UK : ఇంగ్లండ్ ప్రభుత్వం పిల్లల ఆరోగ్యాన్ని రక్షించేందుకు కీలక నిర్ణయం తీసుకుంది. 16 ఏళ్లలోపు వారికి రెడ్ బుల్, మాన్స్టర్, ప్రైమ్ వంటి అధిక కెఫిన్ ఉన్న ఎనర్జీ డ్రింక్స్ (Energy Drinks Ban) అమ్మకాలపై పూర్తి నిషేధం విధించేందుకు కొత్త చట్టం తీసుకురానుంది. ఈ నిబంధన దుకాణాలు, రెస్టారెంట్లు, కేఫ్లు, వెండింగ్ మెషీన్లు, ఆన్లైన్ వేదికలకు వర్తిస్తుంది.
ఎనర్జీ డ్రింక్స్తో ఆరోగ్య సమస్యలు
ఆరోగ్య నిపుణులు ఎనర్జీ డ్రింక్స్లోని అధిక కెఫిన్ (High Caffeine) వల్ల పిల్లల్లో తీవ్రమైన తలనొప్పి, నిద్రలేమి (Insomnia), గుండె వేగంగా కొట్టుకోవడం (Palpitations), అసాధారణ హృదయ స్పందనలు, కొన్నిసార్లు మూర్ఛలు (Seizures) వంటి సమస్యలు వస్తున్నాయని హెచ్చరిస్తున్నారు. కొన్ని ఎనర్జీ డ్రింక్స్లో రెండు కప్పుల కాఫీ కంటే ఎక్కువ కెఫిన్ ఉండటం ఆందోళన కలిగిస్తోంది. యూకేలో సుమారు మూడో వంతు పిల్లలు (33%) ప్రతి వారం ఈ డ్రింక్స్ సేవిస్తున్నట్లు అంచనా.
ప్రభుత్వం మరియు నిపుణుల స్పందన
ఆరోగ్య, సామాజిక సంరక్షణ కార్యదర్శి వెస్ స్ట్రీటింగ్ ఈ చర్యలు తల్లిదండ్రులు, ఉపాధ్యాయులు, పిల్లల నుంచి వచ్చిన విజ్ఞప్తుల మేరకు తీసుకుంటున్నామని తెలిపారు. “ఈ పానీయాలు పిల్లల ఆరోగ్యం, ఏకాగ్రత, చదువుపై ప్రతికూల ప్రభావం చూపుతున్నాయి” అని ఆయన వివరించారు. చట్టం అమలుకు ముందు 12 వారాలపాటు ఆరోగ్య, విద్యా నిపుణులు, ప్రజలు, తయారీదారుల నుంచి అభిప్రాయాలు సేకరిస్తామని ప్రభుత్వం ప్రకటించింది.
ప్రముఖ చెఫ్ జామీ ఆలివర్ (Jamie Oliver) ఈ డ్రింక్స్ను ప్రమాదకరమని, ఉదయాన్నే వీటిని తాగిన పిల్లలు స్కూళ్లలో అదుపు లేకుండా ప్రవర్తిస్తున్నారని హెచ్చరించారు.
నిషేధం వర్తించని పానీయాలు
డైట్ కోక్ వంటి తక్కువ కెఫిన్ ఉన్న సాఫ్ట్ డ్రింక్స్, టీ, కాఫీలపై ఈ నిషేధం వర్తించదని అధికారులు స్పష్టం చేశారు.
ఎనర్జీ డ్రింక్స్పై నిషేధం ఎవరికి వర్తిస్తుంది?
16 ఏళ్లలోపు వయసున్న పిల్లలకు ఈ డ్రింక్స్ అమ్మకాలపై నిషేధం విధించనున్నారు.
ఈ డ్రింక్స్ వల్ల ఏ సమస్యలు వస్తాయి?
అధిక కెఫిన్ వల్ల తలనొప్పి, నిద్రలేమి, గుండె సంబంధిత సమస్యలు, మూర్ఛలు వంటివి రావచ్చని నిపుణులు హెచ్చరిస్తున్నారు.
ఈ నిషేధం ఎక్కడెక్కడ అమలవుతుంది?
దుకాణాలు, రెస్టారెంట్లు, కేఫ్లు, వెండింగ్ మెషీన్లు, ఆన్లైన్ వేదికల్లో ఈ నిబంధన అమలవుతుంది.
Read hindi news : hindi.vaartha.com
Read also :
