వరంగల్: భారీ వర్షాల కారణంగా వరంగల్(Warangal) నగరం నీట మునుగుతుంటే ముఖ్యమంత్రి, మంత్రులు హైదరాబాద్లోని జూబ్లీహిల్స్లో(Jubilee Hills) ఊరేగడం సరికాదని బీఆర్ఎస్ నాయకుడు ఏనుగుల రాకేశ్ రెడ్డి తీవ్రంగా విమర్శించారు. “మంత్రుల జల్సాలకు హెలికాప్టర్లు వస్తాయి గానీ, ప్రజలు ఆపదలో ఉంటే రావా?” అని ప్రభుత్వాన్ని ఆయన నిలదీశారు. హనుమకొండలోని జులైవాడ, అమరావతి నగర్, సమ్మయ్య నగర్, 100 ఫీట్ రోడ్డు తదితర జలమయమైన ప్రాంతాల్లో ఆయన గ్రేటర్ వరంగల్ అధికారులతో కలిసి పర్యటించి, వరద పరిస్థితిని సమీక్షించారు.
Read also : Ravi Teja Mass Jathara : రవి తేజ మాస్ జాతరకు షాక్ – బుకింగ్స్ ..
అధికారులు నిర్లక్ష్యం, భారీ నష్టం
మొంథా తుఫాన్ కారణంగా గ్రేటర్ వరంగల్ పరిధిలోని అనేక కాలనీలు జలదిగ్బంధంలో చిక్కుకున్నాయని రాకేశ్ రెడ్డి(Rakesh Reddy) అన్నారు. ప్రజల ఇళ్లలోకి నీరు చేరి నిత్యావసరాలు, టీవీలు, బీరువాల వంటి విలువైన వస్తువులు నాశనమయ్యాయి. వృద్ధులు, వికలాంగులు, బాలింతలు రాత్రంతా నీళ్లలోనే గడపాల్సి రావడం దారుణమని ఆయన ఆవేదన వ్యక్తం చేశారు. తుపాను తీవ్రతను ముందస్తుగా అంచనా వేసి ప్రజలను సురక్షిత ప్రాంతాలకు తరలించడంలో అధికారులు నిర్లక్ష్యం వహించారని ఆయన ఆరోపించారు.
రాజకీయ విమర్శలు, డిమాండ్లు
“వరద సమయంలో మంత్రులు జిల్లాలకు ఇన్ఛార్జులుగా ఉండి ప్రజలకు అండగా నిలవాలి. కానీ, జూబ్లీహిల్స్లో డివిజన్లకు ఇన్ఛార్జులుగా వ్యవహరించడం విడ్డూరంగా ఉంది” అని రాకేశ్ రెడ్డి ఎద్దేవా చేశారు. సమ్మయ్య నగర్లో పశువులు, గేదెలు వరద ఉద్ధృతికి కొట్టుకుపోవడం తనను తీవ్రంగా కలచివేసిందని తెలిపారు. ఆస్తి నష్టంతో పాటు పశుపక్షాదుల ప్రాణ నష్టం కూడా భారీగా ఉండే ప్రమాదం ఉందని ఆందోళన వ్యక్తం చేశారు. వాతావరణ శాఖ హెచ్చరికలు జారీ చేసినా ప్రభుత్వం ముందస్తు చర్యలు చేపట్టడంలో విఫలమైందని మండిపడ్డారు. వెంటనే వరద ముంపు ప్రాంతాల్లో ఆస్తి నష్టాన్ని అంచనా వేసి, బాధితులకు ప్రభుత్వం తక్షణమే నష్టపరిహారం చెల్లించాలని ఆయన డిమాండ్ చేశారు.
బీఆర్ఎస్ నాయకుడు రాకేశ్ రెడ్డి ప్రభుత్వాన్ని ఎక్కడ విమర్శించారు?
వరంగల్ వరద ప్రభావిత ప్రాంతాల పర్యటన సందర్భంగా ఆయన విమర్శించారు.
వరద ముంపు ప్రాంతాల్లో రాకేశ్ రెడ్డి ప్రధానంగా చూసిన నష్టం ఏమిటి?
ప్రజల ఇళ్లలోకి నీరు చేరి విలువైన వస్తువులు నాశనం కావడం మరియు సమ్మయ్య నగర్లో పశువులు కొట్టుకుపోవడం.
Read hindi news : hindi.vaartha.com
Epaper : epapervaartha.com
Read also :
