాన్స్‌ స్టెప్పులు పర్‌ఫెక్ట్ మాస్‌తో మేళవించడంతో ఈ పాట సినిమాకు ప్రత్యేక ఆకర్షణగా మారింది. ఇప్పటికే లిరికల్ వెర్షన్ అభిమానులను ఉర్రూతలూగించగా, ఇటీవల విడుదలైన ఫుల్ వీడియో సాంగ్ కూడా నెటిజ‌న్స్‌ను ఎంత‌గానో ఆక‌ట్టుకుంటుంది.

ప్రముఖ రాజకీయ నాయకుడు, మాజీ మంత్రి గాలి జనార్ధన రెడ్డి కుమారుడు కిరీటి రెడ్డి హీరోగా పరిచయమైన ఈ చిత్రంలో శ్రీలీల హీరోయిన్‌గా నటించింది. రాధాకృష్ణ రెడ్డి దర్శకత్వం వహించిన ఈ సినిమా జూలై 18న తెలుగు, కన్నడ భాషలలో విడుదలై మంచి వసూళ్లు సాధించింది. ముఖ్యంగా ‘వైరల్ వయ్యారి’ పాటకు యువత విపరీతంగా స్పందించింది. శ్రీలీల ఎనర్జిటిక్ డ్యాన్స్ మూమెంట్స్, కిరీటి స్టెప్పులకు అభిమానులు ఫిదా అయ్యారు.

జూనియర్ 2025 సినిమా హీరో ఎవరు?

2025లో విడుదలైన “జూనియర్” సినిమాలో కిరీటి రెడ్డి హీరో. ఈ తెలుగు మరియు కన్నడ ద్విభాషా చిత్రంలో ఆయన ప్రధాన పాత్ర పోషిస్తున్నారు. ఈ చిత్రంలో శ్రీలీల, జెనీలియా డిసౌజా, వి. రవిచంద్రన్ కూడా నటిస్తున్నారు.

జూనియర్ సినిమా తెలుగునా కన్నడదా?

జూనియర్ అనేది 2025లో విడుదలైన భారతీయ యాక్షన్ డ్రామా చిత్రం, రాధా కృష్ణ రెడ్డి రచించి దర్శకత్వం వహించారు మరియు వారాహి చలన చిత్రం ద్వారా సాయి కొర్రపాటి నిర్మించారు. తెలుగు, కన్నడ భాషల్లో ఏకకాలంలో తెరకెక్కిన ఈ చిత్రంలో కిరీటిరెడ్డి, శ్రీలీల, జెనీలియా డిసౌజా ముఖ్యపాత్రల్లో నటిస్తున్నారు.

Read hindi News: hindi.vaartha.com