Hyderabad: తెలంగాణ (Telangana) ప్రభుత్వం ఆగస్టు 15న ఇందిరా మహిళాశక్తి చీరలు పంపిణీ చేయనుంది. ఈ మేరకు అధికారులు ప్రణాళికలు సిద్ధం చేస్తున్నారు. ఇప్పటికే. సిరిసిల్ల నేతన్నలు జూన్ నెలాఖరుకు 50 శాతం ఉత్పత్తి పూర్తి చేయాలని శైలజారామయ్యర్ ఆదేశించారు. చేనేత కార్మికులకు ఏడాది పొడవునా ఉపాధి లభించేలా ఈ పథకం ఉద్దేశించబడింది. ప్రభుత్వం 9 కోట్ల మీటర్ల బట్టకు ఆర్డర్ ఇచ్చింది. గత బతుకమ్మ చీరల రూ.280 కోట్ల బకాయిలు చెల్లించారు. రూ.50 కోట్లతో యారన్ బ్యాంక్ ఏర్పాటు చేశారు. పాఠశాల, అంగన్వాడీ యూనిఫాం ఆర్డర్లు కూడా అందించారు. తెలంగాణ (Telangana) రాష్ట్ర ప్రభుత్వం ప్రతిష్టాత్మకంగా చేపట్టిన ఇందిరా మహిళా శక్తి చీరలు పంపిణీ ఆగస్టు 15 నాటికి పూర్తి చేసేందుకు వేగంగా అడుగులు వేస్తోంది. ఈ బృహత్తర కార్యక్రమానికి కేంద్రంగా నిలుస్తున్న సిరిసిల్ల నేతన్నలకు కీలక ఉత్పత్తి లక్ష్యాలను నిర్దేశించారు.
జూన్ నెలాఖరులోపు 50 శాతం ఉత్పత్తి పూర్తి చేయాలి – చీఫ్ సెక్రటరీ ఆదేశం
జూన్ నెలాఖరు నాటికి 50 శాతం చీరల ఉత్పత్తిని పూర్తి చేయాలని చేనేత, జౌళి శాఖ ప్రిన్సిపల్ సెక్రటరీ శైలజారామయ్యర్ (Sailajaramaiyar) ఆదేశించారు. ఈ పథకం రాష్ట్రంలోని మహిళా సంఘాల సభ్యులకు గౌరవాన్ని. చేనేత కార్మికులకు ఏడాది పొడవునా స్థిరమైన ఉపాధిని కల్పించే మహత్తర లక్ష్యంతో రూపొందించబడింది. చేనేత కార్మికులకు సంవత్సరం పొడవునా పని భద్రత కల్పించాలనే సమున్నత ఉద్దేశంతో ప్రభుత్వం మహిళా సంఘాల సభ్యులకు రెండు చీరలను పంపిణీ చేయాలని నిర్ణయించింది. ఇందిరా మహిళా శక్తిఖి కింద ప్రభుత్వం ఇచ్చిన ఈ ఆర్డర్ తెలంగాణ చేనేత రంగానికి ఒక గొప్ప వరం. ఏడాదికి ఏకంగా 9 కోట్ల మీటర్ల వస్త్ర ఉత్పత్తిని సాధించాల్సి ఉంది. ఇది సిరిసిల్ల, ఇతర చేనేత కేంద్రాలకు అపారమైన పని అవకాశాలను సృష్టిస్తుంది. ఈ ఆర్డర్ను వేగవంతం చేయాలని ప్రిన్సిపల్ సెక్రటరీ శైలజారామయ్యర్ స్పష్టం చేశారు. ప్రతి సొసైటీకి కేటాయించిన లక్ష్యంలో 50 శాతాన్ని ఈ నెలాఖరులోగా పూర్తి చేయాలని, లేనిపక్షంలో సంబంధిత సొసైటీకి కేటాయించిన ఆర్డర్ను రద్దు చేయాల్సి వస్తుందని ఆమె గట్టి హెచ్చరిక జారీ చేశారు.
బతుకమ్మ చీరల బకాయిలు చెల్లింపు – రూ.280 కోట్లు విడుదల
గత ప్రభుత్వం నుంచి రావాల్సిన బతుకమ్మ చీరలకు సంబంధించిన రూ.280 కోట్ల బకాయిలను ప్రస్తుత ప్రభుత్వం ఇప్పటికే చెల్లించింది. నేతన్నలకు నిరంతరం పని కల్పించే లక్ష్యంతో ప్రభుత్వం అనేక చర్యలు చేపడుతోంది. చేనేత కార్మికులకు అవసరమైన ముడిసరుకును సకాలంలో అందించేందుకు రూ.50 కోట్లతో యారన్ బ్యాంక్ను (Yaran Bank)ఏర్పాటు చేసినట్లు ప్రిన్సిపల్ సెక్రటరీ శైలజారామయ్యర్ తెలియజేశారు. ఇది నేరుగా నేతన్నలకు ప్రయోజనం చేకూరుస్తుంది. మధ్యవర్తుల దోపిడీని తగ్గిస్తుంది. అంతేకాకుండా పాఠశాల, అంగన్వాడీలకు సంబంధించిన యూనిఫాం వస్త్రాల ఆర్డర్లను కూడా చేనేత రంగానికి అప్పగించారు. భవిష్యత్తులో దేవాదాయ శాఖ నుంచి కూడా మరో పెద్ద ఆర్డర్ వస్తుందని ఆమె ప్రకటించారు. ఈ బహుముఖ విధానం చేనేత రంగాన్ని దీర్ఘకాలికంగా బలోపేతం చేస్తుందనే అభిప్రాయం వ్యక్తం అవుతోంది.
Read also: Maoists Bandh : ఈరోజు ఏపీ, తెలంగాణ బంద్ – మావోయిస్టులు