తెలంగాణ (Telangana) ప్రజలకు రాష్ట్ర ప్రభుత్వం శుభవార్త అందించేందుకు సిద్ధమవుతోంది. రెండో వాహనం కొనుగోలు చేసే వారికి ఇప్పటివరకు చెల్లించాల్సి వస్తున్న 2 శాతం అదనపు లైఫ్ట్యాక్స్ నుంచి త్వరలోనే ఊరట కల్పించనుంది. ఈ మేరకు రవాణాశాఖ ప్రతిపాదనలు సిద్ధం చేయగా, ముఖ్యమంత్రి రేవంత్ రెడ్డి దీనికి గ్రీన్సిగ్నల్ ఇచ్చినట్లు సమాచారం. అధికారిక ఉత్తర్వులు త్వరలోనే జారీ అయ్యే అవకాశాలు ఉన్నాయని ప్రభుత్వ వర్గాలు వెల్లడిస్తున్నాయి. తెలంగాణలో ప్రతి ఏటా 7 లక్షల వరకు కొత్త బైకులు.. అలాగే కార్లు 2.57 లక్షల వరకు కొనుగోళ్లు ఉంటున్నాయి.
Read Also: KPHB Crime: భవనం పైనుంచి దూకి యువతి ఆత్మహత్య
లైఫ్ట్యాక్స్ కింద రూ.2,400
వీటిలో రెండోసారి 1.91 లక్షల వరకు కొనుగోలు చేస్తున్నారు. ఇలా రెండో వాహనం కొనుగోలు చేసేవారు అదనంగా లైఫ్ట్యాక్స్ చెల్లిస్తున్నారు.రెండో వాహనం కొనుగోలు చేసేవారు 2శాతం లైఫ్ ట్యాక్స్ కడుతున్నారు. ఉదాహరణకు ఎవరైనా రూ.1.20 లక్షల విలువైన బైక్ కొనుగోలు (రెండో వాహనం) చేస్తే అదనంగా 2% లైఫ్ట్యాక్స్ కింద రూ.2,400 కడుతున్నారు. ఇలా చూస్తే తెలంగాణ రవాణాశాఖకు ప్రతి ఏటా రూ.80 కోట్ల నుంచి రూ.100 కోట్ల వరకు ఆదాయం వస్తోంది.
Read hindi news: hindi.vaartha.com
Read Also Epaper : epaper.vaartha.com
Read Also:
