తెలంగాణ రాష్ట్ర రోడ్డు రవాణా సంస్థ (TGSRTC) మరోసారి పెద్ద ఎత్తున ఉద్యోగాల భర్తీ ప్రక్రియను ప్రారంభించింది. రాష్ట్ర వ్యాప్తంగా ఉన్న డిపోల్లో సిబ్బంది కొరతను తీర్చడానికి ఈ నియామకాలను చేపట్టనున్నట్లు అధికారులు ప్రకటించారు. మొత్తం 1,743 పోస్టులు ఈసారి భర్తీ చేయనున్నారు. అందులో 1,000 డ్రైవర్ పోస్టులు , 743 శ్రామిక్ (మెకానికల్ వర్కర్లు) పోస్టులు ఉన్నాయి. ఈ ఉద్యోగాల కోసం దరఖాస్తు ప్రక్రియ నేడు ప్రారంభం అవుతుండగా , ఈ నెల 28వ తేదీ వరకు అభ్యర్థులు ఆన్లైన్ ద్వారా దరఖాస్తు చేసుకోవచ్చు. అభ్యర్థులు దరఖాస్తు చేసుకునే ముందు అర్హతలు, వయోపరిమితులు, అవసరమైన పత్రాలు, ఇతర నిబంధనలను జాగ్రత్తగా పరిశీలించాలని అధికారులు సూచించారు.
డ్రైవర్ పోస్టులకు దరఖాస్తు చేసుకోవాలనుకునే అభ్యర్థులు 22 నుండి 35 సంవత్సరాల మధ్య వయస్సు కలిగి ఉండాలి. అలాగే, డ్రైవింగ్ లైసెన్స్, అనుభవం వంటి సర్టిఫికెట్లు తప్పనిసరిగా ఉండాలి. శ్రామిక్ (మేకానికల్ వర్కర్) పోస్టులకు దరఖాస్తు చేసుకునే అభ్యర్థులు 18 నుండి 30 సంవత్సరాల మధ్య వయస్సు కలిగి ఉండాలి. అయితే, SC, ST, BC, EWS కేటగిరీల అభ్యర్థులకు వయోపరిమితిలో 5 సంవత్సరాల సడలింపు ఇవ్వబడింది. ఇది సామాజిక న్యాయ పరిరక్షణ దృష్ట్యా తీసుకున్న కీలక నిర్ణయం. ఎంపిక ప్రక్రియలో అర్హత పరీక్షలు, నైపుణ్య పరీక్షలు, అలాగే శారీరక సామర్థ్య పరీక్షలు ఉండే అవకాశం ఉంది.
Adulterated Liquor : కల్తీ మద్యం వెనుక ఉన్నదంతా బాబు అండ్ గ్యాంగే: జగన్
ఆసక్తి గల అభ్యర్థులు పూర్తి వివరాలను తెలుసుకోవడానికి మరియు దరఖాస్తు చేసుకోవడానికి https://www.tgprb.in/3 ను సందర్శించవచ్చు. దరఖాస్తు సమర్పణలో ఏవైనా పొరపాట్లు జరగకుండా జాగ్రత్తగా పత్రాలను అప్లోడ్ చేయాలి. రాష్ట్ర ప్రభుత్వం ఈ నియామకాల ద్వారా నిరుద్యోగ యువతకు ఉపాధి అవకాశాలను కల్పించడమే కాకుండా, RTC సేవలను మరింత బలోపేతం చేయాలని లక్ష్యంగా పెట్టుకుంది. ఈ నియామకాలు పూర్తయితే, రవాణా సేవల సమర్థత పెరుగుతుందని, అలాగే గ్రామీణ, పట్టణ ప్రాంతాల మధ్య రవాణా సౌకర్యాలు మరింత మెరుగుపడతాయని అంచనా.
Read hindi news: https://hindi.vaartha.com
Epaper : https://epaper.vaartha.com/