Hyderabad : తెలంగాణలో అవినీతి నిరోధక శాఖ (ACB) మరో కీలక చర్య చేపట్టింది. హైదరాబాద్ శివారు అబ్దుల్లాపూర్‌మెట్‌లో లంచం తీసుకుంటున్న ఇద్దరు రెవెన్యూ అధికారులను అధికారులు పట్టుకున్నారు. తహశీల్దార్ సుదర్శన్ రెడ్డి, మండల సర్వేయర్ శ్రీనివాసులు రూ.20 లక్షల లంచం తీసుకుంటూ ఏసీబీకి చిక్కారు. HMDA లేఅవుట్‌కు సంబంధించిన జాయింట్ ఇన్‌స్పెక్షన్ సర్వే రిపోర్ట్ (Joint Inspection Survey Report) జారీ చేసే విషయంలో ఫిర్యాదుదారుడిని అధికారులు లంచం కోసం డిమాండ్ చేసినట్లు ఆరోపణలు ఉన్నాయి. ఈ పనిని పూర్తి చేసేందుకు తొలుత రూ.30 లక్షలు అడగగా, చివరకు రూ.20 లక్షలకు ఒప్పందం కుదిరినట్లు సమాచారం.
Read Also : ఇల్లు లేని నిరుపేదలకు శుభవార్త..జిల్లాల్లోనూ ఇందిరమ్మ టవర్లు!
తహశీల్దార్ ఆదేశాలతో లంచం స్వీకరణ.. ఏసీబీ అరెస్ట్
ఫిర్యాదుదారుడి నుంచి మండల సర్వేయర్ శ్రీనివాసులు రూ.20 లక్షల లంచం స్వీకరిస్తున్న సమయంలో ఏసీబీ అధికారులు దాడి చేసి పట్టుకున్నట్లు సమాచారం. తహశీల్దార్ సుదర్శన్ రెడ్డి ఆదేశాల మేరకే సర్వేయర్ లంచం తీసుకున్నట్లు ఏసీబీ గుర్తించినట్లు తెలుస్తోంది. ఈ వ్యవహారంలో ఇద్దరు అధికారులను అదుపులోకి తీసుకుని తదుపరి చర్యలు చేపట్టారు. ప్రభుత్వ కార్యాలయాల్లో అధికారిక విధులను నిర్వహించేందుకు లంచం డిమాండ్ చేయడంపై ఏసీబీ నిఘా కొనసాగుతోంది. ఇలాంటి అవినీతి ఘటనలు ప్రభుత్వ యంత్రాంగంపై ప్రజలకు ఉన్న నమ్మకాన్ని దెబ్బతీస్తుండటంతో, బాధ్యులపై చట్టప్రకారం చర్యలు తీసుకోవాల్సిన అవసరం ఉంది.
Read Also hindi news: hindi.vaartha.com
Read Also Epaper : epaper.vaartha.com
Read Also :
