IPhone Duo : దిగ్గజ టెక్ సంస్థ యాపిల్ తన మొట్టమొదటి ఫోల్డబుల్ స్మార్ట్‌ఫోన్ ‘ఐఫోన్ డ్యూయో’ను మార్కెట్‌లోకి ఆవిష్కరించడం అంతర్జాతీయంగా టెక్ వర్గాల్లో తీవ్ర ఆసక్తి రేకెత్తించింది. అయితే, ఈ పరిణామంపై ప్రత్యర్థి సంస్థ శామ్‌సంగ్ సోషల్ మీడియా వేదికగా తీవ్ర స్థాయిలో విమర్శలు, సెటైర్లు గుప్పించింది. తాము ఏడేళ్ల క్రితమే మార్కెట్‌లోకి తీసుకొచ్చిన ఫోల్డబుల్ టెక్నాలజీని యాపిల్ ఇప్పుడు ఏదో విప్లవాత్మకమైన కొత్త ఆవిష్కరణగా ప్రచారం చేసుకోవడం హాస్యాస్పదంగా ఉందని ఎద్దేవా చేసింది. “గతంలో వండి మిగిలిపోయిన ఆహారాన్ని మళ్లీ వేడి చేసి సరికొత్తగా వడ్డించినట్లుంది” అంటూ శామ్‌సంగ్ చేసిన ఘాటు వ్యాఖ్యలు ప్రస్తుతం నెట్టింట వైరల్‌గా మారాయి.
Read Also : భారత్‌లో తొలి రగ్డ్ ఫీచర్ ఫోన్ తీసుకొచ్చిన ఐటెల్
ఫోల్డబుల్ విభాగంలో పైచేయి మాదే: ‘గెలాక్సీ ఫోల్డ్’పై శామ్‌సంగ్ ధీమా
ఫోల్డబుల్ స్మార్ట్‌ఫోన్ల విభాగంలో తమదే అసలైన ఆధిపత్యమని శామ్‌సంగ్ ఈ సందర్భంగా గట్టిగా పునరుద్ఘాటించింది. 2019లోనే తాము ‘గెలాక్సీ ఫోల్డ్’ సిరీస్‌ను మార్కెట్‌లోకి తీసుకువచ్చి, నిరంతరం సరికొత్త అప్‌డేట్లతో ఈ విభాగంలో అత్యుత్తమ స్థానంలో నిలిచామని గుర్తుచేసింది. సుదీర్ఘ అనుభవంతో తమ ఫోల్డబుల్ ఫోన్లు ఎంతో పర్ఫెక్ట్‌గా రూపుదిద్దుకున్నాయని, ఏళ్ల తరబడి తాము విక్రయిస్తున్న సాంకేతికతను యాపిల్ ఇప్పుడు ఆలస్యంగా కాపీ కొట్టడానికి ప్రయత్నిస్తోందని సెటైర్లు వేసింది. రెండు దిగ్గజ కంపెనీల మధ్య సాగుతున్న ఈ శత్రుత్వం మరియు ట్రోల్స్ స్మార్ట్‌ఫోన్ ప్రేమికులను విశేషంగా ఆకట్టుకుంటున్నాయి.
Read Also hindi news: hindi.vaartha.com
Read Also Epaper : epaper.vaartha.com
Read Also :
