తెలంగాణ రాష్ట్రవ్యాప్తంగా చలి తీవ్రత భారీగా పెరిగింది. ఇటీవల నమోదవుతున్న కనిష్ఠ ఉష్ణోగ్రతలు ప్రజలను గజగజ వణికిస్తున్నాయి. ముఖ్యంగా ఉత్తర తెలంగాణ జిల్లాల్లో చలి ప్రభావం ఎక్కువగా కనిపిస్తోంది. పలు ప్రాంతాల్లో ఉష్ణోగ్రతలు సింగిల్ డిజిట్కు చేరడంతో ఉదయం, రాత్రి వేళల్లో సాధారణ జీవనం ఇబ్బందిగా మారింది.
Read also: CJI:కార్లు కొనడం తగ్గిస్తే కాలుష్యం తగ్గుతుంది
cold wave warning has been issued for the state for another three days
కనిష్ఠ ఉష్ణోగ్రతలు 11 నుంచి 15 డిగ్రీల మధ్య
శుక్రవారం రాత్రి నుంచి శనివారం ఉదయం వరకు నమోదైన వివరాల ప్రకారం ఆదిలాబాద్ జిల్లా భీంపూర్లో అత్యల్పంగా 7 డిగ్రీల సెల్సియస్ ఉష్ణోగ్రత నమోదైంది. సంగారెడ్డి జిల్లా కోహీర్లో 7.9 డిగ్రీలుగా నమోదవగా, రాష్ట్రంలోని మొత్తం 12 జిల్లాల్లో ఉష్ణోగ్రతలు 10 డిగ్రీల కంటే తక్కువగా కొనసాగుతున్నాయి. ఇది ఈ సీజన్లో చలి తీవ్రత ఎంతగా ఉందో తెలియజేస్తోంది.
వాతావరణ శాఖ ప్రకారం తూర్పు, ఆగ్నేయ దిశల నుంచి తక్కువ ఎత్తులో వీస్తున్న చల్లని గాలుల ప్రభావంతోనే రాష్ట్రంలో చలి పెరిగింది. మరో మూడు రోజుల పాటు చలి కొనసాగుతుందని హెచ్చరిక జారీ చేశారు. ఈ సమయంలో కనిష్ఠ ఉష్ణోగ్రతలు 11 నుంచి 15 డిగ్రీల మధ్య ఉండే అవకాశం ఉందని తెలిపారు. వృద్ధులు, చిన్నారులు తగిన జాగ్రత్తలు తీసుకోవాలని అధికారులు సూచిస్తున్నారు.
Read hindi news: hindi.vaartha.com
Epaper: epaper.vaartha.com
Read Also:
