Meta : ఇన్‌స్టాగ్రామ్, ఫేస్‌బుక్ మాతృసంస్థ అయిన ‘మెటా’ భారత్‌లో పిల్లల రక్షణ దిశగా కీలక నిర్ణయం తీసుకుంది. దేశంలో చైల్డ్ సెక్సువల్ అబ్యూజ్ మెటీరియల్ (CSAM) కేసులకు సంబంధించిన రిపోర్టులు మరియు కీలక డేటాను భారత లా ఎన్‌ఫోర్స్‌మెంట్ ఏజెన్సీలకు నేరుగా అందించేందుకు మెటా అంగీకరించిందని కేంద్ర ప్రభుత్వ వర్గాలు వెల్లడించాయి. డిజిటల్ మాధ్యమాల్లో చిన్నారుల భద్రతకు ముప్పు వాటిల్లుతున్న నేపథ్యంలో, పిల్లలకు హాని కలిగించే లేదా అశ్లీలతను వ్యాప్తి చేసే కంటెంట్‌ను తక్షణమే తొలగించాలని, లేకపోతే చట్టపరమైన కఠిన చర్యలు తప్పవని కేంద్ర ప్రభుత్వం సోషల్ మీడియా వేదికలను తీవ్రంగా హెచ్చరించింది. ఈ వత్తిడి మరియు హెచ్చరికల నేపథ్యంతోనే మెటా వెనక్కి తగ్గి ఈ నిర్ణయానికి వచ్చింది.
Read Also : AI ఫీచర్లతో అదిరిపోయే ఎయిర్‌పాడ్స్ ధర ఎంతంటే?
కేంద్రం స్పందన మరియు భవిష్యత్తు డిజిటల్ రక్షణ చర్యలు
మెటా తీసుకున్న ఈ నిర్ణయాన్ని కేంద్ర ప్రభుత్వం ఒక సానుకూల పరిణామంగా అభివర్ణించింది. అయితే, ఇది కేవలం తొలి అడుగు మాత్రమేనని, ఆన్‌లైన్‌లో పిల్లల భద్రతను పూర్తిస్థాయిలో నిర్ధారించడానికి మెటా వంటి గ్లోబల్ టెక్ దిగ్గజాలు ఇంకా చేయాల్సింది చాలా ఉందాని స్పష్టం చేసింది. సోషల్ మీడియా ప్లాట్‌ఫామ్‌లలో చిన్నారులపై జరుగుతున్న సైబర్ నేరాలు, వేధింపులు మరియు అభ్యంతరకర కంటెంట్‌ను అరికట్టడానికి ఏజెన్సీలతో వేగవంతమైన సమన్వయం అవసరమని అధికారులు పేర్కొన్నారు. భవిష్యత్తులో కూడా నిబంధనలను ఉల్లంఘించే ప్లాట్‌ఫామ్‌లపై ఐటీ చట్టాల ప్రకారం కఠిన చర్యలు కొనసాగుతాయని ప్రభుత్వం పునరుద్ఘాటించింది.
Read Also hindi news: hindi.vaartha.com
Read Also Epaper : epaper.vaartha.com
Read Also :
