-పర్యాటక శాఖ మార్కెటింగ్ కమిటీ భేటీలో మంత్రి కందుల దుర్గేష్ వెల్లడి
విజయవాడలోని వెలగపూడి సచివాలయంలో పర్యాటక, సాంస్కృతిక మరియు సినిమాటోగ్రఫీ శాఖ మంత్రి కందుల దుర్గేష్ ఆధ్వర్యంలో మార్కెటింగ్ కమిటీ రెండో సమావేశం జరిగింది. ఈ సమావేశంలో రాష్ట్ర పర్యాటక రంగానికి మరింత ప్రాచుర్యం కల్పించేందుకు కార్యాచరణపై చర్చించారు. పర్యాటక ప్రాంతాల ప్రత్యేకతను దేశవ్యాప్తంగా పరిచయం చేసే విధంగా ప్రణాళికలు సిద్ధం చేయాలని మంత్రి అధికారులకు సూచించారు. తక్కువ వ్యయంతో ఎక్కువ మందికి చేరేలా డిజిటల్ ప్రచారాన్ని బలోపేతం చేయాలని ఆదేశించారు. పర్యాటకులకు అవసరమైన వసతుల వివరాలు స్పష్టంగా అందేలా చర్యలు తీసుకోవాలని తెలిపారు.
Read also: RTC Mechanic Training Tirupati: ఆర్టీసీ మెకానిక్ సిబ్బందికి ఓఈఎం శిక్షకులచే శిక్షణ
Give wide publicity to the tourism sector
ఉత్సవాల ప్రభావం, ప్రచార వ్యూహాలు
ఇటీవల నిర్వహించిన అమరావతి ఆవకాయ్ ఫెస్టివల్, విశాఖ ఉత్సవ్, అరకు ఉత్సవం, గండికోట ఫెస్టివల్, ఫ్లెమింగో ఫెస్టివల్ వంటి కార్యక్రమాల విజయాన్ని మంత్రి సమీక్షించారు. ఈవెంట్ మేనేజ్మెంట్ సంస్థల పనితీరును పరిశీలిస్తూ, భవిష్యత్తులో మరింత మెరుగైన నిర్వహణపై దృష్టి పెట్టాలని సూచించారు. ప్రతి ఉత్సవానికి ముందుగా ‘కర్టెన్ రైజర్’ కార్యక్రమాల ద్వారా ప్రజల్లో ఆసక్తి కల్పించాలని పేర్కొన్నారు. సోషల్ మీడియా, వీడియోలు, డిజిటల్ కంటెంట్ ద్వారా రాష్ట్ర పర్యాటక ప్రాంతాలను వైరల్ చేయాలని సూచించారు. టూరిజం బ్రోచర్లు, కాఫీ టేబుల్ పుస్తకాల ద్వారా అంతర్జాతీయ స్థాయిలో గుర్తింపు పెంపొందించాలని తెలిపారు.
అంతర్జాతీయ వేదికపై ఆంధ్రప్రదేశ్ ప్రతిష్ట
2026 మార్చిలో జర్మనీలో జరగనున్న బెర్లిన్ సదస్సులో ఆంధ్రప్రదేశ్ పర్యాటక సామర్థ్యాన్ని ప్రదర్శించేందుకు సిద్ధం కావాలని మంత్రి దుర్గేష్ ఆదేశించారు. గత ఏడాది ఈ సదస్సులో రాష్ట్రానికి లభించిన మంచి స్పందనను ఆయన గుర్తు చేశారు. రాబోయే రోజుల్లో నిర్వహించబోయే ప్రధాన పర్యాటక కార్యక్రమాలకు కమిటీ ఆమోదం తెలిపింది. పర్యాటకులు ఆనందంగా గడిపేలా సౌకర్యాలు కల్పించడం ద్వారా రాష్ట్ర ఆదాయాన్ని పెంచాలని మంత్రి స్పష్టం చేశారు. సమావేశంలో ప్రత్యేక ప్రధాన కార్యదర్శి అజయ్ జైన్, ఏపీటీఏ సీఈవో ఆమ్రపాలి కాట తదితర అధికారులు పాల్గొన్నారు.
Read hindi news: hindi.vaartha.com
Epaper: epaper.vaartha.com
Read Also:
