ఉత్తమ్ కుమార్ రెడ్డి మామ బ్యాంక్ అకౌంట్ నుంచి సదరు వ్యక్తి డబ్బులు డ్రా చేశాడు అనడానికి సరైన ఆధారాలు లేవన్న కోర్టు కేసును కొట్టేసింది.ఉత్తమ్ మామ వద్ద గతంలో కేర్ టేకర్గా పనిచేసిన 37 ఏళ్ల వ్యక్తిని నిందితుడిగా పేర్కొంటూ కేసు నమోదు కాగా అతడిని నిర్దోషిగా పేర్కొంటూ తాజాగా కోర్టు తీర్పు వెల్లడించింది. 2024 సెప్టెంబర్లో నమోదైన ఈ కేసులో నిందితుడికి వ్యతిరేకంగా బలమైన సాక్ష్యాలను సమర్పించినట్లు పోలీసులు పేర్కొన్నారు. అయితే నిందితుడిని నేరస్థుడిగా పరిగణించడానికి అతడి ఉద్యోగంతో సహా పోలీసులు సమర్పించిన సాక్ష్యాలు సరిపోవని కోర్టు స్పష్టం చేసింది. అంతేకాక దర్యాప్తు(Investigation) సమయంలో పోలీసుల లోపాలను ఎత్తి చూపిన కోర్టు కేసును కొట్టివేస్తున్నట్లు ప్రకటించింది.ఈ సంఘటనలో భాగమైన వృద్ధుడు,తన కుమార్తె, కోదాడ ఎమ్మెల్యే అయిన పద్మావతి రెడ్డి దగ్గర ఉండేవారు. పోలీసులు తెలిపిన వివరాల ప్రకారం,వృద్ధుడు తన దగ్గర పని చేసే కేర్ టేకర్కి తన ఏటీఎం కార్డ్(ATM card)పిన్ నంబర్ చెప్పారు. ఆయనకు డబ్బులు అవసరమైనప్పుడు.కేర్ టేకర్ ఏటీఎంకి వెళ్లి నగదు డ్రా చేసుకుని తెచ్చి ఇచ్చేవాడు. అలానే ఒక రోజు కేర్ టేకర్ వృద్ధుడి ఏటీఎం కార్డ్ తీసుకుని వెళ్లాడు.ఆ తర్వాత తిరిగి రాలేదు. కానీ వృద్ధుడి ఖాతా నుంచి 20 వేల రూపాయలు డ్రా చేసినట్లుగా మెసేజ్ వచ్చింది. దాంతో కేర్ టేకర్ మీద పోలీసులకు ఫిర్యాదు చేశారు.
సాక్ష్యం
ఫిర్యాదుదారు ఇచ్చిన సమాచారం,అలానే డబ్బు డ్రా చేసిన ఏటీఎంలోని సీసీటీవీ ఫుటేజ్ ఆధారంగా పంజాగుట్ట పోలీసులు నిందితుడిని అరెస్టు చేశారు. అయితే విచారణ సమయంలో, నిందితుడు నేరం అంగీకరించాడని కోర్టు గుర్తించింది. అయితే దొంగిలించబడిన ఏటీఎం కార్డును పోలీసులు స్వాధీనం చేసుకోలేకపోయారు. డబ్బులుడ్రా చేసిన తర్వాత అతడు దాన్ని పారేశాడని పోలీసులు తెలిపారు. అలానే అతడి వద్ద నుంచి డ్రా చేసిన నగదును కూడా స్వాధీనం చేసుకోలేకపోయారు. దీంతో సాక్ష్యాలు లేని కారణంగా నిందితుడు నేరం అంగీకరించడాన్ని ఆమోదించలేమని న్యాయస్థానం స్పష్టం చేసింది.ఈ కేసులో పోలీసులు సీసీటీవీ ఫుటేజీని కూడా కీలక సాక్ష్యంగా సమర్పించారు. అయితే ఆ ఫుటేజీని సేకరించిన సీసీటీవీ టెక్నీషియన్(CCTV technician)ను విచారించలేదని,అలానే కోర్టుకు సమర్పించిన ఫుటేజీ కూడా అస్పష్టంగా ఉందని న్యాయస్థానం పేర్కొంది. అంతేకాకుండా “వీడియోలో ఒక వ్యక్తి ఏటీఎం నుంచి డబ్బులు విత్డ్రా చేయడం కనిపిస్తోంది. కానీ వీడియోలో కనిపించిన వ్యక్తి, నిందితుడు ఇద్దరూ ఒక్కరే అని నిర్ధారించలేదు” అని కోర్టు స్పష్టం చేసింది.అంతేకాకుండా, నిందితుడు డబ్బును విత్డ్రా(Withdraw) చేస్తున్నట్లు చూసిన ఏటీఎం కేంద్రంలోని సెక్యూరిటీ గార్డును కూడా పోలీసులు విచారించలేదని కోర్టు వ్యాఖ్యానించింది. వీటిన్నంటిని పరీశించిన తర్వాత ఈ కేసులో నిందితుడిగా చేర్చిన వ్యక్తిని నిర్దోషిగా పరిగణిస్తున్నట్లు ప్రకటించిన కోర్టు కేసు కొట్టి వేసింది.
Read Also : Telangana: గడువు కంటే ముందు తెలంగాణకు వర్ష సూచన రైతులకు పండుగే