అమెరికా(America) వెళ్లాలనుకునే వారికి, ముఖ్యంగా గ్రీన్ కార్డ్ లేదా పర్మినెంట్ వీసా కోసం ఎదురుచూస్తున్న వారికి షాకింగ్ న్యూస్. ట్రంప్ ప్రభుత్వం వలసల విషయంలో తన ఉక్కుపాదాన్ని మోపింది. ఏకంగా 75 దేశాలకు చెందిన పౌరులకు ‘ఇమ్మిగ్రెంట్ వీసాలను’ నిరవధికంగా నిలిపివేస్తూ సంచలన నిర్ణయం తీసుకుంది. ఈ మార్పుల వల్ల ఎవరికి నష్టం? ఇండియా పరిస్థితి ఏంటి? సంచలన నిర్ణయం: జనవరి 21 నుంచే అమలు! అమెరికా స్టేట్ డిపార్ట్మెంట్ వెల్లడించిన వివరాల ప్రకారం.. జనవరి 21 నుండి పాకిస్తాన్, రష్యా, థాయ్లాండ్, ఇరాన్, బ్రెజిల్ వంటి దాదాపు 75 దేశాల పౌరులకు ఇమ్మిగ్రెంట్ వీసా ప్రాసెసింగ్ను నిలిపివేస్తున్నారు. అమెరికా పౌరసత్వం లేదా శాశ్వత నివాసం (Green Card) కోరుకునే వారికి ఇది పెద్ద ఎదురుదెబ్బ. అమెరికాలోని సంక్షేమ పథకాలు, ప్రభుత్వ సాయంపై ఆధారపడే అవకాశం ఉన్నవారిని అడ్డుకోవడమే ఈ నిర్ణయం వెనుక ఉన్న ప్రధాన ఉద్దేశ్యం.
Read Also: Iran: ఇప్పుడప్పుడే దాడి లేదన్న ట్రంప్
ఎందుకీ వీసాల నిలిపివేత?
దీని వెనుక పబ్లిక్ చార్జ్ అనే కీలకమైన నిబంధన ఉంది. అంటే ఎవరైనా విదేశీయుడు అమెరికాకు వచ్చి అక్కడి ప్రభుత్వ ధనం మీద ఆధారపడి బతుకుతారని అనిపిస్తే.. వారికి వీసా నిరాకరించే అధికారం కన్సులర్ అధికారులకు ఉంటుంది. వయస్సు, ఆరోగ్యం: వృద్ధులు లేదా అనారోగ్య సమస్యలు ఉన్నవారికి వీసా రావడం కష్టమే. ఆర్థిక స్థితి: అప్లై చేసే వ్యక్తి ఆర్థికంగా ఎంత బలంగా ఉన్నాడో గమనిస్తారు. భాషా నైపుణ్యం: ఇంగ్లీష్ రాకపోయినా, సరైన చదువు లేకపోయినా వీసా తిరస్కరించే అవకాశం ఉంది. గత రికార్డు: గతంలో ఎప్పుడైనా ప్రభుత్వ నగదు సాయం పొంది ఉన్నా ఈ నిబంధన వర్తిస్తుంది. ప్రభావితమయ్యే దేశాలు ఇవే.. ఈ జాబితాలో మన పొరుగు దేశాలైన పాకిస్తాన్, బంగ్లాదేశ్, నేపాల్, భూటాన్ మరియు ఆఫ్ఘనిస్తాన్ ఉన్నాయి. ఇవే కాకుండా రష్యా, బ్రెజిల్, ఈజిప్ట్, నైజీరియా, థాయ్లాండ్ వంటి 75 దేశాల వారిపై ఈ ప్రభావం పడనుంది.
Read hindi news: hindi.vaartha.com
Epaper: epaper.vaartha.com
Read Also:
