తెలంగాణలోని మల్కాజిగిరి(Malkajgiri) సఫీల్ గూడలో ఉన్న అమ్మవారి ఆలయంలో వివాదాస్పద ఘటన చోటుచేసుకుంది. ఆలయంలో టెంకాయలు కొట్టే ప్రదేశం వద్ద ఓ యువకుడు అనుచితంగా ప్రవర్తించినట్లు స్థానికులు గుర్తించారు. దీనిపై ఆగ్రహం వ్యక్తం చేసిన భక్తులు అతడితో ఆలయ పరిసరాలను శుభ్రం చేయించి, సంప్రదాయ ప్రకారం దేహశుద్ధి నిర్వహించారు.
Read Also: Makara Sankranti: సంక్రాంతికి సిద్ధమైన తెలుగు రాష్ట్రాలు..
ఈ ఘటన ఉద్దేశపూర్వకంగానే జరిగిందని ఆరోపిస్తూ బీజేపీ రాష్ట్ర అధ్యక్షుడు రాంచందర్ రావు (Ramchandra Rao) తీవ్రంగా స్పందించారు. పోలీసులు ఆ యువకుడు మానసికంగా స్థిరంగా లేడని చెబుతున్నప్పటికీ, ఇలాంటి సంఘటనలను తేలికగా చూడకూడదని ఆయన అభిప్రాయపడ్డారు. దోషులపై కఠిన చర్యలు తీసుకోవాలని డిమాండ్ చేశారు.
అలాగే, హిందూ దేవాలయాల భద్రతపై ప్రభుత్వం నిర్లక్ష్యం వహిస్తోందని ఆవేదన వ్యక్తం చేసిన రాంచందర్ రావు, ఆలయాల రక్షణకు తక్షణమే పటిష్ట చర్యలు చేపట్టాలని కోరారు. ఈ ఘటనపై పూర్తిస్థాయి దర్యాప్తు జరపాలని పలువురు స్థానికులు కూడా అభిప్రాయపడుతున్నారు.
Read hindi news:hindi.vaartha.com
Epaper: epaper.vaartha.com
Read also:
