గత కొన్ని రోజులుగా హైదరాబాద్ నగరాన్ని అతలాకుతలం చేస్తున్న భారీ వర్షాల కారణంగా జనజీవనం పూర్తిగా అస్తవ్యస్తమైంది. రోడ్లు జలమయమవడం, లోతట్టు ప్రాంతాలు మునిగిపోవడంతో ప్రజలు తీవ్రమైన ఇబ్బందులు ఎదుర్కొంటున్నారు. ఈ నేపథ్యంలో వాతావరణ శాఖ మరోసారి హెచ్చరీక జారీ చేయడంతో ప్రభుత్వం అప్రమత్తమైంది.
ముంపు ప్రాంతాల్లో సీఎం పర్యటన
వాతావరణ పరిస్థితులు మరింత ఉద్రిక్తంగా మారే అవకాశముండటంతో, ముఖ్యమంత్రి రేవంత్ రెడ్డి (Revanth Reddy) స్వయంగా రంగంలోకి దిగారు. హైడ్రా కమిషనర్ రంగనాథ్ (Ranganath) తో కలిసి ఆయన హైదరాబాద్లోని అమీర్పేట్, గంగుబాయి బస్తీ, బుద్ధనగర్ వంటి ప్రధాన ముంపు ప్రాంతాల్లో ఆకస్మికంగా పర్యటించారు.
ప్రజలతో నేరుగా ముఖాముఖి
నీటి ముంపుతో ఇబ్బందులు పడుతున్న స్థానికులతో సీఎం రేవంత్ (Revanth Reddy) నేరుగా మాట్లాడారు. వర్షాల తర్వాత మురుగు నీరు వీధుల్లో ప్రవహిస్తుండటంతో ప్రజలు పడుతున్న ఇబ్బందులను విన్నారు. వారికి తగిన శాశ్వత పరిష్కారం తీసుకురావడం తన ప్రభుత్వ బాధ్యత అని ప్రజలకు భరోసా ఇచ్చారు.
అధికారులకు తక్షణ ఆదేశాలు
పర్యటన అనంతరం సీఎం అధికారులతో సమీక్ష నిర్వహించారు. వర్ష ప్రభావం అధికంగా ఉన్న ప్రాంతాల్లో నీటి నిల్వ తొలగింపు, డ్రైనేజీ వ్యవస్థ (Drainage system) ను మెరుగుపరచే పనులను వేగవంతం చేయాలని ఆదేశించారు. ప్రజలు అత్యవసరమైతే తప్ప ఇళ్ల నుంచి బయటకు రావొద్దని సూచించారు. అలాగే, విద్యుత్ స్తంభాలు, ఓపెన్ మ్యాన్హోల్స్ వంటివి ప్రమాదకరంగా మారుతున్న నేపథ్యంలో ప్రజలు అప్రమత్తంగా ఉండాలని హితవు పలికారు.
ముందు జాగ్రత్త చర్యలు కీలకం
వర్షాలు మరో కొన్ని రోజులు కొనసాగే అవకాశం ఉన్నందున, ప్రజలు అప్రమత్తంగా ఉండటం అత్యవసరం. ప్రజల జీవన ప్రమాణాన్ని కాపాడేందుకు ప్రభుత్వం చర్యలు తీసుకుంటుందన్న భరోసాతో సీఎం పర్యటన ముగిసింది. ప్రభుత్వ యంత్రాంగం పూర్తి స్థాయిలో సిద్ధంగా ఉండాలని సీఎం స్పష్టం చేశారు.
Read hindi news: hindi.vaartha.com
Read also:
