దేశంలో నిరుద్యోగిత రేటు (Unemployment rate)గత నెలలో 5.6 శాతానికి చేరింది. ఏప్రిల్లో ఇది 5.1 శాతంగా నమోదైందని ప్రభుత్వ గణాంకాలు వెల్లడిస్తున్నాయి. మహిళల్లో నిరుద్యోగిత రేటు (Unemployment rate)మేలో 5.8 శాతంగా నమోదైంది. 15-29 ఏళ్ల వయసు కలిగిన గ్రూపులో నిరుద్యోగిత రేటు ఏప్రిల్లో 13.8% కాగా, మేలో 15 శాతానికి చేరింది. పట్టణ ప్రాంతాల్లో 17.2% నుంచి 17.9 శాతానికి, గ్రామీణ ప్రాంతాల్లో 12.3% నుంచి 13.7 శాతానికి పెరిగింది.
వ్యవసాయ రంగంలో ఉపాధి తగ్గుదల
గ్రామీణ ప్రాంతాల్లో ప్రాథమిక రంగం (వ్యవసాయం)లో ఉపాధి ఏప్రిల్లో 45.9% ఉండగా, మేలో 43.5 శాతానికి తగ్గింది. రబీ సీజన్ ముగియడంతో వ్యవసాయ కార్యకలాపాలు నెమ్మదించి గ్రామీణ ప్రాంతాల్లోని పురుషులు, మహిళలకు ఉపాధి తగ్గింది.
15-29 ఏళ్ల యువతుల్లో (గ్రామీణ+పట్టణ) నిరుద్యోగిత రేటు ఏప్రిల్లో 14.4% కాగా, మేలో 16.3 శాతానికి పెరిగింది. నగరాల్లో నిరుద్యోగిత రేటు ఏప్రిల్లో 23.7% కాగా, మేలో 24.7 శాతానికి, గ్రామాల్లో 10.7% నుంచి 13 శాతానికి పెరిగింది.
నిరుద్యోగిత పెరిగిన కారణాలు
రబీ సీజన్ ముగియడం – వ్యవసాయ రంగం మందగించడంతో ఉపాధి తగ్గింది. గ్రామీణ ప్రాంతాల్లో ఉపాధి నష్టాలు – ముఖ్యంగా మహిళలు, యువతలో ప్రభావం ఎక్కువ. పట్టణాలలో పెరిగిన పోటీ – ఉద్యోగాల కొరత, కొత్త అవకాశాల లోపం.దేశంలోని నిరుద్యోగిత స్థాయి(Unemployment rate) లో నెలనెలకు పెరుగుదల ఆందోళన కలిగించే అంశం. ముఖ్యంగా యువత, మహిళలు, గ్రామీణ ప్రజలు తీవ్రంగా ప్రభావితమవుతున్నారు. ఇది మానవ వనరుల వినియోగంపై, ఆర్థిక వృద్ధిపై ప్రభావం చూపే ప్రమాదం ఉంది.
Read Also: Stock market: ఈ వారం మార్కెట్ కు ఫార్మా, ఐటీ షేర్లే కీలకం
