తెలంగాణలో ప్రజా రవాణా రంగంలో విప్లవాత్మక మార్పులు రానున్నాయి. పర్యావరణ హితమైన ప్రయాణాన్ని ప్రోత్సహిస్తూ టీజీఎస్ఆర్టీసీ (TGSRTC) 2 వేల కొత్త ఎలక్ట్రిక్ బస్సులను ప్రవేశపెడుతోంది. కాలుష్య రహిత నగరంగా హైదరాబాద్ను (Hyderabad) తీర్చిదిద్దడమే కాకుండా పెరుగుతున్న ప్రయాణికుల రద్దీకి అనుగుణంగా రవాణా సౌకర్యాలను మెరుగుపరచడం ఈ ప్రాజెక్టు ప్రధాన ఉద్దేశం. కేంద్ర ప్రభుత్వం ప్రవేశపెట్టిన పీఎం ఈ-డ్రైవ్ పథకం కింద ఈ బస్సులను తెలంగాణకు కేటాయిస్తూ కేంద్రం అధికారికంగా ఆమోదం తెలిపింది.
Read also: Sajjanar: అలా చేస్తే వదిలేదే లేదు..లక్కీ డ్రా ఇన్ఫ్లుయెన్సర్ల హెచ్చరిక
ఇరుకైన రహదారుల్లోనూ సులభంగా ప్రయాణం
ప్రయాణికుల సౌకర్యాన్ని దృష్టిలో ఉంచుకుని ఆర్టీసీ యాజమాన్యం ఈ 2 వేల బస్సులను వివిధ రకాలుగా వర్గీకరించింది. (TGSRTC) ఇందులో లో-ఫ్లోర్, సెమీ లో-ఫ్లోర్, స్టాండర్డ్ ఏసీ, మినీ ఎలక్ట్రిక్ బస్సులు ఉన్నాయి. ముఖ్యంగా వృద్ధులు, చిన్నారులు, దివ్యాంగులు సులభంగా బస్సు ఎక్కేందుకు వీలుగా లో-ఫ్లోర్ బస్సులకు ప్రాధాన్యతనిస్తున్నారు.
హైదరాబాద్లోని పాతబస్తీ వంటి అత్యంత జనసాంద్రత కలిగిన ప్రాంతాల్లో ప్రయాణం ఇప్పుడు సులభతరం కానుంది. ఇక్కడి ఇరుకైన రహదారులపై భారీ బస్సులు తిరగడం సవాలుగా మారిన నేపథ్యంలో ఆర్టీసీ తొలిసారిగా ఎలక్ట్రిక్ మినీ బస్సులను ప్రవేశపెడుతోంది. ఈ మినీ బస్సులు గల్లీల్లో కూడా సులభంగా ప్రయాణించగలవు. దీనివల్ల పాతబస్తీ వాసులకు రవాణా ఇబ్బందులు తప్పుతాయి. వీటితో పాటు, పొరుగు జిల్లాల నుండి వచ్చే ప్రయాణికుల కోసం చౌటుప్పల్-దిల్సుఖ్నగర్ వంటి కీలక మార్గాల్లో స్టాండర్డ్ ఎలక్ట్రిక్ బస్సులు అందుబాటులోకి రానున్నాయి.
Read hindi news: hindi.vaartha.com
Epaper: epaper.vaartha.com
Read also:
