బస్సు, మెట్రో, ఎంఎంటీఎస్ ప్రయాణం
హైదరాబాద్(Hyderabad) నగరంలో ప్రజా రవాణాను మరింత సౌకర్యవంతంగా మార్చేందుకు తెలంగాణ ప్రభుత్వం కీలక చర్యలకు శ్రీకారం చుట్టింది. ఎంఎంటీఎస్, మెట్రో రైలు, టీజీఎస్ఆర్టీసీ బస్సు సేవలను ఒకే సమగ్ర వ్యవస్థగా అనుసంధానించే దిశగా ప్రణాళికలు రూపొందిస్తున్నట్లు రవాణా శాఖ ప్రత్యేక ప్రధాన కార్యదర్శి వికాస్ రాజ్ తెలిపారు. ఈ చర్యల ద్వారా ప్రయాణికులకు ఫస్ట్ మరియు లాస్ట్ మైల్ కనెక్టివిటీ మెరుగుపరచడంతో పాటు నగర రహదారులపై ట్రాఫిక్ భారం తగ్గించడమే ప్రధాన లక్ష్యమని ఆయన వివరించారు.
Read Also: High Rates: ఆ దేశంలో ఏకంగా 682% ద్రవ్యోల్బణం!..కొత్త రిపోర్ట్
ట్రాన్స్పోర్ట్ సిస్టమ్లో మార్పులు
సచివాలయంలో నిన్న జరిగిన ఉన్నతస్థాయి సమావేశం అనంతరం మీడియాతో మాట్లాడిన వికాస్ రాజ్, నగరంలోని మొత్తం 51 ఎంఎంటీఎస్(MMTS) స్టేషన్ల చుట్టుపక్కల ఉన్న అనుసంధాన రహదారులను అభివృద్ధి చేయాల్సిందిగా జీహెచ్ఎంసీ అధికారులకు సూచించినట్లు చెప్పారు. ప్రయాణికుల రద్దీ అధికంగా ఉండే ఎంఎంటీఎస్ స్టేషన్ల జాబితాను దక్షిణ మధ్య రైల్వే అధికారులు జీహెచ్ఎంసీ మరియు ఆర్టీసీకి అందజేస్తారని తెలిపారు.
ఒకే టికెట్తో ప్రయాణించే వీలుగా సమగ్ర టికెటింగ్
ఈ సమాచారాన్ని ఆధారంగా చేసుకుని, బస్ స్టాప్లను రైల్వే స్టేషన్లకు మరింత సమీపంగా తరలించడంతో పాటు, ప్రయాణికుల అవసరాలకు అనుగుణంగా బస్సు మార్గాలను పునర్వ్యవస్థీకరించనున్నట్లు వెల్లడించారు. అదనంగా, ఎంఎంటీఎస్ స్టేషన్ల నుంచి సమీప నివాస ప్రాంతాలకు ప్రయాణికులను చేరవేసేందుకు ప్రైవేట్ ఫీడర్ సర్వీసులను ప్రారంభించే అవకాశాలను కూడా పరిశీలిస్తున్నామని చెప్పారు.
ముఖ్యంగా మెట్రో రైలు, ఎంఎంటీఎస్ మరియు ఆర్టీసీ బస్సుల్లో ఒకే టికెట్తో ప్రయాణించే వీలుగా సమగ్ర టికెటింగ్ విధానంపై అధ్యయనం చేయాలని మీ–సేవ కమిషనర్కు సూచించినట్లు వికాస్ రాజ్ వెల్లడించారు. ఈ ప్రతిపాదన అమలులోకి వస్తే హైదరాబాద్లో ఆధునిక మల్టీ మోడల్ రవాణా వ్యవస్థ ఏర్పాటు దిశగా ఇది ఒక కీలక అడుగుగా నిలుస్తుందని ఆయన అభిప్రాయపడ్డారు.
Read hindi news: hindi.vaartha.com
Epaper: epaper.vaartha.com
Read Also:
